1 थेस्लोनिकि 5:18 - धिमाल

¹⁸ जिसिकालाउबुङ हालतता च्‍याबास पिसु, हाइपानु ख्रिस्‍ट इसुता नेलाइको भाअ्‌सिङ परमेस्‍वरको लाल्‍सा इदोङ।

Dhimal NT

¹⁸ गोताङ आबास्थाता परमेस्वरहेङ धन्यबाद पिसु। हाइपालिपानु ख्रिस्ट येसुता नेलाइ पालि गोइका परमेस्वरको इच्छा इदोइ दोङ हि।

1 थेस्लोनिकि 5:18 Iomraidhean Croise

फिलिप्पि 4:6

हिदिङ काथाता बुङ फिकिर मापासु। नेलाइहेङ हारजा जेङका गोताङ काथाको भाअ्‌सिङ परमेस्‍वरहेङ पुकार पासु। कालाउ पुकार पालाउ परमेस्‍वरहेङ च्‍याबास चार्‍हाइसु।

कलस्सि 3:17

नेलाइ जेदोङ दोअ्‌लाउ बुङ, जेदोङ पालाउ बुङ, गोताङ काथा प्रभु इसुकोङ मिङता पासु। कालाउ वासो दोङ परमेस्‍वर आबाहेङ च्‍याबास चार्‍हाइसु।

1 थेस्लोनिकि 4:3

नेलाइ पुनित जेङसु दोअ्‌तेङ परमेस्‍वरको लाल्‍सा इदोइ हि, एन्‍साङ नेलाइ दुराचारसो खेङन्‍हातेङ हिसु।

1पतरुस 2:15

हाइपानु नेलाइ निरबुदिगेलाइ माबुझिसिङ धुइका काथागेलाइ एम्‍बालाइको रेम्‍का कामहोइ नुइगिअ्‍पिका परमेस्‍वर भोखे।

1पतरुस 4:2

एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।

१ युहन्‍ना 2:17

दुनिया रो दुनियाको द्‌याङगेलाइको पाका मारेम्‍का लाल्‍सागेलाइ मुअ्‌तेङ हानावा। कालाउ परमेस्‍वरको लाल्‍सा पोङघा पाकालाइ दिनाङको भाअ्‌सिङ हितेङह्‍यावा।