1तिमोथि 1:5 - धिमाल

⁵ केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

Dhimal NT

⁵ का नेलाइहेङ आदेस पिका उदेस्य इदोइ हि, कि नेलाइ एमिसो-भेनेङहेङ पुरा ह्रदयहोइ, प्रेम पासु, जेदोङ चाहि सुद्द मन, आसल बिबेक, कालाउ सत्ये खाङधुरिसो लोखे।

1तिमोथि 1:5 Iomraidhean Croise

मत्‍ति 12:35

रेम्‍का द्‍याङ ताइमि लिअ्‌ता पोङघाका रेम्‍का काथासो रेम्‍काङ काथा ओल्‍हेपाखे, कालाउ बुङ आसाति द्‍याङ ताइमिता पोङघाका आसातिसो आसाति काथा दोङ ओल्‍हेपाखे।

मत्‍ति 5:8

चोखो मन हिकालाइ सहसाम्‍पा निङकालाइ जेनावा, हाइदोनु एम्‍बालाइ परमेस्‍वरहेङ तिनावा।

साल्न्हाका चात्या 15:9

वा एम्‍बालाइ रो केलाइको माझा हिदिङ पछेपात माताअ्‌हि। कुलाउ एम्‍बालाइको कोन्‍धाङ खान्‍धुरसो पुनित पाहि।

साल्न्हाका चात्या 23:1

पावल कचहरिको चारबितिङ खान्‍तेङ दोअ्‌हि, “दादा ओनेगेलाइ, नानिको दिनाथिकापा परमेस्‍वरको आगाता का सुदो मनपातेङ बान्‍चेतेङ हिघा।”

साल्न्हाका चात्या 24:16

इदोङखातिर द्‍याङ रो परमेस्‍वर न्‍हेमिको आगाता का ताइको मनहेङ चोखो ताअ्‌लि भोखा।

1 कोरिन्थि 13:1

का द्‍याङगेलाइ रो सादेलचरगेलाइको राउता धुइलाउ बुङ बोमिहेङ माया मापाखा पानु, का धुइका काथाचाहिँ हाला पाका घालतिन रो झाइँ झाइँ पाका झ्‍याम्‍ता खिनिङ ज्‍याङका।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

1तिमोथि 1:18

खान्‍धुरता काङको जातिङको चान तिमोथि, हेन्‍जाङलाम्‍फा नाङको बारेता धुइका आगाधुइ माफिक का नासेहेङ हुकुम पिखा। इङको काथागेलाइ फोम पातेङ रेम्‍का बानालको भाअ्‌सिङ रेम्‍का धुम पालि दोसु।

1तिमोथि 1:19

ना ताइको खान्‍धुरि रो रेम्‍का आकिलहेङ मालाअ्। आकिलको दोअ्‌का मासाअ्‌लाउ हेअ्‌मिको खान्‍धुर दोङ मुअ्‌तेङ हानेहि।

1तिमोथि 3:9

एम्‍बालाइ खान्‍धुरता हिका सत काथाहेङ एम्‍बालाइको रेम्‍का सोचिका सरबङहोइ जोगाइतेङ ताअ्‌लिगोयाङ।

2 तिमोथि 1:3

काङको आबाखालगेलाइ चाकर पाका भाइपाङ का बुङ सुदो आकिलहोइ परमेस्‍वरको चाकर पाखा कालाउ का नितिमन्‍हिसिङ पुकार पालाउ दिनाङ नासेहेङ फोमपातेङ परमेस्‍वरहेङ च्‍याबास चार्‍हाइखा।

2 तिमोथि 1:5

कासेहेङ नाङकोता हिका इङको जातिङको खान्‍धुरको फोम एला बुङ लोतेङ हिखे। नाङको आजाइ लोइसता रो आमाइ युनिसता जातिङको खान्‍धुर हिघाहि। नाता बुङ इन्‍सिकाङ जातिङको खान्‍धुर हिका कासेहेङ फोम हि रो एला बुङ नाता इन्‍सिकाङ खान्‍धुर हि दोअ्‌का का खान्‍धुर पाखा।

2 तिमोथि 2:22

इदोइभाअ्‌सिङ बोइसाता लोका मारेम्‍का लाल्‍सागेलाइहेङ लाअ्‌तेङ पुनित मनहोइ परमेस्‍वरदोफा साहेता र्‍हेतेङ वासेहेङ काइकालाइदोफा वाको आगाआगा उचित ठर्‍हाइन्‍हाका काथाता खान्‍धुर, दाया रो सान्‍तिता हि।

तितस 1:15

पुनित द्‍याङगेलाइको भाअ्‌सिङ गोताङ थोक पुनितदोङ हि। कालाउ अपुनित रो खान्‍धुर मापाकालाइको भाअ्‌सिङ खिनिङ हिदिङ काथा बुङ पुनित मान्‍थु। हाइदोनु एम्‍बालाइको मन रो आकिलसुदाङ अपुनित हि।

याकुब 4:8

नेलाइ परमेस्‍वरको भेरपा लोसु रो वा बुङ नेलाइको भेरपा ल्‍वावा। ओइ कुकरमिगेलाइ, ताइको खुर झासु। ओइ दोमन पाकालाइ, नेलाइको कोन्‍धाङ चोखाइसु।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

1पतरुस 3:16

कालाउ एसापा दोअ्‌पिलाउ नोइतेङ, मान पातेङ दोअ्‌सु रो ताइको मन साफा ताअ्‌सु। एन्‍सा जेङनु नेलाइ ख्रिस्‍टहेङ पिताइलाउ पाका रेम्‍का चालचलनहेङ तिङतेङ नेलाइको खिलापता धुइतेङ बादनाम पाकालाइ ताइमिङ लेदेरावा।

1पतरुस 3:21

इदोइहोइ बतिस्‍माहेङ तिङपाखे, जाइ नेलाइहेङ सिन्‍हुपाखे। इदोइ ताइ जिउको आखेका झाका भाइका माको, कालाउ इदोङ एल्‍का मनहोइ परमेस्‍वरदोफा पाका कबोल एइ। कालाउ जेसापा इसु ख्रिस्‍ट सिकासो सिन्‍हुपान्‍हाहि एन्‍साङ पातेङ बतिस्‍माहोइ नेलाइहेङ बुङ बान्‍चेपावा।

1पतरुस 4:8

झाराङखान्‍तेङ बाराका काथाचाहिँ एमि भेनेङहेङ इन्‍ताना पासु, हाइदोनु इन्‍ताना दोङ हेन्‍जाङ कुकरमगेलाइहेङ थुम्‍खे।

२ पत्‍रुस 1:7

कालाउ भक्‍ति पातेङ दादाओने बाइओनेगेलाइहेङ दायासु, दादाओने बाइओनेगेलाइहेङ दायातेङ मायाता बार्‍हेतेङ हानेसु।

१ युहन्‍ना 3:10

परमेस्‍वरको जाहान रो दियाबलसको जाहानहेङ एसापा दोङ नाल्‍लि दोखे। हाइपानु परमेस्‍वरको आगा उचित कुकरम मापाका रो ताइको दादाओने बाइओनेहेङ माया मापाकालाइचाहिँ परमेस्‍वरको जाहान जेङलि मादोखे।

१ युहन्‍ना 3:23

कालाउ परमेस्‍वरको हुकुम इदोइ दोङ एइ। वा केलाइहेङ हुकुम पाका आन्‍सार केलाइ वाको चान इसु ख्रिस्‍टको मिङता खान्‍धुर पालिगोयाङ रो केलाइ एमि भेनेङहेङ माया पालिगोयाङ।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।