1तिमोथि 2:1 - धिमाल

¹ एला का नेलाइहेङ दोअ्‌ताङका, झाराङ खान्‍तेङ लाम्‍फा झाराङ द्‌याङगेलाइको भाअ्‌सिङ पुकार पासु। परमेस्‍वरता द्‌याङगेलाइहेङ साघाइलिको भाअ्‌सिङ पुकार पासु, एम्‍बालाइको भाअ्‌सिङ पुकार रो च्‍याबास चार्‍हाइसु।

Dhimal NT

¹ झाराङ खान्तेङ लाम्फा का आनुरोध पाङका, कि गोताङ द्‍याङको भाअ्सिङ परमेस्वर दोफा मोनोइ निबेदन, प्रार्थाना, बिन्ति कालाउ धन्यबाद पासु।

1तिमोथि 2:1 Iomraidhean Croise

साल्न्हाका चात्या 17:30

इदोइभाअ्‍सिङ लाम्‍फा मागेसिङ पाका मारेम्‍का कामहेङ परमेस्‍वर माफ पाहि। कुलाउ एला परमेस्‍वर गोताङ थामेता झाराङ द्‍याङगेलाइहेङ ‘ताताइको कुकरमहेङ मानितेङ लाअ्‌सु’ दोअ्‌का हुकुम पिहि।

1 कोरिन्थि 15:3

हाइदोनु काङको निङका रेम्‍काबानालको मुल काथा दोङ नेलाइहेङ सोङपिघा। जेदोङ मुल काथा, पुनित धरमकिताबआन्‍सार ख्रिस्‍ट केलाइको कुकरमको भाअ्‌सिङ सिहि।

फिलिप्पि 1:3

जेलाउ का नेलाइहेङ फोमपाखा कोलाउ नेलाइको भाअ्‌सिङ का काङको परमेस्‍वरहेङ च्‍याबास चार्‍हाइखा।

फिलिप्पि 4:6

हिदिङ काथाता बुङ फिकिर मापासु। नेलाइहेङ हारजा जेङका गोताङ काथाको भाअ्‌सिङ परमेस्‍वरहेङ पुकार पासु। कालाउ पुकार पालाउ परमेस्‍वरहेङ च्‍याबास चार्‍हाइसु।

1 थेस्लोनिकि 3:12

जेसापा केलाइ नेलाइहेङ दाया पान्‍हाखे एन्‍सा दोङ प्रभु नेलाइहेङ एमि भेनेङदोफा रो झाराङ द्‍याङदोफा हेन्‍जाङ दाया पाका बान्‍हायाको।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

1तिमोथि 2:4

कालाउ झाराङ द्‍याङगेलाइ सिन्‍हुताको रो सतहेङ रेम्‍फा नालाको दोअ्‌का दोङ वाको लाल्‍सा हि।

1तिमोथि 5:5

ताइको हासु मान्‍थुका रान्‍दि चाहिँ ताइको आस परमेस्‍वरता खिनिङ ताअ्‌का हिखे। कालाउ इङको नितिमन्‍हिसिङ लागेतेङ परमेस्‍वरता ताइको साहेताको भाअ्‌सिङ पुकार पातेङ हिखे।

2 तिमोथि 2:24

प्रभुको चाकर चेरसुलि माएल। इङको झाराङदोफा मिलिका हिलिगोयाङ कालाउ बिद्‍या धिरपालि दोका रो गोताङ काथा सहेलि दोका जेङलिगोयाङ।

तितस 2:11

हाइदोनु परमेस्‍वरको निगाहा झाराङ द्‌याङगेलाइहेङ छुटकारा पिलिको भाअ्‌सिङ दोङ देखाल जेङका एइ।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

याकुब 5:16

इदोइखातिर नेलाइ एमि भेनेङदोफा ताताइको कुकरम मानेसु। नेलाइ एल्‍लि एमि भेनेङको भाअ्‌सिङ पुकार पासु। हाइपानु धरमाति द्‍याङको पुकार सरबङ हिका जेङखे रो या बाराका काम पालि दोखे।