1तिमोथि 1:3 - धिमाल

³ का माकेडोनिया हानेलि तोमलाउ नासेहेङ एफिससताङ हि दोअ्‌तेङ कर लागाइका हिघाखा। आरोङ बुङ इन्‍ता ढाटाइका बिद्‌या धिरपाकालाइहेङ रोकेलि ना इन्‍ताङ हि।

Dhimal NT

³ जेलाउ म्यासिडोनिया प्रदेस हानेलि तोमलाउ का आरोङ नेलाइहेङ आनुरोध पाखा कि, नेलाइ एफिसस सहरता दोङ हिसु कालाउ धाताइका सिक्स्या धिरपाका द्‍याङगेलाइहेङ एन्सा मापा दोअ्तेङ थाङका आग्या पि।

1तिमोथि 1:3 Iomraidhean Croise

साल्न्हाका चात्या 18:19

एफिससता थुकाकान्‍हुअ्‌सो प्रिस्‍किला रो अकिलास एफिससताङ हि। पावलचाहिँ एलोङ कचहरिसाअ्‌ता दुल्‍तेङ यहुदिगेलाइदोफा बहस पालि तेङहि।

साल्न्हाका चात्या 18:21

ओबालाइदोफा बिदा जेङलाउ वा दोअ्‌हि, “परमेस्‍वरको लाल्‍सा हिनु का आरोङ नेलाइकोता घुरितेङ ल्‍वाङका।” कोलाउ वा चि जाहाजता धोल्‍तेङ एफिसससो हानेहि।

फिलिप्पि 2:24

कालाउ प्रभुको लाल्‍सा हिनु का बुङ मारफाङ नेलाइकोता लोका खान्‍धुर र्‍हुका हिघा।

1तिमोथि 4:11

इदोइ र्‍हुताको काथागेलाइता ना बोमिहेङ हुकुम पि रो धिरपा।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

1तिमोथि 5:7

एम्‍बालाइ दुस मालागायाको दोअ्‌तेङ खान्‍धुरिगेलाइको भाअ्‌सिङ इदोइ बिद्‌यागेलाइ पि।

1तिमोथि 6:10

हाइदोनु गोताङ खालको आखेकाको मुल दोङ ताकाकाउरिको माया। हेथे द्‍याङ ते ताकाकाउरि कामाइका दिअ्‌काता लागेतेङ खान्‍धुर पालि लाअ्‌पिका हि। कालाउ हेन्‍जाङ तु:होइ एम्‍बालाइको कोन्‍धाङ दोङ तु:का हि।

1तिमोथि 6:17

एला इदोइ दुनियाता गिर्‍हि जेङकालाइहेङ तुजुक मापालि दोअ्। कालाउ एम्‍बालाइको ताकाकाउरि दिनाङको भाअ्‌सिङ हितेङ माह्‍यावा। कालाउ केलाइको सुखको भाअ्‌सिङ गोताङ थोक होपाङ पिका परमेस्‍वरताङ भर ताअ्‌सु दोअ्‌तेङ एम्‍बालाइहेङ हुकुम पि।

1तिमोथि 6:3

हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

2 तिमोथि 1:18

ख्रिस्‍ट लोका दिनाता प्रभुसो इङको निगाहा निङलि द्‍वाको। एफिससता हिलाउ इङको कासेहेङ हेथे काथाता साघाइका हिघाखे इङको बुङ ना गेखेना।

२ युहन्‍ना 1:7

हाइपानु आवाइ पाकालाइ हेन्‍जाङ दोङ इदोइ दुनियाता लोका हि। एम्‍बालाइ इसु ख्रिस्‍ट जिउता लोका एइ दोअ्‌तेङ मन्‍जुर मापाखे। इसिका खामाल दोङ आवाइपाका रो ख्रिस्‍ट दुस्‍मन हि।