1तिमोथि 3:6 - धिमाल

⁶ कालाउ इङको भरखर खान्‍धुर पाका बुङ हिलि मागोयाङ। माकोनु इङको तुजुकहोइ फुलितेङ दियाबलस भाइपाङ दारता वालातेङ मुअ्‌तावा।

Dhimal NT

⁶ वा नावा खान्धुराइ माह्याको, माकुनुते वा घमन्डि जेनावा कालाउ साइतान निङका भाइकाङ साजाइ निनावा।

1तिमोथि 3:6 Iomraidhean Croise

लुका 10:18

इसु एम्‍बालाइहेङ दोअ्‌हि, “का मासानको मालिक दियाबलसहेङ बिजुलि जोल्‍का भाइपाङ आदेलसो हुल्‍का तिङघा।

1 कोरिन्थि 3:1

दादाओने बाइओनेगेलाइ, नेलाइदोफा धुइलाउ पुनित हाङसा निङका द्‌याङगेलाइदोफा धुइकाभाइपाङ का धुइलि मादोघा। कालाउ दुनियाको द्‍याङगेलाइ भाइपा, ख्रिस्‍टता दुदुआम्‍का जामालदोफा धुइकाभाइपाङ का धुइघा।

1 कोरिन्थि 8:1

एला का दिरहेङ चार्‍हाइका चाकाचिजको बारेता दोअ्‌खाः याको बारेता केलाइ झाराङ आकिल निङका हिन्‍हाहि। कालाउ आकिलहोइ द्‌याङहेङ तुजुकि बान्‍हाइखे रो मायाचाहिँ मिलाप चुमाखे।

1तिमोथि 3:7

इन्‍सिका आगुवाचाहिँ ताइको मन्‍डलिता खिनिङ माको मन्‍डलि बाहार बुङ मान निङका हिलि गोयाङ। एन्‍सा जेङनु खिनिङ इङकोहेङ द्‌याङगेलाइ निन्‍दा मापावा रो इङको दियाबलसको आस्‍तिता मादेकावा।

1तिमोथि 6:4

वा हाइदोङ मागेसिङ एन्‍साङ तुजुकहोइ फुलिखे। वा ते झागारा पाका बिमार लागेका द्‌याङ। वा काथाङ काथाता झागारा खिनिङ पालि भोखे। इसिका काथागेलाइहोइ ते दाहा, झागारा, बादनामि रो मारेम्‍का साङका देखाल पापाखे।

2 तिमोथि 3:4

एम्‍बालाइ बोमिहेङ छल पातेङ, मनमानि पातेङ तुजुकहोइ फुलितेङ हिगिलावा रो परमेस्‍वरहेङ माया पाका खान्‍तेङ भुरुङ मोजमजा दोङ मोन्‍दा ताकावा।

1पतरुस 2:2

एलाङ खिनिङ जोन्‍मिका जामाल म्‍हितुतेङ आमाइको दुदु आम्‍लि भोकाभाइपाङ नेलाइ बुङ परमेस्‍वरको सत कथनहेङ आम्‍लि भोसु रो इन्‍तासो ताइको छुटकाराता आगा लाङतेङ हानेलि दोस्‍वाना।

1पतरुस 5:5

एन्‍साङ पातेङ धानागेलाइ, नेलाइ बुङ मन्‍डलिको आगुवागेलाइको आधिनता हिसु रो नोइतेङ एमि भेनेङको चाकर पासु। हाइपानु धरमकिताबता इसिका लेखेन्‍हाका हिः “परमेस्‍वर तुजुकिगेलाइको खिलाप पावा, कालाउ नोइकालाइहेङ निगाहा पावा।”

२ पत्‍रुस 2:4

परमेस्‍वर कुकरम पाका सादेलचरगेलाइहेङ सुदाङ मालाअ्‌हि रो एम्‍बालाइहेङ पातेलता थालगिल्‍हि। कालाउ एम्‍बालाइहेङ नियाको दिनाथिकापा पातेलको कितिकितिकाता ताअ्‌का हि।