1तिमोथि 1:15 - धिमाल

¹⁵ ख्रिस्‍ट इसु कुकरमिगेलाइहेङ दोङ सिन्‍हुपालि इदोइ दुनियाता लोका, इदोइ झाराङ साअ्‌लिगोइका जातिङको काथा। कालाउ कुकरमिगेलाइता काचाहिँ झाराङखान्‍तेङ कुकरमि द्‌याङ।

Dhimal NT

¹⁵ इदोइ भनाइ सत्ये हि, कालाउ यासेहेङ खाङधुरि पालि द्वाङ, कि केलाइ पापिगेलाइहेङ उद्दार पालि येसु ख्रिस्ट सुमिङता लोहि, कालाउ पापिगेलाइता का झाराङ खान्तेङ हेन्जा पापि हिघा।

1तिमोथि 1:15 Iomraidhean Croise

मत्‍ति 1:21

इङको एलोङ चान जोन्‍मायावा रो ना इङकोको मिङ इसु ताअ्ताना, हाइदोनु वा ताइको द्‍याङगेलाइहेङ एम्‍बालाइको कुकरमसो सिन्‍हुपावा।”

मत्‍ति 18:10

“होस पातेङ हिसु, नेलाइ इदोइ म्‍हुइकालाइता एमिहेङ बुङ आनादर मापासु। हाइदोनु का नेलाइहेङ दोअ्‌खा, एम्‍बालाइको रेखदेख पाका सादेलचरगेलाइ सादेलता हितेङहिका काङको परमेस्‍वर आबाको नजर दिनाङ पातेङहिखे।

मत्‍ति 18:11

[हाइदोनु का द्‍याङको चान रामकालाइहेङ बान्‍चेपालि लोका हिघा।]

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

मत्‍ति 9:13

कालाउ बुङ हानितेङ धरमकिताबता लेखेका इदोइ काथाको माने हाइ को दोअ्‌तेङ नेलाइ धिरसु: ‘का भोक माको, बोमिहेङ दाया पाका भोखा।’ हाइपानु का धरमहेङ माको, कालाउ बुङ निठुरिगेलाइहेङ काइलि लोघा।”

मर्कुस 2:17

इदोइ हिङतेङ इसु एम्‍बालाइहेङ दोअ्‌हि, “बोइद्‍या ते साअ्‌धेकालाइहेङ माको, रोकागाइकालाइहेङ कि गोइखे। एन्‍सा दोङ का धरमगेलाइहेङ माको, कालाउ बुङ निठुरिगेलाइहेङ काइलि लोका हिघा।”

लुका 15:2

कालाउ फरिसिगेलाइ रो धरममास्‍टरगेलाइ गनगन पातेङ दोअ्‌हि, “इदोइ द्‌याङ ते कुकरमिगेलाइ दोफा मिलिखे रो दोफाङ योम्‍तेङ ओबालाइदोफाङ चाखे।”

लुका 19:10

का द्‌याङको चान राम्‍कालाइहेङ दोङ भोलि रो बान्‍चिपालि दोअ्‌तेङ लोका हिघा।”

लुका 5:32

एन्‍साङ पातेङ का धरम द्‍याङहेङ माको, धरमाति द्‍याङगेलाइको भाअ्‌सिङ ताताइको कुकरम मानितेङ परमेस्‍वरपाहा घुरिसु दोअ्‍तेङ काइलि लोका हिघा।”

युहन्‍ना 1:12

कुलाउ जेथे वासेहेङ र्‍हुहि रो वाको मिङता खान्‍धुर पाहि, वा एम्‍बालाइहेङ परमेस्‍वरको चानचामिन्‍दि जेङका खाबारा पिहि।

युहन्‍ना 1:29

जुम्‍निदिना युहन्‍ना इसुहेङ ताइमिभारि लोतेङहिका तिङतेङ दोअ्‌हि, “खाङसु, दुनियाको द्‍याङगेलाइको कुकरम तोल्‍हेतेङचुम्‍पुका परमेस्‍वरको भेरा!

