1 थेस्लोनिकि 4:15 - धिमाल

¹⁵ प्रभु ताइमिङ दोअ्‌का वाको काथासो केलाइ नेलाइहेङ दोअ्‌न्‍हाखे, प्रभु लोका दिनाथिकापा केलाइ सिन्‍हुतेङ हिकालाइ इङको सिकालाइ खान्‍तेङ लाम्‍फा हिदिङ रितहोइ बुङ आगा हानेलि मादाङ।

Dhimal NT

¹⁵ हाइपालिपानु केलाइ प्रभु येसु ख्रिस्टको बचनसो नेलाइहेङ दोअ्नाखे, कि केलाइ जाइ बान्चिका हिनाहि, येसु ख्रिस्ट आरोङ मालोपा धाउ बान्चिकालाइ वासेहेङ मादुसुताङ, हाइपालिपानु सिका खान्धुराइगेलाइ वासेहेङ लाम्फा भेतियावा।

1 थेस्लोनिकि 4:15 Iomraidhean Croise

मत्‍ति 17:25

वा दोअ्‌हि, “तिर्‍यावा, हाइपालि मातिर्‍यावा?” पत्‍रुस साअ्‌ता दुल्‍कान्‍हुअ्‌सो इसु वासेहेङ दोअ्‌हि, “सिमोन, नाङको ठहर हाइ हि? दुनियाको राजागेलाइ तिरो हासुसो ल्‍होपाखे? ताइको चानगेलाइसो ना बोगेलाइसो?”

1 कोरिन्थि 15:18

एन्‍सा पानु ख्रिस्‍टता खान्‍धुर पातेङ सिकालाइ बुङ झाराङ मुअ्‌का जेङका हि।

गलाति 1:12

का इदोइ रेम्‍काबानाल हिदिङ द्‍याङसो निङका माको रो हासुङ धिरपाका बुङ माको। कालाउ इसु ख्रिस्‍ट ताइमिङ दोङ इदोइ रेम्‍काबानाल देखाल पाका एइ।

1 थेस्लोनिकि 2:19

केलाइको प्रभु इसु जेलाउ ल्‍वावा, इङको पहर वाको आगाता केलाइको आस, लेङ, मान निङका सिरपेच नेलाइ दोङ, माको कुनु?

1 थेस्लोनिकि 4:13

दादाओने बाइओनेगेलाइ, सिलिदोका खान्‍धुरिगेलाइको बारेता केलाइ नेलाइहेङ दोअ्‌लि भोन्‍हाखे। एन्‍साङ बोजात्‍यागेलाइभाइपाङ नेलाइ सोक पालि मागोयाको।

1 थेस्लोनिकि 5:10

वा लोलाउ केलाइ सिलाउ बुङ, बान्‍चेलाउ बुङ वादोफाङ सिन्‍हुलि द्‍वाको दोअ्‌तेङ प्रभु इसु केलाइको बादालाता सिहि।

2 थेस्लोनिकि 2:1

दादाओने बाइओनेगेलाइ, केलाइको प्रभु इसु ख्रिस्‍ट लोकाको बारेता रो वासेहेङ दुसुलि केलाइ एदोसा जोम्‍का बारेता नेलाइहेङ बिम्‍ति पान्‍हाखे,