1 थेस्लोनिकि 3:6 - धिमाल

⁶ कालाउ एला तिमोथि एलाङखिनिङ नेलाइहेङ दुसुतेङ थुकालि लोकाहि। नेलाइता आरोङ बुङ माया रो खान्‍धुर हि दोअ्‌तेङ वा रेम्‍काबानाल चुमाहि। केलाइ भाइपाङ नेलाइ बुङ केलाइहेङ दुसुका बाराका लाल्‍सा ताअ्‌तेङ फोमपातेङ हिघासुन्‍हा।

Dhimal NT

⁶ कालाउ तिमोथि नेलाइसो एलाङ खिनिङ घुरितेङ थुकालि लोका हि, कालाउ नेलाइको खाङधुरि कालाउ प्रेमको बानाल केलाइहेङ हिङपाहि। नेलाइ केलाइहेङ जेलाउ बुङ फोम पासुखेना कालाउ केलाइहेङ भेतिलि बार्का इच्छा पासुखेना दोअ्का काथा केलाइहेङ दोअ्हि। केलाइ बुङ नेलाइहेङ ओसाङ भाइपा भेतिलि चाहाना पानाखे।

1 थेस्लोनिकि 3:6 Iomraidhean Croise

साल्न्हाका चात्या 16:1

पावल डर्बि रो लुस्‍त्‍राता बुङ लोहि। इन्‍ता तिमोथि मिङ हिका एमि चात्‍या हिघाखे। वा युनिस मिङ हिका एमि खान्‍धुरि यहुदि बेबालको चान हिघाखे, कुलाउ वाको आबाचाहिँ ग्रिक हिघाखे।

साल्न्हाका चात्या 18:1

इङकोन्‍हुअ्‌सो पावल एथेन्‍ससो बिदा जेङतेङ कोरिन्‍थता हानेहि।

साल्न्हाका चात्या 18:5

जेलाउ सिलास रो तिमोथि माकेडोनियासो थुकालिलोहि, कोलाउ पावल पारचारको कामता लागितेङ हिलाउ यहुदिगेलाइहेङ इसु दोङ ख्रिस्‍ट हि दोअ्का दासि पिदोङघाखे।

1 कोरिन्थि 11:2

का नेलाइहेङ हेन्‍जाङ बाखिन्‍खा, हाइदोनु गोताङ काथाता नेलाइ कासेहेङ फोमपासुखेना रो काङको धिरपाका बिद्‌या साअ्‌सुखेना।

1 कोरिन्थि 13:13

एला खान्‍धुर, आस रो माया जेलाउ बुङ ह्‍यावा। कालाउ इदोइ सुमलोङता झाराङखान्‍तेङ बाराका माया दोङ एइ।

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

फिलिप्पि 1:8

का नेलाइहेङ दुसुलि इस्‍तुङ लाल्‍सा पाखा दोअ्‌का काथा परमेस्‍वर दोङ गिखे। हाइदोनु ख्रिस्‍ट इसु नेलाइहेङ जेसापा माया पाहि का बुङ नेलाइहेङ माया पाखा।

कलस्सि 1:4

हाइदोनु केलाइ ख्रिस्‍ट इसुता हिका नेलाइको खान्‍धुर रो परमेस्‍वरको गोताङ पुनित जनगेलाइहेङ नेलाइको पाका मायाको बारेता बुङ केलाइ हिङका हिन्‍हाहि।

कलस्सि 4:18

का पावलसो नेलाइहेङ इदोइ सेउपाका ताइकोङ खुरहोइ लेखेतेङ पिगिल्‍दोङखा। का थुनाता परेका हिघा दोअ्‌का काथा बुङ नेलाइदोङ गेसुखेना। कालाउ नेलाइता परमेस्‍वरको निगाहा ह्‍याको।

1 थेस्लोनिकि 1:3

केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

1 थेस्लोनिकि 2:17

दादाओने बाइओनेगेलाइ, नेलाइसो जिउता खेङन्‍हालाउ बुङ केलाइ कोन्‍धाङसो खेङन्‍हाका मान्‍थुन्‍हाहि। केलाइ नेलाइहेङ दुसुलि हेन्‍जाङ बाराका लाल्‍सा पाका हिन्‍हाहि।

1 थेस्लोनिकि 2:9

दादाओने बाइओनेगेलाइ, केलाइको पाका मिनेत नेलाइ गेकाङ हिसुन्‍हा। केलाइ परमेस्‍वरको रेम्‍काबानाल पारचार पालाउ केलाइहेङ गोइका आनेमानेगेलाइ नेलाइदोफा र्‍हेलि मागोयाको दोअ्‌तेङ केलाइ नितिमन्‍हिसिङ मादोसिङ काम पान्‍हाहि।

1 थेस्लोनिकि 3:7

दादाओने बाइओनेगेलाइ, नेलाइको खान्‍धुरको बानाल हिङतेङ तु: रो सान्‍ताइता परेका पहरता बुङ केलाइ लेङचाका हिन्‍हाहि।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

1तिमोथि 1:5

केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

2 तिमोथि 1:3

काङको आबाखालगेलाइ चाकर पाका भाइपाङ का बुङ सुदो आकिलहोइ परमेस्‍वरको चाकर पाखा कालाउ का नितिमन्‍हिसिङ पुकार पालाउ दिनाङ नासेहेङ फोमपातेङ परमेस्‍वरहेङ च्‍याबास चार्‍हाइखा।

१ युहन्‍ना 3:23

कालाउ परमेस्‍वरको हुकुम इदोइ दोङ एइ। वा केलाइहेङ हुकुम पाका आन्‍सार केलाइ वाको चान इसु ख्रिस्‍टको मिङता खान्‍धुर पालिगोयाङ रो केलाइ एमि भेनेङहेङ माया पालिगोयाङ।