1 थेस्लोनिकि 3:11 - धिमाल

¹¹ एला केलाइको परमेस्‍वर आबा ताइमिङ रो केलाइको प्रभु इसु नेलाइकोता लोका केलाइको दामा हेप्‍याको।

Dhimal NT

¹¹ केलाइ प्रार्थाना पाङ कि केलाइको आबा परमेस्वर कालाउ प्रभु येसु ख्रिस्ट नेलाइकोता लोका दामा हेअ्प्यावाको।

1 थेस्लोनिकि 3:11 Iomraidhean Croise

मत्‍ति 6:14

“हाइपानु नेलाइ द्‍याङगेलाइको कुकरम माफ पापिनु, नेलाइको सादेलता हिका परमेस्‍वर आबा बुङ नेलाइहेङ माफ पावा।

मत्‍ति 6:18

नाङको म्‍हितुपाङहिका द्‍याङगेलाइ माको, कालाउ बुङ मातिङपा हिका परमेस्‍वर आबा तिनाको रो सिपापा पाका तिङका परमेस्‍वर आबा नासेहेङ इनाम प्‍यावा।

मत्‍ति 6:26

आतेलता उराइका जिह्‍याँ जुइलेङहेङ खाङसु। एम्‍बालाइ ना चालाइ बिअ्‌खे, ना आनाज चेखे, ना भाकारता सान्‍तेखे। कालाउ बुङ सादेलता हिका नेलाइको परमेस्‍वर आबा एम्‍बालाइहेङ चापाखे। हाइ नेलाइ एम्‍बालाइखान्‍तेङ हेन्‍जा मोलको माहिसुन्‍हा कुनु?

मत्‍ति 6:32

हाइपानु बोजात्‍यागेलाइ इदोइ गोताङ सामान भोखे रो सादेलता हिका आबा नेलाइहेङ इदोइ गोताङ सामान गोइका हि दोअ्‌तेङ गेखे।

मत्‍ति 6:4

ना दान पिलाउ सिकापा पि कालाउ सिकापा पिलाउ तिङका परमेस्‍वर आबा नासेहेङ इनाम प्‍यावा।

मत्‍ति 6:6

कालाउ बुङ ना जेलाउ पुकार पाखेना, ताइको लिअ्‌ताको कोठाता दुल रो फिनु गिअ्‌तेङ नाङको आबाहेङ सिपापा पुकार पा, कालाउ सिपापा पाका तिङका परमेस्‍वर आबा नासेहेङ इनाम प्‍यावा।

मर्कुस 1:3

हिङसु, उदादाङका थामेता एमि द्‌याङ बारा गालाहोइ एसा दोअ्‌दोङखे: “प्रभु लोका दामा त्‍यार पासु, वाको तेगिल्‍का दामा सोझ्‍याइसु!”

लुका 12:30

परमेस्‍वरहेङ मानाल्‍कालाइ कि इसिका सुर्ता पाखे। इदोइ गोताङ सामान नेलाइहेङ गोयाङ दोअ्‌तेङ परमेस्‍वर आबा दोङ ग्‍यावा।

लुका 12:32

इसु ताइको चात्‍यागेलाइहेङ दोअ्‌हि, “ओइ म्‍हुइका जेरको काङको चात्‍यागेलाइ, नेलाइ माथिसु! हाइदोनु परमेस्‍वर आबा नेलाइहेङ ताइको सारभि पिलि लेङचाका हि।

युहन्‍ना 20:17

इसु इङकोहेङ दोअ्‌हि, “कासेहेङ मासाइ, हाइदोनु का एलाथिकापा आबाकोता हानेका मान्‍थुघा। कुलाउ काङको ओनेगेलाइकोता हानेतेङ एम्‍बालाइहेङ दोअ्‌पि, ‘काङको आबा रो नेलाइको आबा, काङको परमेस्‍वर रो नेलाइको परमेस्‍वरकोता हानेदोङखा।’”

गलाति 1:4

केलाइको परमेस्‍वर आबाको लाल्‍साआन्‍सार इदोइ एलाको दुरजन दुनियासो केलाइहेङ छुटकारा पिलि प्रभु इसु ख्रिस्‍ट ताइमिङहेङ केलाइको कुकरमको भाअ्‌सिङ ताइको ज्‍यान भोक पिहि।

कलस्सि 1:2

कलस्‍सि पुरता हिका परमेस्‍वरको पुनित जनगेलाइ रो ख्रिस्‍टता खान्‍धुर पातेङहिका दादाओने बाइओनेगेलाइहेङ इदोइ चिथि लेखेदोङन्‍हाखे। केलाइको परमेस्‍वर आबा नेलाइहेङ निगाहा रो सुकाका प्‍याको।

1 थेस्लोनिकि 3:13

एसापा वाको झाराङ पुनित जनगेलाइदोफा केलाइको प्रभु इसु ख्रिस्‍ट आरोङ लोलाउ वा केलाइको परमेस्‍वर आबाको आगाता नेलाइको कोन्‍धाङहेङ पुनित रो दुसमान्‍थुका बान्‍हाइयाको।

1 थेस्लोनिकि 4:16

हाइपानु प्रभु ताइमिङ हुकुमको गालाता, मुल सादेलचरको गाला रो परमेस्‍वरको धुतुरुको गालाता सादेलसो खुअ्‌तावा रो ख्रिस्‍टता सिकालाइचाहिँ लाम्‍फा सिन्‍हुतेङ ल्‍होकावा।

1 थेस्लोनिकि 5:23

सान्‍तिको परमेस्‍वर ताइमिङ नेलाइहेङ पुनित ताअ्‌ताको। नेलाइको गोताङ ज्‍यान, सास रो जिउ केलाइको प्रभु इसु ख्रिस्‍ट लोलाउ खोटमान्‍थुका ह्‍याको।

2 थेस्लोनिकि 2:16

केलाइको प्रभु इसु ख्रिस्‍ट रो परमेस्‍वर आबा केलाइहेङ माया पाहि। कालाउ वाको निगाहासो हेअ्‌लाउ मादोका हाउसा रो रेम्‍का आस प्‍याको।

2 थेस्लोनिकि 3:16

केलाइहेङ सान्‍ति पिका प्रभु ताइमिङ नेलाइहेङ जेलाउबुङ गोताङ काथाता सान्‍ति प्‍याको। कालाउ नेलाइ झाराङदोफा प्रभु हितेङ ह्‍याको।

2 थेस्लोनिकि 3:5

परमेस्‍वर नेलाइहेङ पाका माया रो ख्रिस्‍टको सहेका सरबङ गेलिको भाअ्‌सिङ नेलाइ प्रभुसोङ थोङगिलन्‍हाका जेङसु।

१ युहन्‍ना 3:1

हिङसु, केलाइहेङ परमेस्‍वर आबा हेथे हेन्‍जा माया पाका हि, वाको मायाहोइ केलाइ परमेस्‍वरको जाहान दोअ्‌न्‍हाका एइ कालाउ जतिङकोङ एइ बुङ। दुनियाको द्‌याङगेलाइ परमेस्‍वरहेङ मानालनाङसिङ एम्‍बालाइ केलाइहेङ बुङ मानाल्‍खे।