1तिमोथि 1:9 - धिमाल

⁹ केलाइ इदोइ काथा गेका हिनाहि, नियम रेम्‍का द्‌याङको भाअ्‌सिङ बनेका माको कालाउ इदोइ ते नियम मासाअ्‌का रो धुमिगेलाइ, परमेस्‍वरहेङ मामानेकालाइ रो कुकरमिगेलाइ, आखेका मन हिका रो परमेस्‍वरको खिलापिगेलाइ, रो ताइको आबा आमाइहेङ सेअ्‌कालाइ, द्‌याङगेलाइ सेअ्‌कालाइ,

Dhimal NT

⁹ केलाइ या बुङ गिन्हाखे, कि मोसाको व्यवस्था आसल काम पाका द्‍याङको भाअ्सिङ पिका माको, भरु परमेस्वरको व्यवस्था माकिकालाइहेङ कालाउ आनाग्या कारिगेलाइको भाअ्सिङ हि, जाइ परमेस्वरको आराधाना मापाखे कालाउ जाइ लागातार पाप पातेङ हिखे, दुस्ट द्‍याङगेलाइ कालाउ परमेस्वरको आदार मापाकालाइ कालाउ ताइको आमाइ-आबागेलाइहेङ कालाउ आरु द्‍याङगेलाइहेङ सेअ्कालाइको भाअ्सिङ,

1तिमोथि 1:9 Iomraidhean Croise

मत्‍ति 10:21

“दादा ओनेगेलाइ ताइकोङ दादा ओनेगेलाइहेङ सेअ्‌लिको भाअ्‌सिङ रिम्‍पावा। आबा चानचामिन्‍दिहेङ, चानचामिन्‍दिगेलाइ आबा आमाइको खिलापता ल्‍होकावा रो एम्‍बालाइहेङ सेअ्‌लि लागायावा।

गलाति 3:19

एन्‍सानु परमेस्‍वर नियम हाइपालि पिहि कुनु? वा केलाइहेङ कुकरम नाल्‍पालि पिहि कालाउ कबोल पाका आब्राहामको खाल ख्रिस्‍ट मालोपाधाउ खिनिङ पिहि। परमेस्‍वर इदोइ नियम सादेलचरगेलाइसो मोसाहेङ पिहि। हाइपानु मोसाचाहिँ द्‌याङ रो परमेस्‍वरको माझाको धुइका द्‌याङ हिघाखे।

गलाति 5:18

कालाउ नेलाइ पुनित हाङसाको आधिनता हिघिल्‍सुखेना पानु नेलाइ नियमको आधिनता मान्‍थुस्‍वाना।

गलाति 5:21

दाहा पालि, म्‍हालि, मोजमाजा पालि रो इसिकाङ बो काम पालि। इन्‍सिका काम पाका परमेस्‍वरको सारभिको हाकवाला जेङलि मानिनावा दोअ्‌तेङ का लाम्‍फा बुङ नेलाइहेङ चेतानि पिका हिघाखा रो एला बुङ चेतानि पिदोङखा।

गलाति 5:23

नोइका जेङलि रो ताइमिहेङ आधिनता ताअ्‌लि दोङ एइ। कालाउ इसिका काथागेलाइको खिलापता हिदिङ नियम दोङ मान्‍थु।

2 थेस्लोनिकि 2:8

इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

1तिमोथि 4:7

परमेस्‍वरको प्रताप माजेङका रो मानेमान्‍थुका काथागेलाइसो फारापा हिसु। इङको खान्‍तेङ ते परमेस्‍वरहेङ चाकर पाका काथाता तालिम पिसु।

1तिमोथि 6:20

मोन्‍दाताका तिमोथि, नाङको जिमाता पिका काथाहेङ रेम्‍फा खाङकाखुङका पा। हेथे द्‌याङगेलाइ दुनियाको निरबुदि काथा रो आकिल दोअ्‌तेङ साअ्‌का असत काथागेलाइसो फारापा हि।

2 तिमोथि 2:16

दुनियाको निरबुदि काथागेलाइसो पान्‍साइन्‍हातेङ हि। इदोइ ते द्‍याङगेलाइहेङ परमेस्‍वरसो झनझन दुरे थुकापाखे।

2 तिमोथि 3:2

इङको पहरको द्‍याङगेलाइ ताइमिङहेङ खिनिङ दायाका, टाकाकाउरिको लाल्‍चा पाका रो ताइमिहेङ बाराका फोमपाका, तुजुक रो बादनामि पाका ज्‍यावा। एम्‍बालाइ ताइको आबाआमाइहेङ मासाअ्‌का, अपगुनि, अपुनित जेनावा।

तितस 1:10

हाइदोनु हेन्‍जाङ द्‍याङगेलाइ छलपाका, बिथाको काथा पाका, धाताइकाइ हिखे। इसिकालाइता ते खास पातेङ खाताना पालिगोयाङ दोअ्‌कालाइ दोङ हि।

तितस 1:16

एम्‍बालाइ परमेस्‍वरहेङ नाल्‍का हिघा दोअ्‌तेङ जिकिर पाखे, कालाउ एम्‍बालाइको कामहोइ चाहिँ परमेस्‍वरहेङ इन्‍कार पाखे दोअ्‌का तिङपाखे। एम्‍बालाइ ते दिगमिगहिका, आटेरिगेलाइ हि रो हिदिङ बुङ रेम्‍का काम पालि लाएकको मान्‍थु।

तितस 1:6

मन्‍डलिको आगुवाहेङ हासुङ बुङ दुस मालागाइका रो एलोङ खिनिङ बेअ् हिका ह्‍याको। इङकोको चानचामिन्‍दिगेलाइ खान्‍धुरि, चालचलन रेम्‍का हिका रो दोअ्‌का साअ्‌का ह्‍याको।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

1पतरुस 2:7

इदोइखातिर नेलाइ खान्‍धुर पाकालाइको भाअ्‌सिङ इदोइ उन्‍थुइ मोलहिका हि। कालाउ खान्‍धुर मापाकालाइको भाअ्‌सिङ चाहिँ, “जेदोङ उन्‍थुइहेङ साअ् धामकालाइ खारेज पाहि, इङको उन्‍थुइचाहिँ कोन्‍हाको मुल उन्‍ठुइ जेङहि।”

1पतरुस 3:20

इदोइ हाङसागेलाइ चाहिँ नोआ चिजाहाज बान्‍हाइका पहरता ताइको पाका कुकरमसो घुर्‍याङ बे दोअ्‌तेङ परमेस्‍वरको र्‍हुम्‍का हाङसागेलाइ हिघाखे। कालाउ बुङ एम्‍बालाइ परमेस्‍वरको काथा माहिङहि। चिजाहाजता हिका येअ्‌मि खिनिङ चिसो बान्‍चेका हिघाखे।

1पतरुस 4:18

धरमकिताबता इसिका लेखेन्‍हाका हिः “धरमाति द्‍याङगेलाइहेङ बान्‍चिपालि ते हेथे मुसकिल जेङखे पानु, परमेस्‍वरहेङ दोङ मामानेका कुकरमि द्‌याङगेलाइको दासा ते झन हिसिका ज्‍याङ वाला?”