1 थेस्लोनिकि 4:3 - धिमाल

³ नेलाइ पुनित जेङसु दोअ्‌तेङ परमेस्‍वरको लाल्‍सा इदोइ हि, एन्‍साङ नेलाइ दुराचारसो खेङन्‍हातेङ हिसु।

Dhimal NT

³ परमेस्वर चाहिखे कि नेलाइ पबित्तरो जिबन बितिपासु कालाउ जिउको मारेम्का इच्छा आन्सार पाप मापासु।

1 थेस्लोनिकि 4:3 Iomraidhean Croise

मत्‍ति 12:50

हाइदोनु जाइ सादेलता हितेङहिका काङको परमेस्‍वर आबाको काथा मानिखे, एम्‍बालाइ दोङ काङको दादा ओने रो काङको आमाइ एइ।”

मत्‍ति 15:19

हाइपानु कोन्‍धाङसो दोङ आसाति ठहर, सेअ्‌लि, दुस्‍चर, दुराचार, खुलि, असत दासि रो बादनामि बाहार ओल्‍हेखे।

मत्‍ति 5:32

कालाउ बुङ का नेलाइहेङ दोअ्खा, जाइ ताइको बेअ्‌हेङ दुराचारको खातिरबेगार बो खातिरसो खाति पोकावा, इङको वासेहेङ दुराचार बान्‍हायावा रो जाइ लाअ्‌का बेबालहेङ चुमावा, इङको दुराचार पावा।

मत्‍ति 7:21

“कासेहेङ ‘प्रभु’, ‘प्रभु’ दोअ्‌का झाराङ सादेलको सारभिता दुल्‍लि मानिनावा। सादेलता हिका काङको आबाको लाल्‍सा मानिका द्‍याङ खिनिङ सादेलको सारभिता दुल्‍लि निनावा।

मर्कुस 3:35

हाइपानु जाइ परमेस्‍वरको हुकुम मानिखे वा दोङ काङको वाजान रो बेजान ओने रो काङको आमाइ हि।”

युहन्‍ना 4:34

इसु एम्‍बालाइहेङ दोअ्‌हि, “कासेहेङ दिङगिल्‍काको लाल्‍सामाफिक पालि रो वाको काम पोङघा पालि दोङ काङको चाकाआनेमाने एइ।

युहन्‍ना 7:17

एदि हिदिङ द्‍याङ परमेस्‍वरको लाल्‍सा साअ्‌लि खाङखे पानु, काङको धिरपाका बिद्‌या परमेस्‍वरपाहासो लोका एइ बे काङको ताइकोङ पाहासो लोका एइ इङको वा ग्‍यावा।

साल्न्हाका चात्या 15:20

कुलाउ एम्‍बालाइहेङ इदोइ काथा लेखेप्‍याइने: एम्‍बालाइ मुर्तिपुजिकाको अपुनितसो, दुराचारसो, निरघा एरेतेङ सेअ्‌का गुपुसको बिह्‍या रो हितिसो फारापा ह्‍याको।

साल्न्हाका चात्या 15:29

एला इदोइ मुल काथाहेङ चातेङ ताअ्‌सु: मुर्तिहेङ भोग पिका चिज माचासु, हिदिङ जन्‍तुको बुङ हिति माआम्‍सु, निर्घा एम्‍तेङ सेअ्‌का गुपुसको बिय्‍हा माचासु, दुराचारसो खेङन्‍हातेङ हिसु। इदोइ काथागेलाइसो खेङन्‍हातेङ हिसुन्‍हा पानु रेम्‍का जेनावा। सेउपान्‍हाखे।”

साल्न्हाका चात्या 20:32

“एला का नेलाइहेङ परमेस्‍वरको खुर्ता जिम्‍मा पिदोङखा रो वाकोङ दायासो पोङघाका बानालको भरता लाअ्‌प्‍याङका, जाइसो वा नेलाइहेङ खान्‍धुरता बोल्‍याका बान्‍हाइलि द्‍वावा रो ताइको द्‍याङगेलाइहेङ आसिसको हकदार बान्‍हायावा।

साल्न्हाका चात्या 26:18

ना एम्‍बालाइको मिँ हेपितेङ एम्‍बालाइहेङ कितिकितिकासो फाइसालामकाता, दियाबलसको सरबङसो परमेस्‍वरभारि घुरिपालि गोयाना। एम्‍बालाइ कार्‍हुता खान्‍धुर पाखे कालाउ एम्‍बालाइको कुकरम मेटिन्‍हावा रो एम्‍बालाइ परमेस्‍वरको साल्‍तेङ दिङगिल्‍का जनगेलाइको निङका एबाखारा निनावा।’

1 कोरिन्थि 1:30

परमेस्‍वर नेलाइहेङ इसु ख्रिस्‍टदोफाङ ए बान्‍हाइका हि। वाकोङ कामसो ख्रिस्‍ट केलाइको आकिल जेङका हि। केलाइ ख्रिस्‍टसो परमेस्‍वरको आगा धरमाति ठर्‍हाइन्‍हाङ। कालाउ केलाइ परमेस्‍वरको पुनित रो छुटकारा निङका द्‌याङ जेनाङ।

