1 थेस्लोनिकि 2:4 - धिमाल

⁴ परमेस्‍वर केलाइहेङ खान्‍धुर पातेङ दोङ रेम्‍काबानाल हिम्‍पाका जिम्‍मा पिहि। इदोङखातिर केलाइ वाको लाल्‍साता धुइन्‍हाखे। केलाइ द्‍याङगेलाइहेङ माको कालाउ बुङ केलाइको मन जाचेका परमेस्‍वरहेङ लेङचा पालि भोन्‍हाखे।

Dhimal NT

⁴ कालाउ परमेस्वर केलाइहेङ योग्य थानितेङ सुसमाचार हिङपालि जिम्मा पिहि, ओदोङ भाअ्सिङ केलाइ द्‍याङगेलाइहेङ लेङचापालि माको, भरु केलाइको ह्रदय जाचिका परमेस्वरहेङ लेङचापालि केलाइ उपदेस पिनाखे।

1 थेस्लोनिकि 2:4 Iomraidhean Croise

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

लुका 16:11

इदोइखातिर सुमिङको टाका काउरिता खान्‍धुर पाका माजेङनु ते नेलाइहेङ जातिङको सादेलता हिका टाका काउरि हासु जिम्‍मा प्‍यावा कुनु?

युहन्‍ना 21:17

इसु इङकोहेङ सुम खेप दोअ्‌हि, “युहन्‍नाको चान सिमोन, हाइ ना कासेहेङ इन्‍ताना पाखेना?” पत्‍रुस मन तुपाहि, हाइपानु वा सुम खेप इङकोहेङ “हाइ ना कासेहेङ इन्‍ताना पाखेना?” दोअ्‌हि। इङको वासेहेङ दोअ्‌हि, “प्रभु ना गोताङ काथा गेखेना रो का नासेहेङ इन्‍ताना पाखा दोअ्‌तेङ बुङ ना ताइमिङ गेखेना।” इसु इङकोहेङ दोअ्‌हि, “काङको भेरागेलाइहेङ चापा।

1 कोरिन्थि 7:25

एला बिहु मापाका बेजालाइको बारेता प्रभुको हुकुम कादोफा हाइदोङ मान्‍थु। कालाउ बुङ प्रभुको दायासो का खान्‍धुरलाएक हिनाङसिङ नेलाइहेङ साल्‍हा प्‍याङका।

1 कोरिन्थि 9:17

का इदोइ काम ताइमिङ साल्‍का हिनु इदोइसो हाइदोङ निङलि आस ताअ्‌धाङका। कालाउ इदोइ कामहेङ का ताइकोङ काम फोमपातेङ पादोङखा। हाइपानु परमेस्‍वर दोङ कासेहेङ इदोइ काम पालि जिमा पिका हि।

गलाति 1:10

का नेलाइहेङ दोअ्‌खा, एला का द्‍याङगेलाइको चितबुझिपालि माको, कालाउ का ते परमेस्‍वरको चित बुझिपालि भो:खा। एदि का द्‌याङगेलाइको चित बुझिपालि भो:का हिनु का ख्रिस्‍टको चाकर जेङलि दोङ मादोधाङका।

गलाति 2:7

कालाउ परमेस्‍वर पत्‍रुसहेङ यहुदिगेलाइकोता खाटाइका भाइपाङ वा दोङ कासेहेङ बुङ बोजात्‍याता रेम्‍काबानाल पारचार पालि खाटाइका याकुब, पत्‍रुस रो युहन्‍ना गेहि।

कलस्सि 3:22

बान्‍धाइगेलाइ, नेलाइ ताइको मालिकगेलाइको दोअ्‌का गोताङ काथागेलाइ मानेसु। मालिकहेङ लेङचापालिको भाअ्‌सिङ खिनिङ माको, कालाउ प्रभुदोफा थितेङ सोझा मनसो काम पासु।

1तिमोथि 6:20

मोन्‍दाताका तिमोथि, नाङको जिमाता पिका काथाहेङ रेम्‍फा खाङकाखुङका पा। हेथे द्‌याङगेलाइ दुनियाको निरबुदि काथा रो आकिल दोअ्‌तेङ साअ्‌का असत काथागेलाइसो फारापा हि।

2 तिमोथि 1:14

नाङको जिमाता पिका रेम्‍का काथागेलाइहेङ केलाइलिअ्‌ताङ बासा हिका पुनित हाङसाको सरबङहोइ जोगाइतेङताअ्।

2 तिमोथि 2:2

का नासेहेङ हेन्‍जाङ द्‌याङगेलाइको आगाता पिका बिद्‌या बो धिरपालि दोका खान्‍धुरि द्‍याङगेलाइहेङ जिमा पि।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

1पतरुस 4:11

एदि हासुङ धुइका बर निङकाहि पानु, इङको परमेस्‍वर धुइका भाइपाङ धुयाको। एदि हासुङ चाकर पालि भोखे पानु, इङको परमेस्‍वरको पुनित हाङसाको सरबङसो चाकर पाको। एसापा नेलाइको पाका गोताङ कामगेलाइता इसु ख्रिस्‍टसो परमेस्‍वरको दोङ मिङ झाउका जेङका ह्‍याको। वाता दोङ गोताङ प्रताप रो सरबङ दिनाङ हितेङ ह्‍याको। आमेन।