1 थेस्लोनिकि 2:2 - धिमाल

² केलाइ इन्‍ता लोकालाम्‍फा फिलिप्‍पिको द्‌याङगेलाइ केलाइहेङ तु: पिहि रो केलाइको बिजेत पाहि। इदोइ काथा बुङ नेलाइ गेसुखेना। कालाउ बुङ परमेस्‍वर केलाइहेङ हिमत पिहि रो हेन्‍जाङ बिभेदि हिलाउ बुङ केलाइ नेलाइहेङ परमेस्‍वरको रेम्‍काबानाल हिङपान्‍हाहि।

Dhimal NT

² केलाइ नेलाइकोता लोका खान्तेङ लाम्फा फिलिप्पि सहरता हेन्जाङ दुख निङचाका, कालाउ इन्ताको द्‍याङगेलाइ केलाइको आपामान पाका इदोइ गोताङ काथागेलाइ नेलाइ झाराङहेङ थाहा दोङ हि। कालाउ थिस्लोनिकि सहरको द्‍याङगेलाइ हेन्जा बिरोध पालाउ बुङ केलाइको परमेस्वर केलाइहेङ माअ्थिसिङ नेलाइहेङ इदोइ सुसमाचार प्राचार पालि साघाइका हिघाहि।

1 थेस्लोनिकि 2:2 Iomraidhean Croise

साल्न्हाका चात्या 14:3

एन्‍सा जेङलाउ बुङ पावल रो बारनाबास हेन्‍जाङ लिङकाथिकापा इन्‍ताङ हि। एम्‍बालाइ माथिसिङ प्रभुको बारेता धुइहि। प्रभु एम्‍बालाइको खुरसो चिनोगेलाइ रो सरबङ हिका कामगेलाइ पापातेङ ताइको निगाहाको कथनको दासि पिहि।

साल्न्हाका चात्या 14:5

बोजात्‍याक रो यहुदिगेलाइ ओबालाइको हाकिमगेलाइदोफा मिलितेङ पावल रो बारनाबासहेङ सान्‍ताइका रो उन्‍ठुइ तोलि चेस्‍टा पाहि।

साल्न्हाका चात्या 16:12

इन्‍तासो तेतेङ फिलिप्‍पिता थुकालिलोन्‍हाहि, जाइ माकेडोनियाको मुल पुर रो रोमि सारकारको खाबराता हिघाहि। इन्‍ता केलाइ आधे दिनाथिकापा हिन्‍हाहि।

साल्न्हाका चात्या 16:19

कालाउ मालिकगेलाइ इङको बेजानसो कामाइका दामा दोङ राम्‍का तिङतेङ एम्‍बालाइ पावल रो सिलासहेङ रिम्‍तेङ हातेको चोकता हिका नियापाका थामेता हेरतेङ चुमपुहि।

साल्न्हाका चात्या 16:37

कुलाउ पावल एम्‍बालाइहेङ दोअ्‌हि, “केलाइ रोमि नागरिकहेङ हाइदोङ फतुर मालागाइसिङ ओबालाइ द्‍याङगेलाइको आगाता दान्‍हाइहि, थुनाता बुङ ह्‍वाअ्‌हि रो एला केलाइहेङ सिपापा ओल्‍हेपालि भोखे? इदोइ जेङलि माद्‍वाङ। ओबालाइ ताइमिङ ल्‍वाको रो केलाइहेङ ओल्‍हेपातेङ चुमप्‍वाको।”

साल्न्हाका चात्या 17:1

पावल रो सिलास अम्‍फिपोलिस पुरसो रो अपोल्‍लोनियाको दामा जेङतेङ थेसलोनिकेता लोहि। इन्‍ता यहुदिगेलाइको एलोङ कचहरिसाअ् हिघाहि।

साल्न्हाका चात्या 17:17

इदोङखातिर वा यहुदिगेलाइ रो परमेस्‍वरको सेवा पाका ग्रिकगेलाइदोफा कचहरिसाअ्‌ता रो दुसुका झोकोदोफा चाहिँ हातेता दिनाङ बहस पाघाखे।

साल्न्हाका चात्या 19:8

पावल कचहरिसाअ्‌ता हानेहि रो सुम माहिनाथिकापा परमेस्‍वरको सारभिको बारेता एम्‍बालाइदोफा माथिसिङ बहस पाहि रो द्‍याङगेलाइहेङ गेपाहि।

साल्न्हाका चात्या 4:13

जेलाउ एम्‍बालाइ पत्‍रुस रो युहन्‍नाको आट तिङहि, एबालाइ मापर्‍हेका मामुलि द्‍याङ हिघाखे दोअ्‌तेङ गेहि। कोलाउ एम्‍बालाइ भारभुसाइहि रो एबालाइ इसुदोफाङ हिघाखे दोअ्‌का एम्‍बालाइ गेहि।

साल्न्हाका चात्या 4:20

हाइपानु केलाइ तिङका रो हिङका काथागेलाइ माधुइसिङ केलाइ हिलि मामाद्‍वाङ।”

साल्न्हाका चात्या 4:31

एम्‍बालाइ पुकार पालिदोकान्‍हुअ्‌सो एम्‍बालाइ जोम्‍का थामे हेङघालाइन्‍हाहि। एम्‍बालाइ झाराङ पुनित हाङसासो पोङघाहि रो एम्‍बालाइ आटसो परमेस्‍वरको कथन धुइहि।

साल्न्हाका चात्या 5:41

कोलाउ इसुको मिङता दुत्‍कार सहिका जेङन्‍हाहि दोअ्‌का काथाता लेङचातेङ एम्‍बालाइ बाराकचहरिसो ओल्‍हेतेङ हानेहि।

कलस्सि 2:1

जातिङको का ते नेलाइको भाअ्‌सिङ, लाउडिकियाको द्‌याङगेलाइको भाअ्‌सिङ रो कासेहेङ मानाल्‍का झाराङको भाअ्‌सिङ बुङ हेथे हेन्‍जा तु: भोगितेङ काम पादोङखा दोअ्‌का काथा का नेलाइहेङ गिपालि भोखा।

1 थेस्लोनिकि 1:5

हाइदोनु केलाइ नेलाइहेङ हिङपाका रेम्‍काबानाल बिथाको काथा खिनिङ मान्‍थुघाहि। कालाउ पुनित हाङसा रो सरबङहोइ हिङपाका जातिङको कथन हिघाहि। नेलाइको माझाता हिलाउ नेलाइकोङ भाअ्‌सिङ केलाइ हिसिका खाल्‍को द्‍याङ हिघान्‍हाहि दोअ्‌तेङ इङको नेलाइ दोङ गेसुखेना।

2 तिमोथि 1:12

इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।