1 थेस्लोनिकि 2:13 - धिमाल

¹³ केलाइ परमेस्‍वरहेङ दिनाङ च्‍याबास चार्‍हाइन्‍हाखे। हाइदोनु नेलाइ केलाइसो हिङका परमेस्‍वरको कथन द्‍याङगेलाइको काथा भाइपा माको, कालाउ परमेस्‍वरको कथन दोङ दोअ्‌तेङ र्‍हुसुन्‍हा। जातिङको दोङ इदोइ परमेस्‍वरको कथन रो इदोइ कथन दोङ खान्‍धुर पाकालाइता काम पातेङ हि।

Dhimal NT

¹³ ओदोङ भाअ्सिङ केलाइ बुङ परमेस्वरहेङ धन्यबाद पिनाखे, कि नेलाइ केलाइसो हिङका बचन जातिङकोङ परमेस्वरसो लोका बचन दोङ हि, इङको नेलाइ द्‍याङगेलाइसो लोका बचन भाइका माको, कालाउ परमेस्वरसो लोका बचन कोनिङ ग्रहन पासुन्हा, कालाउ इङको परमेस्वरको बचन एला नेलाइ ख्रिस्टता खाङधुरि पाकालाइता काम पातेङ हि।

1 थेस्लोनिकि 2:13 Iomraidhean Croise

मत्‍ति 10:20

हाइदोनु धुइका नेलाइ ताइमिङ माजेङस्‍वाना, कालाउ बुङ नेलाइको परमेस्‍वर आबाको हाङसा नेलाइसो धुयावा।

मत्‍ति 10:40

“नेलाइहेङ मन्‍जुरि पाका कासेहेङ मन्‍जुरि पावा रो कासेहेङ मन्‍जुरिपाका कासेहेङ दिङगिल्‍काहेङ मन्‍जुरि पावा।

लुका 11:28

इदोइ हिङतेङ इसु दोअ्‌हि, “इन्‍सिका माको भुरुङ परमेस्‍वरको बिद्‌या हिङतेङ मानेकालाइ हेथे आसिस निङका जेनावा।”

लुका 5:1

एनि इसु गनेसरेत दोअ्‌का चावान्‍दिको काम्‍बेता जाअ्‌तेङ हिघाहि। हेङसाङ द्‌याङगेलाइ परमेस्‍वरको कथन हिङलि गुल्‍सुमुल्‍सुपा लोहि।

लुका 8:11

इसु आरोङ दोअ्‌हि, “इदोइ काथाको माने चालाइ दोअ्‌का परमेस्‍वरको कथन एइ।

लुका 8:21

इसु एम्‍बालाइहेङ दोअ्‌हि, “परमेस्‍वरको काथा हिङका रो मानेकालाइ दोङ काङको आमाइ रो काङको ओनेगेलाइ।”

युहन्‍ना 15:3

का नेलाइहेङ दोअ्‌का कथनहोइ नेलाइ लाम्‍फा दोङ पुनित जेङसुहोइना।

युहन्‍ना 17:17

एम्‍बालाइहेङ सतता पुनित पापि, नाङको कथन सत हि।

युहन्‍ना 17:19

एम्‍बालाइको भाअ्‌सिङ का ताइमिहेङ पुनित पाखा, कोलाउ नेलाइ बुङ सतता पुनित जेङसु।

साल्न्हाका चात्या 10:33

कोलाउ का नाङकोता द्‍याङ दिङगिल्‍घा रो ना दायापातेङ लोन्‍हा। एला प्रभुसो नासेहेङ हुकुम जेङका गोताङ काथागेलाइ हिङलि केलाइ झाराङ परमेस्‍वरको आगाता जोम्‍का हिन्‍हाहि।”

साल्न्हाका चात्या 13:48

जेलाउ बोजात्‍यागेलाइ इदोइ कथन हिङहि, एम्‍बालाइ लेङचातेङ परमेस्‍वरहेङ बाखिन्‍हि रो हेअ्‌लाउ मासिसाका ज्‍यानको भाअ्‌सिङ भरना जेङकालाइ झोको खान्‍धुर पाहि।

साल्न्हाका चात्या 16:14

कालाउ थिआटिरा पुरता हिका, जाङका बेङगाना रङको पाइकार पाका लिडिया मिङ हिका एमि परमेस्‍वरहेङ पुजिका बेबाल केलाइको कथन हिङहि। पावलको धुइका काथा रेम्‍फा हिनाको दोअ्‍तेङ प्रभु वाको कोन्‍धाङ हेपिहि।