1 कोरिन्थि 7:2

कालाउ दुराचारता फासेपाका हेन्‍जाङ काथागेलाइ हिनाङसिङ झाराङ वाबाल द्‌याङको ताइको बेअ् ह्‍याको रो झाराङ बेबाल द्‌याङको बुङ ताइकोङ केअ् ह्‍याको।

गलाति 5:19

कुकरमिको आनिबानिको कामगेलाइ इदोङ एइ: दुराचार पालि, अपुनित फोम पालि, सारा जेङलि,

कलस्सि 1:9

इदोइ काथा हिङका दिनासोङ केलाइ नेलाइको भाअ्‌सिङ दिनाङ पुकार पान्‍हाखे। पुनित हाङसाको पिका आकिल रो समझसो परमेस्‍वरको लाल्‍सा गेसु दोअ्‌तेङ दोङ केलाइको पारथाना हि।

कलस्सि 3:5

इदोइखातिर नेलाइको कुकरमि बिचारसो ओल्‍हेका दुरजन काथागेलाइ पालि लाअ्‌सु। इदोइचाहिँ: दुराचार पालि, अपुनित काथाता लागिलि, लेदरपाका लाल्‍सा पालि, मारेम्‍का बिचार पालि रो दिअ्‌लि। कालाउ दिअ्‌लि ते गोइका चिजहेङ पुजिका भाइकाङ जेङखे।

कलस्सि 4:12

नेलाइकोङ एमि ओने, ख्रिस्‍ट इसुको चाकर इपाफ्रास बुङ नेलाइहेङ सेउपाका पिगिल्‍का हि। नेलाइ हाङसाता बोल्‍याका जेङतेङ थिर जेङसु रो परमेस्‍वरको भोका गोताङ काथा पाक्‍का ग्‍याको दोअ्‌तेङ वा दिनाङ पुकार पाखे।

1 थेस्लोनिकि 4:2

हाइपानु केलाइ नेलाइहेङ प्रभु इसुसो निङका हिदिहिदि हुकुमगेलाइ पिका हिघान्‍हाहि, इङको गेसुखेना।

1 थेस्लोनिकि 4:4

पुनितता रो मानभाउदोसा ताइको जिउहेङ हेसापा बसता ताअ्‌लि द्‌वाङ इङको नेलाइ झाराङ गेसु।

1 थेस्लोनिकि 5:18

जिसिकालाउबुङ हालतता च्‍याबास पिसु, हाइपानु ख्रिस्‍ट इसुता नेलाइको भाअ्‌सिङ परमेस्‍वरको लाल्‍सा इदोङ।

1 थेस्लोनिकि 5:23

सान्‍तिको परमेस्‍वर ताइमिङ नेलाइहेङ पुनित ताअ्‌ताको। नेलाइको गोताङ ज्‍यान, सास रो जिउ केलाइको प्रभु इसु ख्रिस्‍ट लोलाउ खोटमान्‍थुका ह्‍याको।

2 थेस्लोनिकि 2:13

प्रभुको माया पाका दादाओने बाइओनेगेलाइ, नेलाइको भाअ्‌सिङ केलाइ परमेस्‍वरता दिनाङ च्‍याबास चार्‍हाइलिङ गोयाङ, हाइपानु लाम्‍फासो दोङ पुनित हाङसाको पुनित पाका कामसो रो सत बानालको खान्‍धुरसो छुटकाराको भाअ्‌सिङ परमेस्‍वर नेलाइहेङ साल्‍हि।

तितस 2:14

इसु ख्रिस्‍ट केलाइहेङ गोताङ खालको कुकरमसो छुटकारा पिलिको भाअ्‌सिङ दोङ ताइको सास पिहि। वा केलाइहेङ पुनित पालि ताइको बान्‍हाइहि रो रेम्‍का काम पालिको भाअ्‌सिङ बोल्‍याका बान्‍हाइलि एसा पाहि।

1पतरुस 1:2

लाम्‍फासोङ परमेस्‍वर आबा ताइको उपाइआन्‍सार नेलाइहेङ ताइकोङ पुनित जन जेङलि साल्‍हि। इसु ख्रिस्‍टको हितिहोइ पुनित जेङतेङ वाकोङ हुकुम नेलाइ साअलि दोसु दोअ्‌तेङ वा नेलाइहेङ पुनित हाङसासो ताइको बान्‍हाइहि। कालाउ परमेस्‍वर आबा नेलाइहेङ इस्‍तुङ निगाहा रो सान्‍ति प्‍याको।

1पतरुस 4:2

एलासो इदोइ ज्‍यान हिपाधाउ द्‍याङको भाइपा मारेम्‍का लाल्‍साआन्‍सार माको, कालाउ परमेस्‍वरको लाल्‍साआन्‍सार ताइको ज्‍यान दोपासु।

१ युहन्‍ना 2:17

दुनिया रो दुनियाको द्‌याङगेलाइको पाका मारेम्‍का लाल्‍सागेलाइ मुअ्‌तेङ हानावा। कालाउ परमेस्‍वरको लाल्‍सा पोङघा पाकालाइ दिनाङको भाअ्‌सिङ हितेङह्‍यावा।