1तिमोथि 3:3 - धिमाल

³ इङको दान्‍हाइसुका रो म्‍हागिल्‍का हिलिमागोयाङ, कालाउ इङको सहेलि दोका, सिपापा हिका रो टाका काउरिको लाल्‍चा मापाका हिलिगोयाङ।

Dhimal NT

³ वाको हेन्जा गोरा चि माआम्का बानि माह्याको, कालाउ हेन्जा चेरचुङ माहिका, कालाउ वा मोनोइ कालाउ सान्त स्वभाबको, माफेसुका, कालाउ ताकाको लोभ पाका माह्याको।

1तिमोथि 3:3 Iomraidhean Croise

मत्‍ति 21:13

वा एम्‍बालाइहेङ दोअ्‌हि, “धरमकिताबता इसिका लेखेका हि: ‘काङको साअ् पुकार पाका साअ्‌ जेङलि गोयाङ।’ कालाउ बुङ नेलाइ यासिहेङ डाकुगेलाइको आडा बान्‍हाइका हिसुन्‍हा।”

साल्न्हाका चात्या 20:33

“का हासुको सोना, रुपा रो धाबा मादिअ्‌घा।

1 थेस्लोनिकि 5:14

दादाओने बाइओनेगेलाइ, केलाइ नेलाइहेङ आर्ति पिन्‍हाखे, कामपालि कुर्‍यागेलाइहेङ चेतानि पिसु। हारेस चाकालाइहेङ हाउसा पिसु, हाइदोङ पालि मादोकालाइहेङ मदत पासु रो झाराङदोफा सहेलिदोका तिङपासु।

1तिमोथि 3:8

एन्‍साङ पातेङ मन्‍डलिता चाकरपाकालाइ मान निङका रो जातिङको धुइका हिलि गोयाङ। इन्‍सिकालाइ हेन्‍जाङ माम्‍हाका रो मारेम्‍का काम पातेङ टाका काउरि काम्‍हाइलि भोका द्‌याङ हिलि माएल।

2 तिमोथि 3:2

इङको पहरको द्‍याङगेलाइ ताइमिङहेङ खिनिङ दायाका, टाकाकाउरिको लाल्‍चा पाका रो ताइमिहेङ बाराका फोमपाका, तुजुक रो बादनामि पाका ज्‍यावा। एम्‍बालाइ ताइको आबाआमाइहेङ मासाअ्‌का, अपगुनि, अपुनित जेनावा।

तितस 1:11

एबालाइको नुइता बिजाला मालागाइसिङ माज्‍याङ हाइदोनु एम्‍बालाइ ते धिरपालिङ माएल्‍का काथागेलाइ धिरपातेङ पुराङ साअ् जाहानता उपदर्‍या माचाइका हि। खालि ताकाकाउरि कामाइलिको भाअ्‌सिङ एम्‍बालाइ एसा पाका एइ।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

तितस 2:3

एसाङ पातेङ बेराङगेलाइ परमेस्‍वरहेङ मान पाका ज्‍यान सालाको। एम्‍बालाइ बोमिहेङ बिथाको दुस मालाग्‍याको। एबालाइ गोराको बसता मावालाको रो रेम्‍का काथागेलाइको बिद्‌या प्‍याको।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

याकुब 4:1

नेलाइको माझाता काचिङगल रो धुम हितासो लोखे? हाइ इदोइ गोताङ काथागेलाइ नेलाइको मन लिअ्‌ता चेरसुका मारेम्‍का बिचारसो माओल्‍हेखे कुनु? जेदोङचाहिँ नेलाइको मनलिअ्‌ता जेलाउ बुङ हिखे।

1पतरुस 5:2

परमेस्‍वर नेलाइको जिमाता पिका वाको जनगेलाइहेङ रेम्‍फा खाङकाखुङका पाका जेङसु। करकापता माको, कालाउ ताइ मनहोइ लेङचातेङ पासु। टाका कामाइका हिसाबसो माको, कालाउ परमेस्‍वरको लाल्‍साआन्‍सार चाकर जेङतेङ पासु।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।