1 थेस्लोनिकि 5:12 - धिमाल

¹² दादाओने बाइओनेगेलाइ, केलाइ नेलाइहेङ बिम्‍ति पान्‍हाखे, नेलाइको माझाता मिनेत पाका रो नेलाइहेङ चेतानि पिका प्रभुको काम पाका आगुवागेलाइहेङ मान पासु।

Dhimal NT

¹² ओइ खान्धुराइ ओनेगेलाइ, केलाइ नेलाइहेङ निबेदन पानाखे, कि प्रभुता नेलाइको आगुवागेलाइहेङ आदार पासु, जाइ नेलाइको भाअ्सिङ परिस्रोम पाखे, कालाउ नेलाइहेङ आत्मिक काथाता आगुवाइ पाखे।

1 थेस्लोनिकि 5:12 Iomraidhean Croise

लुका 10:7

नेलाइ इङको साअ्‌ता हिसु कालाउ एम्‍बालाइ हाइ चालि पिखे इङको चासु। हाइदोनु जनगेलाइ जेला निङलि दोङ गोयाङ। साअ् साअ् बासा हितेङ माहिगिल्‍सु।

युहन्‍ना 4:38

का नेलाइहेङ इन्‍ता चेलि दिङगिल्‍घा, जेता नेलाइ मिनेत पाका मान्‍थुसुन्‍हा। बोगेलाइ मिनेत पाका हि रो एम्‍बालाइको मिनेतको फल नेलाइ निङका हिसुन्‍हा।”

साल्न्हाका चात्या 20:28

“एला नेलाइ ताइमिङ ताइको रेखदेख पासु रो पुनित हाङसा नेलाइहेङ जिम्‍मा पिका जेरगेलाइको बुङ रेखदेख पासु। परमेस्‍वरको मन्‍डलिको रेम्‍का घोका जेङसु हाइदोनु प्रभु इसु इङको द्‍याङगेलाइहेङ ताइकोङ हिति होपातेङ चोलका हि।

साल्न्हाका चात्या 20:35

एसापा ‘र्‍हुकाखान्‍तेङ पिकाता हेन्‍जा सहसाम्‍पा हि’ दोङतेङ प्रभु इसु ताइमिङ दोअ्‌का काथाहेङ फोमपातेङ मादोका द्‍याङगेलाइको खाङठहर पालि दोकाझोको काम पालिगोयाङ दोअ्‌तेङ का गोताङ काथाता तिङपाका हिघा।”

1 कोरिन्थि 12:28

परमेस्‍वर दोङ मन्‍डलिगेलाइता: साल्‍तेङ दिङगिल्‍कालाइ, आगाधुइकालाइ, धिरपाका मास्‍टरगेलाइ, भारभुसाइका काम पाकालाइ, मासाअ्‌धेका एल्‍पाकालाइ, बोमिहेङ साघाइकालाइ, मन्‍डलि चालाइका आगुवागेलाइ रो भेभेनेङ राउ धुइका बर निङकालाइ ताअ्‌पिका हि।

1 कोरिन्थि 15:10

का जाइ हिघा, ख्रिस्‍टको निगाहासोङ हिका हिघा रो वा कासिहेङ पाका निगाहा बिथाको माजेङहि। का बो साल्‍तेङ दिङगिल्‍कालाइ खान्‍तेङ हेन्‍जा भेम्‍ति ह्‍याअ्‌पाघा। कौलाउबुङ का ताइमिङ माको, कादोफाङ हितेङहिका परमेस्‍वरको निगाहा निङतेङ दोङ इदोइ पाघा।

1 कोरिन्थि 16:16

इसिका द्‌याङगेलाइको दोअ्‌का काथा हिङसु रो इसिकाङ काम पाका बो द्‌याङगेलाइको दोअ्‌का बुङ मानेसु दोअ्‌तेङ का नेलाइहेङ बिनइ पाखा।

1 कोरिन्थि 16:18

ओबालाइ नेलाइहेङ भाइपाङ कासेहेङ बुङ हेन्‍जाङ साहेता पाका हि। नेलाइ इसिका द्‍याङगेलाइहेङ मान पासु।

1 कोरिन्थि 3:9

हाइपानु केलाइ झाराङ परमेस्‍वरको काम पाका खेताला हिन्‍हाहि रो नेलाइचाहिँ परमेस्‍वरको मिलिङ हिसुन्‍हा। कालाउ नेलाइचाहिँ परमेस्‍वरको साअ्‌ हिसुन्‍हा।

गलाति 4:11

नेलाइको भाअ्‌सिङ काङको भेम्‍ति ह्‍याअ्‌पाका बिथाको जेङहि बे दोअ्‌तेङ कासेहेङ सुरता लागेखे।

फिलिप्पि 2:16

नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

फिलिप्पि 2:19

प्रभु इसुको लाल्‍सा हिनु आस पाखा, का मारफाङ तिमोथिहेङ नेलाइकोता दिङगिलाङका। कालाउ वा काता घुरितेङ नेलाइको बानाल हिङपालाउ का हेन्‍जाङ लेङचाङका।

कलस्सि 1:29

ख्रिस्‍ट कासेहेङ पिका सरबङसो दोङ का इदोइ काम मन लागाइतेङ पाखा।

1 थेस्लोनिकि 2:9

दादाओने बाइओनेगेलाइ, केलाइको पाका मिनेत नेलाइ गेकाङ हिसुन्‍हा। केलाइ परमेस्‍वरको रेम्‍काबानाल पारचार पालाउ केलाइहेङ गोइका आनेमानेगेलाइ नेलाइदोफा र्‍हेलि मागोयाको दोअ्‌तेङ केलाइ नितिमन्‍हिसिङ मादोसिङ काम पान्‍हाहि।

1 थेस्लोनिकि 4:1

आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

1 थेस्लोनिकि 5:14

दादाओने बाइओनेगेलाइ, केलाइ नेलाइहेङ आर्ति पिन्‍हाखे, कामपालि कुर्‍यागेलाइहेङ चेतानि पिसु। हारेस चाकालाइहेङ हाउसा पिसु, हाइदोङ पालि मादोकालाइहेङ मदत पासु रो झाराङदोफा सहेलिदोका तिङपासु।

1तिमोथि 5:1

वाराङगेलाइहेङ माहाप्‍काइसु, कालाउ इङकोहेङ ताइकोङ आबाहेङ भाइपाङ मान पातेङ मतो पि। कालाउ म्‍हुइकालाइहेङ चाहिँ ओनेगेलाइहेङ भाइपाङ बेभार पा।

1तिमोथि 5:20

कुकरम पातेङ हिकालाइहेङ झाराङको आगाता हाकाराइसु, कालाउ खिनिङ बो आगुवागेलाइ बुङ थ्‍यावा।

2 तिमोथि 2:6

भेम्‍ति ह्‍याअ्‌पातेङ मिलिङ चोइतेङ थिङकालाइ दोङ बालिको लाङ आसि निङलि गोयाङ।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

तितस 1:5

इन्‍ता दाइतेङ हिका काम पोङघा पालि रो काङको आर्‍हाइका आन्‍सार गोताङ पुरता मन्‍डलिको आगुवागेलाइ भाराना पालि का नासेहेङ क्रेटता लाअ्‌धिघा।

तितस 2:15

ना इदोइ बिद्‌यागेलाइ धिरपा रो खाबारासो एम्‍बालाइहेङ आरति पि कालाउ हाकाराइ। हासुङ बुङ नासेहेङ हेला पालि मानिनाको।