1तिमोथि 3:4 - धिमाल

⁴ इङको ताइको साअ्द्वार रेम्‍फा चालाइलि दोका रो ताइको चानचामिन्‍दिगेलाइहेङ मान पाका रो हुकुम साअ्‌का बान्‍हायाको।

Dhimal NT

⁴ वा ताइको जाहान रेम्फासो चालाइलि दोका कालाउ ताइको चान-चामिन्दिगेलाइहेङ गोताङ काथाता आदार दोफा आग्या केम्लि धिरपालि गोइखे।

1तिमोथि 3:4 Iomraidhean Croise

साल्न्हाका चात्या 10:2

वा परमेस्‍वरहेङ मान पाघाखे रो वा रो वाको गोताङ खाल परमेस्‍वरता थिघाखे। वा मानथुकालाइहेङ साघाइघाखे रो दिनाङ परमेस्‍वरदोफा पुकार पाघाखे।

फिलिप्पि 4:8

एला दादाओने बाइओनेगेलाइ, जेदोङ काथा सत रो मानको हि, जेदोङ काथा नियाको रो पुनित हि, जेदोङ काथा माया लाएक रो निगाहाको हि, जेदोङ काथा रेम्‍का रो बाखिन्‍लि गोइका हि, इङकोङ काथाता मन लागाइसु।

1तिमोथि 3:12

मन्‍डलिको डिकनको बुङ एलोङ खिनिङ बेअ् हिलिगोयाङ। एम्‍बालाइ ताइको चानचामिन्‍दि रो साअ्‌द्वार रेम्‍फा मिलिपातेङ ताअ्‌लि दोका ह्‍याको।

तितस 1:6

मन्‍डलिको आगुवाहेङ हासुङ बुङ दुस मालागाइका रो एलोङ खिनिङ बेअ् हिका ह्‍याको। इङकोको चानचामिन्‍दिगेलाइ खान्‍धुरि, चालचलन रेम्‍का हिका रो दोअ्‌का साअ्‌का ह्‍याको।

तितस 2:2

वाराङ द्‍याङगेलाइहेङ ताइको मनहेङ आधिनता ताअ्‌का, इजत मान हिका, रेम्‍फा बिचार पाका, खान्‍धुरता बोल्‍याका, मायारो पाका रो गोताङ काथा सहेलि दोका हिलि गोयाङ दोअ्‌तेङ धिरपा।

तितस 2:7

ना दोङ गोताङ काथाता रेम्‍का कामको नामुना जेङतेङ एम्‍बालाइहेङ तिम्‍पा। ना धिरपालाउ इमानि जेङतेङ हेन्‍जाङ ल्‍हिका काथा धिरपा।