1तिमोथि 2:6 - धिमाल

⁶ झाराङ द्‍याङगेलाइहेङ सिन्‍हुपालि वा भोक जेङहि। परमेस्‍वर झाराङ द्‌याङ सिन्‍हुका लाल्‍सापाखे दोअ्‌का काथाको दासि इदोइ दोङ।

Dhimal NT

⁶ ख्रिस्ट गोताङ द्‍याङगेलाहेङ पाप कालाउ सिकाको सरबुङसो लाअ्पालि मोल तिरितेङ ताइमिहेङ बलिदान पिहि। कालाउ वाको सिकासो परमेस्वर झाराङ द्‍याङ बान्च्याको दोअ्तेङ ठिक सोमोइता प्रमान पिहि।

1तिमोथि 2:6 Iomraidhean Croise

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

मर्कुस 1:15

वा दोअ्‌हि, “पहर पोङघाका हि रो सादेलको सारभि भेर्पा लोकाहि। कुकरम मानेसु रो रेम्‍काबानालता खान्‍धुर पासु।”

मर्कुस 10:45

हाइपानु का द्‍याङको चान सेवा निङलि माको, कालाउ बुङ सेवा पालि रो हेन्‍जाङहेङ लाअ्‍पालि भाअ्‌सिङ ताइको बायु पिलि लोका एइ।”

युहन्‍ना 10:15

जेसापा आबा कासेहेङ नाल्‍खे, का आबाहेङ नाल्‍खा। कालाउ का भेरागेलाइको भाअ्‌सिङ ताइको बायु चार्‍हाइखा।

युहन्‍ना 6:51

सादेलसो खुअ्‌तेङलोका सिन्‍हुका तोले का दोङ एइ। हासुङ इदोइ तोले चाहि पानु इङको दिनाङ सिन्‍हुतावा। जेदोङ तोले का दुनियाको ज्‍यानको भाअ्‌सिङ प्‍याङका, इङकोचाहिँ काङको जिउ एइ।”

1 कोरिन्थि 1:6

हाइपानु ख्रिस्‍टको बारेता पिका दासि सत हि दोअ्‌तेङ परमेस्‍वर नेलाइता तिङपाहि।

गलाति 1:4

केलाइको परमेस्‍वर आबाको लाल्‍साआन्‍सार इदोइ एलाको दुरजन दुनियासो केलाइहेङ छुटकारा पिलि प्रभु इसु ख्रिस्‍ट ताइमिङहेङ केलाइको कुकरमको भाअ्‌सिङ ताइको ज्‍यान भोक पिहि।

गलाति 4:4

कालाउ परमेस्‍वरको दोअ्‌काङ पहरता ताइको चानहेङ केलाइको माझाता दिङगिल्‍हि। वा एअ्‌मि बेजानको कोखसो जोन्‍मेलाउ नियमको आधिनता जोन्‍मेहि।

2 थेस्लोनिकि 1:10

इदोइ काथा प्रभु इसु लोका दिनाता ज्‍यावा। इङको दिना परमेस्‍वर ताइको पुनित जनगेलाइसो मान निनावा। नेलाइ बुङ एम्‍बालाइदोफा हिस्‍वाना, हाइदोनु नेलाइ केलाइको पारचार पाका रेम्‍काबानालहेङ खान्‍धुर पासुन्‍हा।

1तिमोथि 6:15

परमेस्‍वर वासेहेङ उचित पहरता आरोङ दिङगिलावा। परमेस्‍वर बाखिन्‍का पाका लाएक हि रो वा खिनिङ गोताङ र्‍हुता राज पावा। वा राजागेलाइको बुङ राजा रो प्रभुगेलाइको बुङ प्रभु हि।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

1पतरुस 2:24

केलाइ कुकरमको भाअ्‌सिङ सितेङ धरमातिको भाअ्‌सिङ बानच्‍याइने दोअ्‌तेङ ख्रिस्‍ट ताइमिङ केलाइको कुकरम फातेङ कुरुसता सिहि। एन्‍साङ पातेङ वाकोङ पेचारासो नेलाइ एल्‍का हिसुन्‍हा।

1पतरुस 3:18

हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।

१ युहन्‍ना 4:10

माया इदोङता हि, केलाइ परमेस्‍वरहेङ माया पाका माको, कालाउ वा केलाइहेङ माया पाहि रो केलाइको कुकरमको भोक जेङलिको भाअ्‌सिङ ताइको चान दिङगिल्‍हि।