1तिमोथि 4:1 - धिमाल

¹ पुनित हाङसा रेम्‍फा गिपातेङ दोअ्‌खे, न्‍हुअ्‌सो लोका पहरता हेथे द्‍याङगेलाइ खान्‍धुर दोङ पालि लाअ्‌तावा। एम्‍बालाइ असत हाङसागेलाइको रो मासानको दोअ्‌का काथा साअ्‌तावा।

Dhimal NT

¹ पबित्तरो आत्मा झालाफालापा दोअ्हि, कि या आखिरि दिनागेलाइता आधिमि द्‍याङगेलाइ ख्रिस्टको सिक्स्याहेङ खाङधुरि पालि लाअ्तावा। इम्बालाइ साइतानसो लोका सिक्स्याहेङ सुइकार पावा कालाउ जाइ इम्बालाइहेङ छलियावा कालाउ साइतानसो लोका धाताइका सिक्स्यागेलाइहेङ खाङधुरि पालि लागाइयावा।

1तिमोथि 4:1 Iomraidhean Croise

मत्‍ति 18:7

धिकार, इदोइ दुनियाको द्‍याङगेलाइहेङ जाइ बोमिहेङ बुङ जाचता वालापालि भोखे। कालाउ बुङ धिकार, इङको द्‍याङहेङ जाइसो कुकरम पालि जाच लोखे।

लुका 17:1

इसु ताइको चात्‍यागेलाइहेङ दोअ्‌हि, “द्‍याङगेलाइहेङ कुकरमको आस्‍तिता देपाका काथागेलाइ ते जातिङकोङ ल्‍वावा। कालाउ धिकार, इङको द्‌याङगेलाइहेङ जाइ बोमिहेङ कुकरम पालि लागाइखे।

युहन्‍ना 16:13

जेलाउ वा पुनित हाङसा ल्‍वावा, कोलाउ वा नेलाइहेङ गोताङ सतता थोङगिलावा। वा ताइको पाहासो माधुयावा। वा जेदोङ हिनावा, इङकोङ धुयावा रो जेङलि लोका काथागेलाइ नेलाइहेङ हुकुम पाप्‍यावा।

साल्न्हाका चात्या 13:2

एम्‍बालाइ प्रभुको पुकार पातेङहिका रो म्‍हितुपाङ हिका पहरता पुनित हाङसा दोअ्‌हि, “काङको भाअ्‌सिङ बारनाबास रो साउलहेङ इङको कामको भाअ्‌सिङ साल्‍सु, जेदोङ कामको भाअ्‌सिङ का नेलाइहेङ काइका हिघा।”

साल्न्हाका चात्या 17:18

इपिक्‍युरि रो स्‍तोइकि दरसिगेलाइता बुङ हेअ्‌मि पावलदोफा बहस पाहि। ओबालाइ हेअ्‌मि दोअ्‌हि, “या बेजेबेजेका हाइ दोअ्‌खे?” बोगेलाइ दोअ्‌हि, “बो हिदिङ भेनेङमुलुकको नावा देबि दिरगेलाइको पारचार पाकाभाइका तिङखे।” हाइपानु पावल इसुको बारेता रो वाको सिकासो सिन्‍हुका काथाको पारचार पाघाखे।

साल्न्हाका चात्या 20:23

का इदोइझोको ते गेखा, गोताङ पुरगेलाइता थुना रो पिर यरुसलेमता भोगेलिगोयाङ दोअ्‍तेङ पुनित हाङसा कासेहेङ गिपाका हि।

साल्न्हाका चात्या 21:11

वा पावलको तेपाना चुमतेङ ताइको खुर रो खोकोइ धेउतेङ दोअ्‌हि, “पुनित हाङसा एसापा दोअ्‌खे, यरुसलेम हानेनु यहुदिगेलाइ इदोइ तेपानाको धनिहेङ एसाङ पातेङ धेवावा रो बो जात्‍यागेलाइको खुरता जिम्‍मा प्‍यावा।”

साल्न्हाका चात्या 28:25

ताताइमिताङ काथा मामिलितेङ एम्‍बालाइ एन्‍साङ इन्‍तासो हानेलि तोमलाउ पावल एम्‍बालाइहेङ एसा दोअ्‌हि, “पुनित हाङसा नेलाइको पुर्खालाइहेङ दोअ्‌का काथा जातिङको हि हाइदोनु यसैया आगाधुइकासो वा एसापा धुइहि:

1 कोरिन्थि 10:20

हाइदोनु दिर पुजिकालाइ जेदोङ भोक चार्‍हाइखे इङको परमेस्‍वरहेङ माको, कालाउ मासानहेङ चार्‍हाइखे। एन्‍साङ नेलाइ मासानदोफाङ हिमखिम पासु दोअ्‌तेङ का माभोखा।

