1 थेस्लोनिकि 5:6 - धिमाल

⁶ इदोइभाअ्‌सिङ बोमिगेलाइभाइपाङ केलाइ माजिमाइने, कालाउ नाङघातेङ ह्‍याइने रो सजक ह्‍याइने।

Dhimal NT

⁶ ओदोङ भाअ्सिङ केलाइ आरु द्‍याङगेलाइ भाइपा माजिमाइने, जाइहेङ प्रभु लोका दिनाको बारेता थाहा मान्थु, भरु जागितेङ ह्याइने कालाउ चङख ह्याइने कालाउ आत्मा काबुता हिलि गोइखे।

1 थेस्लोनिकि 5:6 Iomraidhean Croise

मत्‍ति 13:25

कालाउ बुङ द्‍याङगेलाइ जिम्‍का पहर वाको दुस्‍मन लोहि रो गोहोमको माझा माझाता माइरिमागेलाइ बिअ्‌तेङ हान्‍हेहि।

मत्‍ति 24:42

“इदोइखातिर नाङघातेङ हिसु, हाइपानु हिदोइ दिना नेलाइको प्रभु ल्‍वावा, इङको नेलाइ मागेस्‍वाना।

मत्‍ति 25:13

“इदोइखातिर नाङघातेङ हिसु, हाइपानु का घुरितेङ लोका इङको दिना रो पहर नेलाइ मागिस्‍वाना।

मत्‍ति 25:5

दारुवा बेलोमलाउ एम्‍बालाइ झाराङ निन्‍धा म्‍हातेङ जिम्‍हि।

मत्‍ति 26:38

कालाउ वा एम्‍बालाइहेङ दोअ्‌हि, “काङको मन हेन्‍जाङ सोकता दुबिका हि। नेलाइ इताङ हिसु रो कादोफा नाङघातेङ हिसु।”

मर्कुस 13:37

जे का नेलाइहेङ दोअ्‌ताङका इङको का झाराङहेङ दोअ्‍खा, ‘नाङघातेङ हिसु।’”

लुका 12:37

कालाउ मालिक लोलाउ जागा हिका इङको कामत्‍यागेलाइ च्‍याबासि निनावा। जातिङको का नेलाइहेङ दोअ्‌ताङका, इङको मालिक बान्‍सालाइहेङ भाइपा बान्‍सा बुझाइलि त्‍यार ज्‍यावा। कालाउ इङको कामत्‍यागेलाइहेङ रेम्‍फा योम्‍पातेङ चापावा।

लुका 12:39

“कालाउ इदोइ फोमपातेङ ताअ्‌सु, खुकालाइ लोका बेला गेनु ते साअ्‌धनि खुकालाइहेङ साअ्‌ता दुल्‍लि दोङ मापिधावा।

लुका 21:36

एन्‍साङ पातेङ जेलालाउ बुङ जागितेङ हिसु। ‘इङको गोताङ थिलिगोइका काथागेलाइसो बान्‍चेतेङ का द्‍याङको चानको आगाता जाअ्‌लि दोःका सरबङ केलाइहेङ पिसु’ दोअ्‌तेङ नेलाइ परमेस्‍वरदोफा दिनाङ पुकार पासु।”

लुका 22:46

वा एम्‍बालाइहेङ नाङघापातेङ दोअ्‌हि, “नेलाइ हाइपालि निन्‍धातेङ हिसुन्‍हा? ल्‍होसु रो दियाबलसको जाचेका पहरता कुकरमता वालालि मागोयाको दोअ्‌तेङ पुकार पासु!”

साल्न्हाका चात्या 20:31

एन्‍सा जेङलाउ चालाक जेङतेङ हिसु कालाउ का सुम बाअ्‌सारथिकापा नितिमन्‍हिसिङ मिति ह्‍याअ्‌पातेङ प्रभुको एमिएमिहेङ पिका चेतानि मानिल्‍सु।

1 कोरिन्थि 15:34

हुस पासु, एला ओसो कुकरम मापासु। नेलाइको भाअ्‌सिङ इदोइ लेदेरलि गोइका काथा। हाइपानु नेलाइता हेअ्‌मि परमेस्‍वरहेङ नाल्‍काङ मान्‍थुसुन्‍हा।

1 कोरिन्थि 16:13

हुसपातेङ हिसु, खान्‍धुरता लागेतेङ हिसु। मन बोल्‍याका बान्‍हाइसु रो खान्‍धुरता बोल्‍याका जेङसु।

फिलिप्पि 4:5

नेलाइ नोइका हिसुन्‍हा दोअ्‌तेङ झाराङ द्‌याङगेलाइ ग्‍याको। प्रभु मारफाङ लोदोङखे।

कलस्सि 4:2

नेलाइ दिनाङ पुकार पातेङ हिसु। पुकार पालाउ नेलाइ परमेस्‍वरहेङ च्‍याबास चार्‍हाइतेङ मन लागाइतेङ पुकार पासु।

