1 थेस्लोनिकि 5:13 - धिमाल

¹³ एम्‍बालाइको पाका कामको भाअ्‌सिङ मायाहोइ एम्‍बालाइहेङ हेन्‍जाङ मान पासु रो नेलाइ बुङ ताताइमिता मिलितेङ हिसु।

Dhimal NT

¹³ इम्बालाइ नाङको भाअ्सिङ पाका कामको भाअ्सिङ इम्बालाइहेङ हेन्जा आदार कालाउ प्रेम पासु। कालाउ नेलाइ ता-ताइमिता मिलितेङ सान्तिसो हिसु।

1 थेस्लोनिकि 5:13 Iomraidhean Croise

मत्‍ति 10:40

“नेलाइहेङ मन्‍जुरि पाका कासेहेङ मन्‍जुरि पावा रो कासेहेङ मन्‍जुरिपाका कासेहेङ दिङगिल्‍काहेङ मन्‍जुरि पावा।

मर्कुस 9:50

“देसे रेम्‍का चिज कालाउ बुङ देसेको ताइका राम्‍नु इङको हाइहोइ ताइका बान्‍हाइलि? नेलाइ ताताइमिता हिका देसेहेङ जोगाइतेङताअ्‌सु रो ताताइमिता मिलितेङ हिसु।”

युहन्‍ना 15:17

का नेलाइहेङ इदोइ हुकुम पिदोङखा, नेलाइ एमि भेनेङहेङ इन्‍ताना पासु।

गलाति 4:14

इङको पहर काङको मासाअ्‌धेकासो नेलाइहेङ मासुकाका जेङलाउ बुङ कासेहेङ दिगमिग पातेङ इन्‍कार मापासुन्‍हा। कालाउ सादेलचर रो इसु ख्रिस्‍टहेङ भाइपा कासेहेङ बुङ स्‍वागत पासुन्‍हा।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 6:6

परमेस्‍वरको कथन निङका झाराङ वा दोफा हिका गोताङ रेम्‍का थोकगेलाइ कथन धिरपाकादोफा बाखाराइयाको।

कलस्सि 3:15

कालाउ ख्रिस्‍टको सुबिस्‍ता नेलाइको कोन्‍धाङता सारभि पाको। परमेस्‍वर नेलाइहेङ एलोङदोङ जिउता बेराजापा हिसु दोअ्‌तेङ काइका एइ। इदोङ काथाको भाअ्‌सिङ दोङ नेलाइ वासेहेङ च्‍याबास चार्‍हाइसु।

1 थेस्लोनिकि 5:14

दादाओने बाइओनेगेलाइ, केलाइ नेलाइहेङ आर्ति पिन्‍हाखे, कामपालि कुर्‍यागेलाइहेङ चेतानि पिसु। हारेस चाकालाइहेङ हाउसा पिसु, हाइदोङ पालि मादोकालाइहेङ मदत पासु रो झाराङदोफा सहेलिदोका तिङपासु।

2 थेस्लोनिकि 3:16

केलाइहेङ सान्‍ति पिका प्रभु ताइमिङ नेलाइहेङ जेलाउबुङ गोताङ काथाता सान्‍ति प्‍याको। कालाउ नेलाइ झाराङदोफा प्रभु हितेङ ह्‍याको।

2 तिमोथि 2:22

इदोइभाअ्‌सिङ बोइसाता लोका मारेम्‍का लाल्‍सागेलाइहेङ लाअ्‌तेङ पुनित मनहोइ परमेस्‍वरदोफा साहेता र्‍हेतेङ वासेहेङ काइकालाइदोफा वाको आगाआगा उचित ठर्‍हाइन्‍हाका काथाता खान्‍धुर, दाया रो सान्‍तिता हि।

याकुब 3:18

कालाउ सुकाका चुमाकालाइ मिलापताको काम पातेङ रेम्‍का फल सेपाखे।