1 कोरिन्थि 11:19

नेलाइको माझाता र्‍हुकालाएक ठार्‍हाइन्‍हाकागेलाइहेङ नाल्‍लिको भाअ्‌सिङ नेलाइता बेमेल जेङलि दोङ गोयाङ।

1 कोरिन्थि 12:11

कालाउ इदोइ गोताङ एलोङदोङ पुनित हाङसाको कामगेलाइ एइ। कालाउ वा झाराङहेङ ताइकोङ लाल्‍सा आन्‍सार इदोइ बरगेलाइ पिखे।

1 कोरिन्थि 2:10

परमेस्‍वर केलाइको भाअ्‌सिङ पुनित हाङसासो म्‍होअ्‌न्‍हाका काथा तिङपाका हि। हाइपानु पुनित हाङसा गोताङ काथागेलाइ भोखे रो परमेस्‍वरको लिअ्‍ताको काथागेलाइ बुङ भोखे।

कलस्सि 2:18

सादेलचरगेलाइहेङ पुजिलि गोइका दोअ्‌तेङ ताइमिहेङ बाराका फोमपाकालाइ हि। कालाउ “केलाइ इसिकाङ काथागेलाइ नजर निङका हिन्‍हाहि” दोअ्‌तेङ गफि जेङतेङ नोइका भाइपाङ तिङपाकालाइ दोङ एसा दोअ्‌खे। इसिका द्‌याङगेलाइ बिथाता तुजुक पाखे। एम्‍बालाइ नेलाइहेङ इसिका छलपाका काथाता आवाइपातेङ नेलाइ निङलिगोइका इनाम मागुमाइपासु।

2 तिमोथि 3:13

आसाति रो ठगेकागेलाइ चाहिँ बोमिहेङ ठग्‍याङका दोअ्‌लाउ ताइमिङ ठगेन्‍हातेङ एम्‍बालाइ झनझन बिगिरतेङ हानावा।

2 तिमोथि 4:4

एम्‍बालाइ ते सत काथागेलाइहेङ हिङतेङ माहिनावा कालाउ निङका काथागेलाइ हिङलिचाहिँ मोन्‍दाताकावा।

याकुब 3:15

इसिका आकिल परमेस्‍वरसो लोका माको, कालाउ इदोइ ते दुनियाको, हाङसाको रो दियाबलसको आकिल एइ।

1पतरुस 1:20

परमेस्‍वर दुनियाहेङ सिरजाइका खान्‍तेङ लाम्‍फा दोङ ख्रिस्‍टहेङ साल्‍का हिघाहि रो नेलाइको भाअ्‌सिङ न्‍हुअ् दिनाता वा देखाल जेङहि।

२ पत्‍रुस 2:1

लाम्‍फालाम्‍फा जेसापा इस्राएलिगेलाइको माझाता असत आगाधुइकालाइ बुङ हिघाखे, एन्‍साङ पातेङ नेलाइको माझाता असत मास्‍टरगेलाइ जाअ्‌तावा। एम्‍बालाइ सिपापा मुअ्‌पाका असत बिद्‌यागेलाइ चुमावा रो ताइमिहेङ छुटकारा पिका प्रभुहेङ सुदाङ लाअ्‌वा। कालाउ ताइमिङर्‍हुता मारफाङ मुअ्‌का चुमावा।

२ पत्‍रुस 3:3

झाराङखान्‍तेङ लाम्‍फा नेलाइ इदोइ काथा गिलि गोइस्‍वाना, आखिरि दिनागेलाइता निन्‍दा पाकालाइ निन्‍दा पातेङ रो एम्‍बालाइको ताइकोङ दुरजन लाल्‍साता एसा दोअ्‌तेङ ल्‍वावा,

१ युहन्‍ना 2:18

काङको दायाका जामालाइ, न्‍हुअ् पहर इदोङ एइ। ख्रिस्‍ट दुस्‍मन लोदोङखे दोअ्‌का नेलाइ हिङका हिसुन्‍हा। एला हेन्‍जाङ ख्रिस्‍ट बाइरि लोका हि। इदोइभाअ्‌सिङ केलाइ गेन्‍हाखे, इदोइ न्‍हुअ् पहर एइ।

१ युहन्‍ना 4:6

कालाउ केलाइ ते परमेस्‍वरको एइ। जाइ परमेस्‍वरहेङ नाल्‍खे वा केलाइको काथा हिङखे। जाइ परमेस्‍वरको माको, इङको केलाइको काथा माहिङखे। इदोङसो केलाइ सतको हाङसा रो आवाइपाका हाङसाहेङ नालन्‍हाखे।