1तिमोथि 2:7 - धिमाल

⁷ इदोइभाअ्‌सिङ का बोजात्‍याको द्‍याङगेलाइहेङ खान्‍धुर रो सत काथा धिरपालिको भाअ्‌सिङ परमेस्‍वर कासेहेङ पारचार पाका रो साल्‍तेङ दिङगिल्‍का जेङलि साल्‍का। का जातिङको दोअ्‌का, ढाटाइका माको।

Dhimal NT

⁷ याकोङ भाअ्सिङ परमेस्वर कासेहेङ सुसमाचारको प्राचार पालि कालाउ साल्न्हाका चात्याको रुपता नियुक्ति पाहि। कालाउ वा कासेहेङ खाङधुरि कालाउ सत्येको सिक्स्या गैर-यहुदिगेलाइहेङ धिरपालि साल्हि। कालाउ का धाताइतेङ दोअ्का माको, भरु का सत्ये धुइखा।

1तिमोथि 2:7 Iomraidhean Croise

युहन्‍ना 7:35

कोलाउ यहुदिगेलाइ ताताइमिता दोअ्‌लि तेङहि, “या हिसो हानेलि खाङदोङखे रो केलाइ यासेहेङ लिङलिमाद्‍वाङ? हाइ या ग्रिकगेलाइको माझाता राइन्‍हातेङ हिका यहुदिगेलाइकोता हानेतेङ ग्रिकगेलाइहेङ बिद्‍या पिलि भोखे?

साल्न्हाका चात्या 14:27

जेलाउ एम्‍बालाइ एन्‍टिओखियाता थुकालिलोहि, कोलाउ मन्‍डलिहेङ जोम्‍पाहि। कालाउ परमेस्‍वर एम्‍बालाइ दोसा पाका गोताङ कामको बाखान पाहि रो हेसापा वा बोजात्‍यागेलाइको भाअ्‌सिङ खान्‍धुरको फिनु हेपिहि इङको हिङपाहि।

साल्न्हाका चात्या 22:21

कालाउ प्रभु दोअ्‌हि, ‘ना हाने, का नासेहेङ दुरेदुरेथिकापा बो जात्‍यागेलाइकोता दिङगिलदोङखा।’”

साल्न्हाका चात्या 26:20

झाराङखान्‍तेङ लाम्‍फा दमस्‍कस रो यरुसलेमता कालाउ गोताङ यहुदिया मुलुकता रो बो जात्‍याको मुलुकगेलाइता बुङ हानितेङ का द्‍याङगेलाइहेङ ताताइको कुकरमहेङ मानितेङ परमेस्‍वरभारि घुरितेङ रेम्‍का काम पासु दोअ्‌तेङ पारचार पाघा।

साल्न्हाका चात्या 9:15

कुलाउ प्रभु वासेहेङ दोअ्‌हि, “हाने, हाइपानु बोजात्‍यागेलाइ, राजागेलाइ रो इस्राएलको खालको आगाता काङको मिङ पारचार पालि वा साल्‍का एइ।

1 कोरिन्थि 9:1

हाइ का फुक्‍का मान्‍थुघा? हाइ का साल्‍तेङ दिङगिल्‍का माको? हाइ का केलाइको प्रभु इसु ख्रिस्‍टहेङ तिङका मान्‍थुघा? हाइ नेलाइ दोङ काङको पाका कामसो प्रभुहेङ खान्‍धुर पाका माको कुनु?

गलाति 1:16

परमेस्‍वर दोङ कासो बो जात्‍याको माझाता रेम्‍काबानाल पारचार ज्‍याको दोअ्‌तेङ ताइको चानहेङ काता देखाल पाहि। इङको पहर का हिदिङ द्‍याङदोफा बुङ मतो र्‍हुलि मान्‍हेघा।

गलाति 1:20

काङको लेखेका काथागेलाइ जातिङको एइ दोअ्‌का काथा का परमेस्‍वरको आगाता नेलाइहेङ माढाटाइसिङ दोअ्‌दोङखा।

गलाति 2:16

कालाउ केलाइ गेन्‍हाखे, हिदिङ बुङ द्‍याङ नियम मानितेङ परमेस्‍वरको आगाता हेअ्‌लाउ धरमाति जेङलि मादोखे। कालाउ इसु ख्रिस्‍टहेङ खान्‍धुर पातेङ खिनिङ वा धरमाति जेङलि दोखे। एन्‍साङ पातेङ केलाइ बुङ नियम मानितेङ माको, कालाउ धरमाति जेङलि द्‌वाको दोअ्‌तेङ ख्रिस्‍ट इसुहेङ खान्‍धुर पाका हिन्‍हाहि।

गलाति 2:9

इदोइ काङको भाअ्‌सिङ परमेस्‍वरको बाराका निगाहा एइ। इदोइ काथाहेङ याकुब, पत्‍रुस रो युहन्‍ना भाइका मन्‍डलिको मुल आगुवागेलाइ दोअ्‌तेङ नालन्‍हाकालाइ बुङ साअ्‌का हि। इदोइखातिर एम्‍बालाइ बारनाबास रो कासेहेङ खुर मिलिपातेङ ताइको मिलापता चुमाहि। केलाइचाहिँ बो जात्‍याको माझाता रो एम्‍बालाइचाहिँ यहुदिगेलाइको माझाता काम पालि राजि जेङन्‍हाहि।

गलाति 3:9

इदोइखातिर आब्राहाम परमेस्‍वरहेङ खान्‍धुर पातेङ सहसाम्‍पा निङका भाइपाङ एन्‍साङ पातेङ बोमि बुङ ख्रिस्‍टहेङ खान्‍धुर पातेङ सहसाम्‍पा निनावा।

2 तिमोथि 1:11

परमेस्‍वर कासेहेङ इदोङ रेम्‍काबानाल हिङपालि पारचारपाका, साल्‍तेङ दिङगिल्‍का रो मास्‍टर जेङलि खाटाइका।

२ पत्‍रुस 2:5

परमेस्‍वर लाम्‍फाको दुनियाहेङ सुदाङ मालाअ्‌हि। वासेहेङ मासाअ्‌कालाइहेङ बाने चुमातेङ मुअ्‌पाहि। कालाउ धरमातिको पारचार पाका नोआ रो वाको न्‍हिअ्‌ मि जाहानहेङ खिनिङ बान्‍चिपाहि।