1तिमोथि 3:11 - धिमाल

¹¹ एन्‍साङ पातेङ एम्‍बालाइको बेअ्‌गेलाइ बुङ बोमि द्‌याङगेलाइसो मान निङका हिलि गोयाङ रो एम्‍बालाइ बोमिको बारेता मारेम्‍का काथा मापाका हिलि गोयाङ, कालाउ ताइमिङहेङ आधिनता ताअ्‌तेङ गोताङ काथाता खान्‍धुरि लाएक हिलि गोयाङ।

Dhimal NT

¹¹ मन्डलि साघाइकालाइको बे गेलाइ बुङ आदार पालिको योग्य हिलि गोइखे, बोमिको बिसोइता आखेका काथा मापोका हिलि गोइखे। कालाउ ताइमिहेङ काबुता ताअ्तेङ गोताङ काथाता खाङधुरि योग्य हिलि गोइखे।

1तिमोथि 3:11 Iomraidhean Croise

मत्‍ति 4:1

इङकोन्‍हुअ्‌सो पुनित हाङसा मासानको राजा दियाबलससो इसुहेङ कुकरमता फासेपालिको भाअ्‌सिङ उदादाङका थामेता चुमपुन्‍हाहि।

युहन्‍ना 6:70

इसु एम्‍बालाइहेङ दोअ्‌हि, “हाइ का ताइमिङ नेलाइ तेन्‍हेङ मिहेङ साल्‍का माको कुनु? नेलाइता ए मिचाहिँ दियाबलस एइ।”

1तिमोथि 1:12

काङको कामता कासेहेङ बल पिका केलाइको प्रभु इसु ख्रिस्‍टहेङ का च्‍याबास चार्‍हाइखा। वा कासेहेङ खान्‍धुर पातेङ दोङ ताइको कामता लागाइहि।

1तिमोथि 3:2

इसिका आगुवाचाहिँ हिदिङ दुसमान्‍थुका रो इङकोको बेअ् एलोङ खिनिङ हिलिगोयाङ। इङको ताइमिङहेङ रो ताइको मनहेङ बसता ताअ्‌लि दोका कालाउ रेम्‍का चालचलनको हिलिगोयाङ। इङको बान्‍साबुझाइका रो बोमिहेङ रेम्‍फा बिद्‌या पिका हिलिगोयाङ।

1तिमोथि 6:2

खान्‍धुरि गिर्‍हिगेलाइहेङ इङकोको कामत्‍यागेलाइ खान्‍धुरता दादाओने दोङ दोअ्‌तेङ आनादर मापाको। भुरुङ एम्‍बालाइ ओबालाइको झन हेन्‍जा चाकर पाको। हाइदोनु एम्‍बालाइको चाकरसो लाभ निङकालाइ खान्‍धुरि रो मोन्‍दाताकालाइ दोङ। इदोङ काथागेलाइ साअ्‌लि धिरपा रो हाउसा पि।

2 तिमोथि 3:3

हासुहेङ माया मापाका, निथुरि, एन्‍साङ चुक्‍लि चुका, फुका, थिलिगोइका, रेम्‍का काथा मोन्‍दामाताका जेनावा।

2 तिमोथि 4:5

कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

तितस 2:3

एसाङ पातेङ बेराङगेलाइ परमेस्‍वरहेङ मान पाका ज्‍यान सालाको। एम्‍बालाइ बोमिहेङ बिथाको दुस मालाग्‍याको। एबालाइ गोराको बसता मावालाको रो रेम्‍का काथागेलाइको बिद्‌या प्‍याको।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

1पतरुस 5:8

हुस ताअ्‌सु रो चानाखा जेङसु। हाइदोनु नेलाइको दुस्‍मन दियाबलस डिकिरिम्‍का झाबिरिभाइपाङ हासुहेङ निनाङका रो चाङका दोअ्‌तेङ दाउ खान्‍तेङ घुराइगिल्‍दोङखे।