साल्न्हाका चात्या 17:11

इताको यहुदिगेलाइ थेसलोनिकेगेलाइखान्‍तेङ हेन्‍जाङ रेम्‍का हिघाखे। हाइदोनु एबालाइ रेम्‍काबानाल मन पितेङ हिङहि रो लेङचातेङ कथन र्‍हुहि। इङको काथागेलाइ मुनासिप इन्‍सिकाङ जेङ ना माको दोअ्‌तेङ एम्‍बालाइ दिनाङ धरमकिताब पर्‍हितेङ जाच पाघाखे।

साल्न्हाका चात्या 17:32

सिकासो द्‍याङ सिन्‍हुखे दोअ्‌का हिङतेङ आधेमि पावलहेङ लेङपिहि। कालाउ आधेमि दोअ्‌हि, “याको बारेता आरोङ भेनेङखेप बुङ केलाइ हिङलि भोन्‍हाखे।”

साल्न्हाका चात्या 2:41

कोलाउ जाइजाइ पत्‍रुसको काथा साअ्‌हि एम्‍बालाइ चिभुअ्‌लि र्‍हुहि। इङकोङ दिना चिभुअ्‌लि र्‍हुकालाइ सुमहाजार झोको थपिन्‍हाहि।

साल्न्हाका चात्या 8:14

सामरियाको द्‍याङगेलाइ परमेस्‍वरको कथन र्‍हुहि दोअ्‌का हिङतेङ यरुसलेमता हिका साल्‍तेङ दिङगिल्‍कालाइ पत्‍रुस रो युहन्‍नाहेङ एम्‍बालाइकोता दिङगिल्‍हि।

गलाति 4:14

इङको पहर काङको मासाअ्‌धेकासो नेलाइहेङ मासुकाका जेङलाउ बुङ कासेहेङ दिगमिग पातेङ इन्‍कार मापासुन्‍हा। कालाउ सादेलचर रो इसु ख्रिस्‍टहेङ भाइपा कासेहेङ बुङ स्‍वागत पासुन्‍हा।

कलस्सि 1:6

कालाउ गोताङ दुनियाता इङको रेम्‍का बानाल लोका हि रो इङको रेम्‍काबानालता खान्‍धुर पातेङ द्‌याङगेलाइको आनिबानि रेम्‍का जेङदोङखे। कालाउ परमेस्‍वरको निगाहासो इङको सत काथा हिङका रो बुझिका दिनासो रेम्‍काबानाल नेलाइको ज्‍यानता रेम्‍का काम जेङदोङखे।

याकुब 1:18

केलाइ सिरजाइको लाङ सेकागेलाइभाइपाङ जेङलि द्‌वाको दोअ्‌तेङ वा ताइकोङ लाल्‍सासो सत कथनहोइ केलाइहेङ नावा पातेङ सिरजाइका हि।

1पतरुस 1:23

परमेस्‍वरको सिन्‍हुका रो दिनाङ हितेङहिका कथनसो नेलाइ नावा जेङतेङ जोल्‍मिका हिसुन्‍हा। नेलाइ मुअ्‌का आबाको चानचामिन्‍दिगेलाइ माको, कालाउ मामुअ्‌का आबाको चानचामिन्‍दिगेलाइ जेङका हिसुन्‍हा।

1पतरुस 1:25

कालाउ प्रभुको कथन जेलाउ बुङ हिखे।” कालाउ नेलाइहेङ पारचार पान्‍हाका रेम्‍काबानालको कथन इदोङ एइ।

1पतरुस 2:2

एलाङ खिनिङ जोन्‍मिका जामाल म्‍हितुतेङ आमाइको दुदु आम्‍लि भोकाभाइपाङ नेलाइ बुङ परमेस्‍वरको सत कथनहेङ आम्‍लि भोसु रो इन्‍तासो ताइको छुटकाराता आगा लाङतेङ हानेलि दोस्‍वाना।

२ पत्‍रुस 3:2

लाङफोरतिको पहरता पुनित आगाधुइकालाइ दोअ्‌का काथा रो नेलाइको प्रेरितगेलाइसो पिका प्रभु रो छुटकारा पिकाको हुकुमहेङ नेलाइ फोम पासु।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।