1 थेस्लोनिकि 4:13

दादाओने बाइओनेगेलाइ, सिलिदोका खान्‍धुरिगेलाइको बारेता केलाइ नेलाइहेङ दोअ्‌लि भोन्‍हाखे। एन्‍साङ बोजात्‍यागेलाइभाइपाङ नेलाइ सोक पालि मागोयाको।

1 थेस्लोनिकि 5:10

वा लोलाउ केलाइ सिलाउ बुङ, बान्‍चेलाउ बुङ वादोफाङ सिन्‍हुलि द्‍वाको दोअ्‌तेङ प्रभु इसु केलाइको बादालाता सिहि।

1 थेस्लोनिकि 5:8

कालाउ केलाइचाहिँ दिनाको चानचामिन्‍दि हिनाङ चेतता ह्‍याइने। केलाइ खान्‍धुर रो मायाको तुम्‍तापाता लागायाइने। कालाउ किटको तुपिरि भाइपाङ छुटकाराको आसहेङ होनाइने।

1तिमोथि 2:15

कालाउ बेबालाइ नोइतेङ खान्‍धुर, माया रो पुनितता हिलि दोहि पानु जामाल जोन्‍माइलाउ एम्‍बालाइ सिन्‍हुतावा।

1तिमोथि 2:9

एन्‍साङ पातेङ बेबालाइ बुङ ताइमिहेङ सोबाइका रो लेदेर मापापाका खाल्‍को धाबा लागायाको। कालाउ बोमिको मन तान्‍हेलिको भाअ्‌सिङ नकल पालि पुसुङ चुअ्‌तेङ सोना, हिरा, मोति, भाइका जाङका सिःका गिअ्‌का रो धाबागेलाइ मालागायाको।

1तिमोथि 3:11

एन्‍साङ पातेङ एम्‍बालाइको बेअ्‌गेलाइ बुङ बोमि द्‌याङगेलाइसो मान निङका हिलि गोयाङ रो एम्‍बालाइ बोमिको बारेता मारेम्‍का काथा मापाका हिलि गोयाङ, कालाउ ताइमिङहेङ आधिनता ताअ्‌तेङ गोताङ काथाता खान्‍धुरि लाएक हिलि गोयाङ।

1तिमोथि 3:2

इसिका आगुवाचाहिँ हिदिङ दुसमान्‍थुका रो इङकोको बेअ् एलोङ खिनिङ हिलिगोयाङ। इङको ताइमिङहेङ रो ताइको मनहेङ बसता ताअ्‌लि दोका कालाउ रेम्‍का चालचलनको हिलिगोयाङ। इङको बान्‍साबुझाइका रो बोमिहेङ रेम्‍फा बिद्‌या पिका हिलिगोयाङ।

2 तिमोथि 4:5

कालाउ नाचाहिँ गोताङ काथाता बोल्‍याका जेङतेङ हि। तु: सहेका जेङ, रेम्‍काबानाल पारचार पा रो परमेस्‍वर नासेहेङ पिका गोताङ कामको जिमा पोङघा पा।

तितस 2:12

इदोइ निगाहाहोइ केलाइहेङ मारेम्‍का ज्‍यान रो दुनियाको लाल्‍सा लाअ्‌लि धिरपाखे रो इदोइ निगाहाको भाअ्‌सिङ केलाइ ताइमिङहेङ काबुता ताअ्‌तेङ इदोइ दुनियाता जातिङको रो धरमाति ज्‍यान दोपालि द्‍वाङ।

तितस 2:6

एन्‍सा दोङ धानागेलाइहेङ बुङ ताइमिङहेङ बसता ताअ्‌का बिद्‌या पि।

1पतरुस 1:13

इदोइखातिर काम पालिको भाअ्सिङ नेलाइको ताइको मन त्‍यार पासु। ताइमिङहेङ आधिनता ताअ्‌सु रो इसु ख्रिस्‍ट लोलाउ नेलाइको निङलि तोम्‍का सहसाम्‍पाता दोङ आस पासु।

1पतरुस 4:7

गोताङ काथागेलाइको आखिर जेङलिङ तोम्‍का हि। इदोइखातिर नेलाइ ताइको मनहेङ आधिता ताअ्‌सु रो हुसपातेङ पुकार पासु।

1पतरुस 5:8

हुस ताअ्‌सु रो चानाखा जेङसु। हाइदोनु नेलाइको दुस्‍मन दियाबलस डिकिरिम्‍का झाबिरिभाइपाङ हासुहेङ निनाङका रो चाङका दोअ्‌तेङ दाउ खान्‍तेङ घुराइगिल्‍दोङखे।