1 थेस्लोनिकि 3:3 - धिमाल

³ कालाउ इदोइ तु:गेलाइसो हासुङ माहेङगालाइन्‍हाको। इसिका तु:गेलाइ सहेलि केलाइचाहिँ साल्‍तेङ दिङगिल्‍का दोअ्‌तेङ नेलाइ ताइमिङ रेम्‍फा गिका हिसुन्‍हा।

Dhimal NT

³ कालाउकि इदोइ कस्टगेलाइहोइ हासु बुङ हारेस माचाको। हाइपालिपानु नेलाइ ताइमिहेङ दोङ थाहा हि, कि केलाइ कस्ट भोगिलि गोइका हि। हाइपालिपानु या केलाइको भाअ्सिङ परमेस्वरको इच्छा दोङ हि।

1 थेस्लोनिकि 3:3 Iomraidhean Croise

लुका 21:12

“कुलाउ इदोइ गोताङ काथा जेङका खान्‍तेङ लाम्‍फा नेलाइहेङ द्‍याङगेलाइ काङको मिङको खातिर रिमावा। नेलाइहेङ तु: पितेङ सान्‍तायावा, कचहरिसाअ्‌ता चुम्‍पुतेङ मुदा चालायावा। फतुर लागाइतेङ नेलाइहेङ थुनाता व्‍हाअ्‌तावा, कालाउ ओबालाइ नेलाइहेङ बारा हाकिमगेलाइ रो राजागेलाइकोता चुम्‍पुतेङ जाअ्‌पावा।

युहन्‍ना 16:2

एम्‍बालाइ नेलाइहेङ यहुदि कचहरिसाअ्‌गेलाइसो ओल्‍हेपागिलावा। जातिङको इसिका पहर लोदोङखे, जेलाउ नेलाइहेङ सेअ्‌का पाकाहेङ परमेस्‍वरको सेवा पादोङखा दोअ्‌तेङ फोमपावा।

युहन्‍ना 16:33

का नेलाइहेङ इदोइ काथा इदोइ खातिरहोइ दोअ्‌का हिघा, काता नेलाइहेङ सुबिस्‍ता ज्‍याको। दुनियाता नेलाइहेङ जोखिम ज्‍यावा, कुलाउ हिमत पासु, का दुनियाहेङ जितिका हिघा।”

साल्न्हाका चात्या 14:22

एम्‍बालाइ चात्‍यागेलाइको आत्‍माहेङ बोल्‍याका बान्‍हाइतेङ ओबालाइहेङ खान्‍धुरता हितेङहिलि आर्ति पिहि। हेन्‍जाङ पिर सहितेङ केलाइ परमेस्‍वरको सारभिता दुल्‍लि गोयाङ दोअ्‌तेङ ओबालाइहेङ दोअ्‌हि।

साल्न्हाका चात्या 2:25

राजा दाउद बुङ इसुको बारेता एसा दोअ्‌का हिघाखे: ‘का प्रभुहेङ दिनाङ काङकोङ आगाता तिङखा, वा का दोफाङ हिखे, एन्‍साङ का माथिखा।

साल्न्हाका चात्या 21:11

वा पावलको तेपाना चुमतेङ ताइको खुर रो खोकोइ धेउतेङ दोअ्‌हि, “पुनित हाङसा एसापा दोअ्‌खे, यरुसलेम हानेनु यहुदिगेलाइ इदोइ तेपानाको धनिहेङ एसाङ पातेङ धेवावा रो बो जात्‍यागेलाइको खुरता जिम्‍मा प्‍यावा।”

साल्न्हाका चात्या 21:13

कुलाउ पावल दोअ्‌हि, “नेलाइ हाइपालि खारतेङ काङको मन तु:पापिसुखेना? का यरुसलेमता धेउन्‍हालि खिनिङ माको, कुलाउ प्रभु इसुको भाअ्‌सिङ सिलि बुङ त्‍यार हिघा।”

साल्न्हाका चात्या 9:16

हाइपानु काङको मिङको भाअ्‌सिङ वा हेथे पिर सहेलिगोयाङ, इङको का वासेहेङ तिम्‍पाङका।”

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

1 कोरिन्थि 4:9

हाइदोनु कासेहेङ इसिका लागेखे: परमेस्‍वर केलाइ साल्‍तेङ दिङगिल्‍कालाइहेङ जितिका जुलुसता हिगिल्‍का रो धुमता हारेतेङ सिकादार निङकालाइ भाइपाङ झाराङ खान्‍तेङ न्‍हुअ्‌पाहा ताअ्‌का हि। कालाउ केलाइ दुनियाता सादेलचर रो द्‌याङगेलाइको आगाता तामासा जेङका हिन्‍हाहि।

फिलिप्पि 1:28

नेलाइ ताइको बाइरिगेलाइदोफा हेअ्‌लाउ बुङ माथिसु। इदोइ काथाहोइ नेलाइको दुस्‍मनगेलाइहेङ परमेस्‍वर मुअ्‌पाका रो नेलाइहेङ बान्‍चेपाका काथाको दासि प्‍यावा। वा इदोइ गोताङ काथा पावा।

कलस्सि 1:23

जातिङको नेलाइ थिर रो खान्‍धुरता बोल्‍याका जेङतेङ हिसु। नेलाइको हिङका रेम्‍काबानालता परमेस्‍वरको कबोल पाका आस पालि मामालाअ्‌सु। इदोङ रेम्‍काबानाल दुनियाको झाराङ द्‌याङगेलाइहेङ हिङपान्‍हाका हि। कालाउ का पावल इदोङ रेम्‍काबानाल हिङपालिको भाअ्‌सिङ चाकर जेङका हिघा।

1 थेस्लोनिकि 5:9

हाइपानु परमेस्‍वर केलाइर्‍हुता ताइको चेर हुपिलि साल्‍का माको, कालाउ प्रभु इसु ख्रिस्‍टसो छुटकारा निङलि लाम्‍फासोङ साल्‍का।

2 थेस्लोनिकि 1:4

इदोइभाअ्‌सिङ नेलाइहेङ बोमि सान्‍ताइका रो तु: पिलाउ बुङ नेलाइको सहेका सरबङ रो खान्‍धुर हिनाङसिङ परमेस्‍वरको बो मन्‍डलिगेलाइता बुङ तुजुक पातेङ नेलाइको बारेता केलाइ धुइलि द्‍वाङ।

2 तिमोथि 1:8

एन्‍साङ केलाइको प्रभुको दासि पिलि रो का वाको भाअ्‌सिङ थुना निन्‍चाकाता मालेदेर भुरुङ ना बुङ परमेस्‍वरको सरबङता रेम्‍काबानाल हिङपालि तु: ल्‍होपा।

1पतरुस 2:21

हाइपानु याकोङ भाअ्‌सिङ परमेस्‍वर नेलाइहेङ काइका एइ। ख्रिस्‍ट बुङ नेलाइको भाअ्‌सिङ तु: भोगेहि रो नेलाइको भाअ्‌सिङ एलोङ नामुना जेङपिहि। कालाउ नेलाइ बुङ ख्रिस्‍टको तिङपाका दामाता तेलिगोयाङ।