1 थेस्लोनिकि 2:16 - धिमाल

¹⁶ बोजात्‍यागेलाइको छुटकारा ज्‍याको दोअ्‌तेङ एम्‍बालाइदोफा धुइलि केलाइहेङ खिचोला पिहि। एसापा एम्‍बालाइ झन झन हेन्‍जाङ कुकरम पाकाताङ हानेहि। कालाउ आखिरता परमेस्‍वरको चेर एम्‍बालाइर्‍हुता परेका हि।

Dhimal NT

¹⁶ इम्बालाइ केलाइहेङ गैर-यहुदिगेलाइ दोफा मुक्तिको काथा दोअ्लि मापिहि। एसापा इम्बालाइ पापता पाप रुमभाइतेङ हानिखे जेलाउ थेकापा परमेस्वर इम्बालाइहेङ आम्तिमता दन्ड माप्याङ। कालाउ न्हुसो पाक्का बुङ परमेस्वर इम्बालाइ दोफा चेर तामपाका हि कालाउ दन्ड पिलि लागाइका हि।

1 थेस्लोनिकि 2:16 Iomraidhean Croise

मत्‍ति 12:45

कालाउ इङको हानिखे रो ताइमिखान्‍तेङ हेन्‍जा आसाति बो न्‍हिअ् लोङ मासानआत्‍मा ताइमिदोफा चुमाखे रो लिअ्‌ता दुल्‍तेङ एम्‍बालाइ इन्‍ता बासा हिखे। कालाउ इङको द्‍याङको न्‍हुअ् दासा लाम्‍फाखान्‍तेङ मारेम्‍का जेङखे। इदोइ आसाति खालको द्‍याङगेलाइहेङ बुङ इन्‍सिकाङ ज्‍यावा।”

मत्‍ति 23:32

एला नेलाइको आजुखालगेलाइ थालेका कुकरमको काम पोङघा पासु।

मत्‍ति 24:14

कालाउ सादेलको सारभिको इदोइ रेम्‍काबानाल दुनियाको गोताङ जात्‍यागेलाइता दासिको भाअ्‌सिङ हिम्‍पावा। इङकोन्‍हुअ्‌सो दोकादिना ल्‍वावा।

मत्‍ति 24:6

नेलाइ धुमगेलाइ जेङका रो धुमजेङका काथागेलाइ हिङस्‍वाना। माथिसु, इदोइ जेङलि दोङ गोयाङ, कालाउ बुङ दोकादिना ते इङको दोङ पहर माज्‍याङ।

मत्‍ति 3:12

वाको पाचिका राअ् वाकोङ खुरता हि। वा ताइको खाइर्‍हामहेङ थाइथाइ पावा रो ताइको आनाज भाकारता जोम पावा। कालाउ बुङ पितानाचाहिँ हेअ्‌लाउ मासिका मेता ओअ्‌पावा।”

मर्कुस 16:16

खान्‍धुर पाका रो चिभुअ्‌लि र्‍हुका बानच्‍यावा, कालाउ बुङ खान्‍धुर मापाका दोसि ज्‍यावा।

साल्न्हाका चात्या 13:45

हेन्‍जा द्‍याङगेलाइ जोम्‍का तिङतेङ यहुदिगेलाइ चेर ताम्‍पाहि रो पावलको दोअ्‌का काथा पोपितेङ वाको बादनामि पाहि।

साल्न्हाका चात्या 13:50

कुलाउ पावल रो बारनाबासको खिलाप यहुदिगेलाइ परमेस्‍वरहेङ मानेका, मिङचलेका बेबालाइ रो पुरको मुलमुल द्‍याङगेलाइहेङ उल्‍काइतेङ ओबालाइहेङ ताइको साधसिमानासो बाहार गिल्‍गिल्‍हि।

साल्न्हाका चात्या 14:19

कुलाउ पिसिदिया माउजाको एन्‍टिओखिया रो आइकोनियनसो आधे यहुदिगेलाइ इन्‍ता लोहि। एम्‍बालाइ द्‍याङको चेअ्‌सुहेङ उल्‍काइतेङ पावलहेङ उन्‍ठुइ तोहि रो सिहोइ वाला दोअ्‌तेङ वासेहेङ हेरपुतेङ पुरसो बाहार थालगिल्‍हि।

साल्न्हाका चात्या 14:2

कुलाउ खान्‍धुर मापाका यहुदिगेलाइ चाहिँ बोजात्‍यागेलाइहेङ तोल्‍हेतेङ दादाओनेगेलाइको खिलाप ओबालाइको मन खाका बान्‍हाइपिहि।

साल्न्हाका चात्या 14:5

बोजात्‍याक रो यहुदिगेलाइ ओबालाइको हाकिमगेलाइदोफा मिलितेङ पावल रो बारनाबासहेङ सान्‍ताइका रो उन्‍ठुइ तोलि चेस्‍टा पाहि।

