1तिमोथि 3:13 - धिमाल

¹³ डिकनगेलाइ रेम्‍का चाकर पानु एम्‍बालाइ रेम्‍का मान निनावा कालाउ एम्‍बालाइ इसु ख्रिस्‍टता हिका ताइको खान्‍धुरको बारेता बोमिहेङ बुङ माथिसिङ दोअ्‌लि द्‌वावा।

Dhimal NT

¹³ मन्डलि साघाइकालाइ रेम्का तरिकासो काम पाखे पानु द्‍याङगेलाइ इम्बालाइको मानसाम्मान पावा, कालाउ इम्बालाइ येसु ख्रिस्ट ह्रुता ताइको खाङधुरिको बारेता द्‍याङगेलाइहेङ साहाससोङ दोअ्लि द्वावा।

1तिमोथि 3:13 Iomraidhean Croise

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

मत्‍ति 25:21

“गिर्‍हि इङकोहेङ दोअ्‌हि, ‘च्‍याबास, रेम्‍का रो खान्‍धुरि कामत्‍या! ना आतुइका काथाता खान्‍धुरि जेङन्‍हा, एला का नासेहेङ हेन्‍जा काथाको जिम्‍मा प्‍याङका। ना लोतेङ कादोफा लेङचा।’

लुका 19:17

राजा वासेहेङ दोअ्‌हि, ‘च्‍याबास, ना रेम्‍का कामत्‍या हिन्‍हा! ना आतुइका काथाता खान्‍धुर पानाङसिङ का नासेहेङ ते पुरको हाकिम बान्‍हायाङका।’

साल्न्हाका चात्या 21:35

पलटनगेलाइ पावलहेङ चुमपुतेङ हानेलाउ द्‍याङको चेप्रेचेअ्‌का ओबालाइहेङ पिताइतेङ हानेहि। पाइर्‍होसो र्‍हुता हानेलि तोम्‍लाउ द्‍याङगेलाइ पावलहेङ सेअ्‌लि भोहि। एन्‍सा जेङलाउ द्‍याङगेलाइसो बान्‍चेपालि पलटनगेलाइ वासेहेङ फुतेङ चुमपुहि।

साल्न्हाका चात्या 6:15

इङको पहर बाराकचहरिता योम्‍तेङ हिकालाइ झाराङ स्‍तिफनसहेङ खाङहि। वाको र्‍हाइ सादेलको काथा चुमाकाको र्‍हाइभाइपाङ चोहोचोहोका तिङहि।

साल्न्हाका चात्या 6:5

इदोइ काथा हुलको झाराङहेङ मोन्‍दाताहि, जोम्‍का झाराङहेङ रेम्‍नाङ गेहि, एम्‍बालाइ पुनित हाङसा रो खान्‍धुरहोइ पोङघाका स्‍तिफनस, फिलिप, प्रखरस, निकनोर, तिमोन, पर्मिनास रो एन्‍टिओखियाको यहुदि धरम मानेका निकोलाउसहेङ साल्‍हि।

साल्न्हाका चात्या 6:8

स्‍तिफनस सहसाम्‍पा रो सरबङ निङतेङ द्‍याङगेलाइको माझाता बाबारका सरबङ हिका काम रो चिनोगेलाइ पाहि।

1 कोरिन्थि 16:15

दादाओने बाइओनेगेलाइ, नेलाइ स्‍तिफनास रो वाको साअ्‌जाहानहेङ नाल्‍सुखेना। एबालाइ अखैया माउजाता झाराङखान्‍तेङ लाम्‍फा प्रभुहेङ खान्‍धुरि पाकालाइ हिघाखे। ओबालाइ परमेस्‍वरको पुनित जनगेलाइहेङ साघाइलिको भाअ्‌सिङ ताइको ज्‍यान सुमपिका हि।

फिलिप्पि 1:14

का थुनाता परेका हिनाङसिङ हेन्‍जाङ दादाओने बाइओनेगेलाइ प्रभुता बोल्‍याका जेङका हि। कालाउ एम्‍बालाइ माथिसिङ रेम्‍काबानाल हिङपालि हिम्‍मति जेङका हि।

1 थेस्लोनिकि 2:2

केलाइ इन्‍ता लोकालाम्‍फा फिलिप्‍पिको द्‌याङगेलाइ केलाइहेङ तु: पिहि रो केलाइको बिजेत पाहि। इदोइ काथा बुङ नेलाइ गेसुखेना। कालाउ बुङ परमेस्‍वर केलाइहेङ हिमत पिहि रो हेन्‍जाङ बिभेदि हिलाउ बुङ केलाइ नेलाइहेङ परमेस्‍वरको रेम्‍काबानाल हिङपान्‍हाहि।

1तिमोथि 3:14

का नाङकोता मारफाङ लोलि आस ताअ्‌का हिघा, कालाउ बुङ का इदोइ चिथि लेखेदोङखा।

2 तिमोथि 2:1

काङको चान तिमोथि, नाचाहिँ ख्रिस्‍ट इसुको पिका निगाहाहोइ बोल्‍याका जेङ।