1 थेस्लोनिकि 5:15 - धिमाल

¹⁵ फोम पासु, हासुङ आखेकाको बादालाता आखेका मापाको, कालाउ एमि भेनेङ रो झाराङदोफा दिनाङ भालाइ पालि बल पासु।

Dhimal NT

¹⁵ फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

1 थेस्लोनिकि 5:15 Iomraidhean Croise

मत्‍ति 5:39

कालाउ बुङ का नेलाइहेङ दोअ्‌खा, दुरजनदोफा धुम मापासु। जाइ नाङको दाम्‍पाहा गाल्‍भुङता चाउर्‍यावा, इङकोहेङ भेनेङ गाल्‍भुङ बुङ धोपिसु।

लुका 6:35

“एन्‍सा माको, दुस्‍मनगेलाइहेङ माया पासु, झाराङहेङ भालाइ पासु रो रिन र्‍हेकालाइहेङ र्‍हुका आस मापासिङ रिन पिसु। एन्‍सा पासुन्‍हा पानु नेलाइ बारा इनाम निङस्‍वाना। कालाउ नेलाइ बाराका परमेस्‍वरको चान जेङस्‍वाना। हाइदोनु परमेस्‍वर ते बाइगुनि रो स्‍वार्थिहेङ बुङ दायाखे।

साल्न्हाका चात्या 16:28

कुलाउ पावल बारागाला पातेङ एसा दोअ्‌तेङ र्‍हिकाइहि, “एन्‍सा मापा, केलाइ झाराङ इताङ हिन्‍हाहि।”

1 कोरिन्थि 14:1

एन्‍साङ पातेङ नेलाइको लाल्‍सा चाहिँ मायाको भाअ्‌सिङ रो पुनित हाङसासो निङका बरको भाअ्‌सिङ ज्‍याको। खासपातेङ आगाधुइ धुइका बरको भाअ्‌सिङ दिनाङ चाहा पासु।

1 कोरिन्थि 16:10

तिमोथि नेलाइकोता लोलाउ वासेहेङ नेलाइकोताङ हिलि पिसु। हाइपानु इङको बुङ का भाइपाङ प्रभुको काम पादोङखे।

1 कोरिन्थि 6:7

नेलाइ एमि भेनेङको खिलापता मुदा पालि दोङ हारेका काथा एइ। नियालएता हानेका खान्‍तेङ ते भुरुङ आनिया सहेलि दोङ रेम्‍का रो बोमि नेलाइहेङ ठगेलि दोङ रेम्‍का एइ।

गलाति 6:10

इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

1 थेस्लोनिकि 2:12

केलाइ नेलाइहेङ आर्ति पिन्‍हाहि, बल पिन्‍हाहि रो बिम्‍ति पान्‍हाहि। एन्‍साङ नेलाइको ज्‍यान परमेस्‍वरहेङ मोन्‍दाताका ज्‍याको। हाइपानु वा नेलाइहेङ परमेस्‍वरको सारभि रो प्रतापता काइका हि।

1 थेस्लोनिकि 5:21

कालाउ गोताङ काथाको जाच पासु। जेदोङ काथा रेम्‍का हि इङकोताङ अचल हिसु।

1तिमोथि 6:11

कालाउबुङ ना परमेस्‍वरको चाकर, इदोइ गोताङ मारेम्‍का काथागेलाइसो फारापाङ हि। ना परमेस्‍वरको आगा उचित ठर्‍हाइन्‍हाका काथाता, चाकरता, खान्‍धुरता, दायाता, धिरताता, नोइका जेङका काथाता ताइको मन लागाइ।

2 तिमोथि 2:24

प्रभुको चाकर चेरसुलि माएल। इङको झाराङदोफा मिलिका हिलिगोयाङ कालाउ बिद्‍या धिरपालि दोका रो गोताङ काथा सहेलि दोका जेङलिगोयाङ।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

1पतरुस 2:17

झाराङहेङ मान पासु। खान्‍धुरि दादाओने बाइओनेगेलाइहेङ इन्‍ताना पासु। परमेस्‍वरदोफा थिसु रो राजाहेङ मान पासु।

1पतरुस 3:9

एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।