साल्न्हाका चात्या 17:13

कुलाउ जेलाउ परमेस्‍वरको वचन पावलसो बेरियाता बुङ पारचार जेङदोङखे दोअ्‍का थेसलोनिकेको यहुदिगेलाइ गेहि, कोलाउ ओबालाइ इन्‍ता बुङ जोम्‍का द्‍याङगेलाइहेङ तोल्‍हेलि रो उकलाइलि थुकालिलोहि।

साल्न्हाका चात्या 19:9

कुलाउ हेअ्‌मि मन थाङपातेङ प्रभुता खान्‍धुर मापाहि। उल्‍टाङ एम्‍बालाइ प्रभुको पिका मुक्‍तिको दामाहेङ झाराङको आगाता हेला पाहि। कोलाउ पावल कचहरिसाअ् लाअ्‌तेङ खान्‍धुरगेलाइहेङ दोसाङ चुम्‍पुतेङ टुरान्‍नसको स्‍कुलता बहस पालि तेङहि।

साल्न्हाका चात्या 21:21

एला ‘मोसाको नियम मानेलिमागोयाङ कालाउ जामालाइको खतना पालि मागोयाङ रो यहुदि चलनता चलिलिमागोयाङ’ दोअ्‌तेङ बोजात्‍याको मुलुकता हिका गोताङ यहुदिगेलाइहेङ ना धिरपादोङखेना दोअ्‌का काथा ओबालाइ हिङका हि।

साल्न्हाका चात्या 23:12

जुम्‍निदिना र्‍हिमाङ यहुदिगेलाइ जोम्‍तेङ पावलहेङ सेअ्‌लि मतो पाहि कालाउ एम्‍बालाइ एसा दोअ्‌तेङ केरा चाहि, “पावलहेङ मासेअ्‌पाधाउ केलाइ हाइ दोङ माचाङ रो चि बुङ माआमाङ।”

साल्न्हाका चात्या 24:9

बो यहुदिगेलाइ बुङ इदोइ काथागेलाइ जातिङको दोअ्‌तेङ दासि पिहि।

साल्न्हाका चात्या 25:2

इन्‍ता हिलाउ मुल धामिगेलाइ रो यहुदिगेलाइको मुल द्‍याङगेलाइ पावलको खिलापता अभियोग लागाइहि

साल्न्हाका चात्या 25:7

जेलाउ पावल थुकालि लोहि कालाउ यरुसलेमसो लोका यहुदिगेलाइ वासेहेङ चारबितिङसो गोर्‍हाइतेङ मारेम्‍फाङ फतुर लागाइहि। कुलाउ एम्‍बालाइ हिदि बुङ फतुर लागाइकालाइको दासि पिलि मादोहि।

साल्न्हाका चात्या 4:12

“बो हासुङता मुक्‍ति मान्‍थु, हाइपानु केलाइ मुक्‍ति निङलि सादेललेता द्‍याङगेलाइता भेनेङ हिदिङ मिङ पिका मान्‍थु।”

साल्न्हाका चात्या 9:23

कालाउ हेन्‍जाङ दिनान्‍हुअ्‌सो यहुदिगेलाइ वासेहेङ सेअ्‌लि जाल पालि तेङहि।

1 कोरिन्थि 10:33

नेलाइ बुङ का पाका भाइपाङ पासु, हाइपानु का ताइमिङ लेङचाका काथा माभोखा। कालाउ का झाराङ छुटकारा निनाको दोअ्‌तेङ झाराङको भालाइ जेङका काथा भोखा।

गलाति 5:11

दादाओने बाइओनेगेलाइ, का एला बुङ खाताना पालिगोयाङ दोअ्‌तेङ पारचार पादोङखा पानु, हाइपालि यहुदिगेलाइ कासिहेङ आरोङ सान्‍ताइका पादोङखे कुनु? का द्‌याङगेलाइहेङ खाताना पालि गोयाङ दोअ्‌तेङ पारचार पाघा पानु ख्रिस्‍ट कुरुसता सिका काथाहोइ हासुको बुङ मन मातु:कावा।

1 थेस्लोनिकि 1:10

कालाउ नेलाइ सादेलसो लोका परमेस्‍वरको चानको दामा खान्‍तेङ हिसुन्‍हा आङ दोअ्‌तेङ एम्‍बालाइ दोअ्‌हि। परमेस्‍वर ताइको चान इसुहेङ सिकासो सिन्‍हुपाहि रो वा दोङ केलाइहेङ परमेस्‍वरको लोलि तोम्‍का चेरसो सिन्‍हुपावा।

2 थेस्लोनिकि 2:10

इङको मुअ्‌कालाइ झोको झाराङहेङ इङकोको आसाति कामहोइ आवाइपावा, हाइपानु एम्‍बालाइ छुटकारा पिका सतहेङ मोन्‍दा माताहि।

1तिमोथि 2:4

कालाउ झाराङ द्‍याङगेलाइ सिन्‍हुताको रो सतहेङ रेम्‍फा नालाको दोअ्‌का दोङ वाको लाल्‍सा हि।