1 थेस्लोनिकि 2:19 - धिमाल

¹⁹ केलाइको प्रभु इसु जेलाउ ल्‍वावा, इङको पहर वाको आगाता केलाइको आस, लेङ, मान निङका सिरपेच नेलाइ दोङ, माको कुनु?

Dhimal NT

¹⁹ जेलाउ केलाइको प्रभु येसु ख्रिस्ट आरोङ लावा, इङको बेला वाको आगाता केलाइको आस, आनान्द माकुनु गर्वको मुकुट नेलाइ दोङ हिसुना।

1 थेस्लोनिकि 2:19 Iomraidhean Croise

मत्‍ति 16:27

हाइपानु का द्‍याङको चान ताइको आबाको प्रतापता ताइको सादेलचरगेलाइदोफा ल्‍वाङका। इङको पहर का गोताङ द्‍याङहेङ इङकोको काममाफिक नातिजा प्‍याङका।

मर्कुस 8:38

कालाउ इदोइ दुराचारि रो निठुरि पुस्‍ताता जाइ कासो रो काङको कथनसो लेदेरावा, का द्‍याङको चान बुङ आबाको प्रतापता पुनित सादेलचरदोफा लोलाउ इङकोसो लेदेराङका।”

युहन्‍ना 21:22

इसु सिमोन पत्‍रुसहेङ दोअ्‌हि, “का मालोपाधाउ इङको र्‍हुम्‍तेङह्‍याको दोअ्‌का काङको लाल्‍सा हिलाउ बुङ नासेहेङ हाइ चारि जेङहि? ना कासेहेङ पिताइ।”

1 कोरिन्थि 15:23

कालाउ झाराङ ताताइको पालाआन्‍सार झाराङखान्‍तेङ लाम्‍फा ख्रिस्‍ट सिन्‍हुहि। कालाउ ख्रिस्‍ट आरोङ घुरितेङ लोलाउ वासेहेङ खान्‍धुर पातेङ सितेङ हानेकालाइ झाराङ एदोसाङ सिन्‍हुतेङ ल्‍होकावा।

1 कोरिन्थि 4:5

इदोइभाअ्‌सिङ तोकेका पहरखान्‍तेङ लाम्‍फा हासुकोङ निया मापासु रो प्रभु लोपाधाउ र्‍हुम्‍सु। प्रभु दोङ कितिकितिकाता म्‍होअ्‌न्‍हाका गोताङ काथा फाइसालाम्‍काता चुमावा रो द्‌याङगेलाइको मनको काथागेलाइ तिङपाप्‍यावा। इङको पहरता झाराङ द्‍याङगेलाइको पाका कामको इनाम परमेस्‍वरसो निनावा।

फिलिप्पि 2:16

नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

फिलिप्पि 4:1

इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

1 थेस्लोनिकि 2:20

जातिङकोङ केलाइको प्रताप रो लेङचाका नेलाइ दोङ।

1 थेस्लोनिकि 3:13

एसापा वाको झाराङ पुनित जनगेलाइदोफा केलाइको प्रभु इसु ख्रिस्‍ट आरोङ लोलाउ वा केलाइको परमेस्‍वर आबाको आगाता नेलाइको कोन्‍धाङहेङ पुनित रो दुसमान्‍थुका बान्‍हाइयाको।

1 थेस्लोनिकि 4:15

प्रभु ताइमिङ दोअ्‌का वाको काथासो केलाइ नेलाइहेङ दोअ्‌न्‍हाखे, प्रभु लोका दिनाथिकापा केलाइ सिन्‍हुतेङ हिकालाइ इङको सिकालाइ खान्‍तेङ लाम्‍फा हिदिङ रितहोइ बुङ आगा हानेलि मादाङ।

1 थेस्लोनिकि 5:23

सान्‍तिको परमेस्‍वर ताइमिङ नेलाइहेङ पुनित ताअ्‌ताको। नेलाइको गोताङ ज्‍यान, सास रो जिउ केलाइको प्रभु इसु ख्रिस्‍ट लोलाउ खोटमान्‍थुका ह्‍याको।

2 थेस्लोनिकि 1:4

इदोइभाअ्‌सिङ नेलाइहेङ बोमि सान्‍ताइका रो तु: पिलाउ बुङ नेलाइको सहेका सरबङ रो खान्‍धुर हिनाङसिङ परमेस्‍वरको बो मन्‍डलिगेलाइता बुङ तुजुक पातेङ नेलाइको बारेता केलाइ धुइलि द्‍वाङ।

2 थेस्लोनिकि 1:7

तु: सहेका नेलाइ रो केलाइहेङ वा छुटकारा प्‍यावा। वा प्रभु इसु सरबङहिका सादेलचरगेलाइ दोफा मेको रापता सादेलसो लोलाउ इदोइ गोताङ पावा।

2 थेस्लोनिकि 2:1

दादाओने बाइओनेगेलाइ, केलाइको प्रभु इसु ख्रिस्‍ट लोकाको बारेता रो वासेहेङ दुसुलि केलाइ एदोसा जोम्‍का बारेता नेलाइहेङ बिम्‍ति पान्‍हाखे,

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।

याकुब 5:7

इदोइभाअ्‌सिङ दादाओने बाइओनेगेलाइ, प्रभु मालोपाधाउ र्‍हुम्‍तेङ हिसु। खाङसु, मिलिङ चोइकालाइ ताइको मोलहिका बालि सोपेरपालिको भाअ्‌सिङ चुङदिङ रो बाअ्‌सारको वाइहेङ र्‍हुमतेङ हिखे।

याकुब 5:8

एन्‍साङ पातेङ नेलाइ बुङ र्‍हुमतेङ हिसु। ताइको आस मासेअ्‌सु हाइदोनु प्रभु लोकादिना भेरपाङ हि।

1पतरुस 5:4

जेलाउ मुल घोका ख्रिस्‍ट देखाल जेङन्‍हावा, कोलाउ नेलाइ दिनाङ चिल्‍कातेङ हिका प्रताप रो मानको ताज निङस्‍वाना।

२ पत्‍रुस 1:16

केलाइको प्रभु इसु ख्रिस्‍ट बाराका प्रताप रो बाराका सरबङता आरोङ ल्‍वावा दोअ्‌तेङ केलाइ नेलाइहेङ एन्‍साङ दोअ्‌का माको। कालाउ केलाइ ताइकोङ मि होइ वाको बाराका प्रताप तिङन्‍हाहि।

२ पत्‍रुस 3:4

“हाइ ख्रिस्‍ट ल्‍वाङका दोअ्‌तेङ कबोल पाका माको कुनु? केलाइको आबा खालगेलाइ सितेङ हानेलि दोहोइ, कालाउ बुङ दुनिया सिरजाइसो चलितेङ लोका भाइपाङ एला बुङ हिदोङहि।”

१ युहन्‍ना 2:28

काङको दायाका जामालाइ, वाता हितेङहिसु, कोलाउ वा देखाल पिलाउ केलाइ हिमत निनाङ रो वा लोका इङको दिना वाको आगाता केलाइ लेदेरलि मागोयाको।