1तिमोथि 1:10 - धिमाल

¹⁰ दुराचारिगेलाइ, वाबाल वाबालता रो बेबाल बेबालता दुराचार पाकालाइ, द्‌याङ पिअ्‌कालाइ, असत धुइकालाइ, असत दासि पिकालाइ रो सत बिद्‍याको खिलापता काम पाकालाइको भाअ्‌सिङ बनेका।

Dhimal NT

¹⁰ कासिबिरिगेलाइको भाअ्सिङ, वाबालसो-वाबालहेङ कुसुमि पाकागेलाइको भाअ्सिङ, द्‍याङगेलाइहेङ बान्धाइतिको रुपता पिइकालाइको भाअ्सिङ, धाताइका काथा पाकागेलाइको भाअ्सिङ, कालाउ धाताइका केरा चाकालाइको भाअ्सिङ, कालाउ सत्ये सिक्स्याको बिरोधता काम पाकालाइको भाअ्सिङ जेङका हि।

1तिमोथि 1:10 Iomraidhean Croise

युहन्‍ना 8:44

नेलाइ ताइको आबा दियाबलसको एइ रो नेलाइको आबाको लाल्‍सा पोङघा पालि नेलाइको मनसुबा हि। इङको ते लाम्‍फासो दोङ ज्‍यानमारा हिघाहि रो सतेदोफा इङकोहेङ हाइदोङ वास्‍ता मान्‍थु। हाइदोनु इङकोता सत मान्‍थु। जेलाउ इङको असत धुइखे, इङको ताइकोङ आनिबानिमाफिक धुइखे, हाइदोनु इङको असत एइ रो असतको आबा एइ।

1तिमोथि 4:6

ना इदोइ काथा खान्‍धुरिगेलाइहेङ धिरपान्‍हा पानु ना ख्रिस्‍ट इसुको रेम्‍का चाकर जेनाना। नाङको पाका खान्‍धुर रो रेम्‍का बिद्‌याता ना बाराकाताङ हानेका हिन्‍हा दोअ्‌का काथा या तिङपाखे।

1तिमोथि 6:3

हासुङ भेनेङ बिद्‌यागेलाइ धिरपाखे पानु केलाइको प्रभु इसु ख्रिस्‍टको सत बिद्‌या रो परमेस्‍वरहेङ मानपाका बिद्‌याहेङ मासाअ्‌तावा।

2 तिमोथि 1:13

का नासेहेङ पिका जातिङको बिद्‌यागेलाइ नामुनाको आकारता ख्रिस्‍ट इसुता हिका खान्‍धुर रो मायाता जोगाइतेङताअ्।

2 तिमोथि 4:3

हाइपानु एला द्‍याङगेलाइ जातिङको बिद्‍याहेङ सहेतेङमासहेका पहर बुङ लोदोङखे। एम्‍बालाइ ते ताइकोङ लाल्‍सागेलाइको न्‍हु लाग्‍यावा। एम्‍बालाइ ताइमिहेङ माजा लागेका काथा हिङपाका मास्‍टरगेलाइहेङ दोङ हेन्‍जा कायावा।

तितस 1:13

इदोइ काथा जातिङको। इदोइभाअ्‌सिङ एम्‍बालाइहेङ बेस्‍मारि हाकाराइ रो एम्‍बालाइता पाका खान्‍धुर लोलि द्‌वाको।

तितस 1:9

ताइमिको निङका जातिङको बिद्‍याता लागेतेङ हिका रो बोमिहेङ बुङ इदोइ बिद्‍या पितेङ बल पिलि दोका जेङलिगोयाङ। एसापा इदोइ बिद्‌या धिरपाका माफिक हिलिगोयाङ कालाउ याको खिलाप पाकालाइको बिरामहेङ तिम्‍पापिलि द्‍वाना।