युहन्‍ना 12:47

“हासुङ काङको बचन हिङखे रो मासाअ्‌खे पानु, का इङकोको निया मापाङका। हाइदोनु का दुनियाको निया पालि लोका माको, कुलाउ दुनियाहेङ सिन्‍हुपालि लोका एइ।

युहन्‍ना 3:36

जाइ चानहेङ खान्‍धुर पाखे, इङकोदोसा असिम ज्‍यान हि। जाइ चानको हुकुम मासाअ्‌खे, इङको ज्‍यान मातिनावा, कुलाउ परमेस्‍वरको चेर इङकोर्‍हुता हितेङह्‍यावा।

साल्न्हाका चात्या 11:1

यहुदियाता हिका दिङगिल्‍कालाइ, खान्‍धुरि दादा ओनेगेलाइ रो बोजात्‍यागेलाइ बुङ परमेस्‍वरको कथन र्‍हुहि दोअ्‌का हिङहि।

साल्न्हाका चात्या 11:18

इदोइ काथा हिङकान्‍हुअ्‌सो एम्‍बालाइ सिपापा हि रो एसा दोअ्‌तेङ परमेस्‍वरहेङ बाखिन्‍हि, “एला ते परमेस्‍वर बोजात्‍यागेलाइहेङ बुङ हेअ्‌लाइ मासिका ज्‍यानको भाअ्‌सिङ कुकरम मानेतेङ घुरिलि बखत पिका हि।”

साल्न्हाका चात्या 3:26

नेलाइ झाराङहेङ ताइको आसातिसो घुरिपातेङ नेलाइहेङ सहसाम्‍पा पिलि दोअ्‌तेङ परमेस्‍वर ताइको सेबकहेङ जाअ्‌पाहि रो झाराङखान्‍तेङ लाम्‍फा नेलाइकोता दिङगिल्‍हि।”

1 कोरिन्थि 15:9

साल्‍तेङ दिङगिल्‍कालाइता झाराङखान्‍तेङ म्‍हुइका का दोङ एइ। का साल्‍तेङ दिङगिल्‍का दोअ्‌न्‍हालि लाएकको मान्‍थुघा। हाइदोनु का परमेस्‍वरको मन्‍डलिहेङ हेन्‍जाङ खेदो पाघा।

1तिमोथि 1:13

लाम्‍फा ते का वाको बादनामि पाघा, खान्‍धुरगेलाइहेङ तु: पिघा रो आपामान पाघा। इदोइ गोताङ का खान्‍धुर मापासिङ रो मागेसिङ पाका हिनाङसिङ ख्रिस्‍ट कासेहेङ दायाका हि

1तिमोथि 1:19

ना ताइको खान्‍धुरि रो रेम्‍का आकिलहेङ मालाअ्। आकिलको दोअ्‌का मासाअ्‌लाउ हेअ्‌मिको खान्‍धुर दोङ मुअ्‌तेङ हानेहि।

1तिमोथि 3:1

इदोइ काथा जातिङको, एदि हासुङ मन्‍डलिता आगुवाको काम पालि लाल्‍सा ताअ्‌खे पानु इङकोको बिचार रेम्‍काङ।

1तिमोथि 4:9

इदोइ खान्‍धुर पातेङ मानेलिगोइका जातिङको काथा।

1तिमोथि 6:13

गोताङ थोकहेङ ज्‍यान पिका परमेस्‍वर रो पन्‍तियस पिलातसकोङ आगाता खान्‍धुरको जातिङको दासि पिका ख्रिस्‍ट इसुकोङ आगाता का नासेहेङ हुकुम पिदोङखा,

2 तिमोथि 2:11

इदोइ धुइका काथागेलाइ जातिङको: “केलाइ वाकोदोफाङ सिन्‍हाहि पानु, आरोङ केलाइ वादोफाङ सिन्‍हुताङ।

तितस 3:8

इदोइ जातिङको काथा एइ। परमेस्‍वरता खान्‍धुर पाका झोको रेम्‍का काम पालि मन लागायाको दोअ्‌तेङ ना बल पाका का भोखा। इदोइ रेम्‍का काम पालि दोङ झाराङ द्‌याङगेलाइहेङ लाभ पिका काथा एइ।

१ युहन्‍ना 3:5

नेलाइ गेसुखेना, ख्रिस्‍ट द्‌याङगेलाइको कुकरमगेलाइ लाअ्‌पालि भाअ्‌सिङ लोका एइ। वाता हिदिङ कुकरम मान्‍थु।

१ युहन्‍ना 3:8

जाइ कुकरम पातेङहिखे इङको दियाबलसको एइ। हाइपानु दियाबलस ते लाम्‍फासो दोङ कुकरम पातेङलोका हि। इदोइभाअ्‌सिङ दियाबलसको कामहेङ मुअ्‌ पालि दोङ परमेस्‍वरको चान देखाल जेङका एइ।

१ युहन्‍ना 5:11

परमेस्‍वरको पिका दासि इदोइ एइ, वा केलाइहेङ असिम ज्‍यान पिहि। कालाउ इदोइ असिम ज्‍यान वाको चानता हि।