1 थेस्लोनिकि 2:12 - धिमाल

¹² केलाइ नेलाइहेङ आर्ति पिन्‍हाहि, बल पिन्‍हाहि रो बिम्‍ति पान्‍हाहि। एन्‍साङ नेलाइको ज्‍यान परमेस्‍वरहेङ मोन्‍दाताका ज्‍याको। हाइपानु वा नेलाइहेङ परमेस्‍वरको सारभि रो प्रतापता काइका हि।

Dhimal NT

¹² केलाइ नेलाइहेङ हाउसाइ कालाउ सान्तावाना पिन्हाहि कालाउ बिन्ति पानाहि कि परमेस्वरहेङ मन परिका जिबन जियाइसु, जाइ नेलाइहेङ ताइको सासन कालाउ महिमाता काइयावा।

1 थेस्लोनिकि 2:12 Iomraidhean Croise

1 कोरिन्थि 1:9

परमेस्‍वर इदोइ काथा पावा, हाइदोनु वा खान्‍धुरलाएक हि। वा दोङ ताइको चान केलाइको प्रभु इसु ख्रिस्‍टदोफा मिलापता हिलि नेलाइहेङ काइहि।

गलाति 5:16

इङकोखातिर का नेलाइहेङ दोअ्‌खा, पुनित हाङसाको आधिनता हिगिल्‍सु रो कुकरमि लाल्‍सा मापोङघा पासु।

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

कलस्सि 1:10

एन्‍सा पासुन्‍हा पानु नेलाइ प्रभुहेङ मोन्‍दाताका काम पातेङ दिनाङ वासेहेङ लेङचा पालि दोस्‍वाना। कालाउ गोताङ काम रेम्‍का पातेङ नेलाइको आनिबानि रेम्‍का जेनावा रो नेलाइ परमेस्‍वरकोङ आकिलता बार्‍हेतेङ हानेस्‍वाना।

कलस्सि 2:6

इदोइखातिर नेलाइ ख्रिस्‍ट इसुहेङ प्रभु दोअ्‌तेङ मानेका हिसुन्‍हा ‍एन्‍साङ पातेङ नेलाइ वाता थिर जेङतेङ हिसु।

1 थेस्लोनिकि 4:1

आखिरता दादाओने बाइओनेगेलाइ, नेलाइ केलाइसो परमेस्‍वरहेङ मोन्‍दाताका आनिबानि धिर्का हिसुन्‍हा। जातिङकोङ नेलाइको आनिबानि परमेस्‍वरहेङ मोन्‍दाताकावा। इङको आनिबानिता झनझन रेम्‍का जेङतेङ हानेसु दोअ्‌तेङ प्रभु इसुको मिङता बिम्‍ति पान्‍हाखे।

1 थेस्लोनिकि 4:12

एसा पासुन्‍हा पानु नेलाइहेङ बोजात्‍यागेलाइ बुङ मान पावा रो नेलाइहेङ हार्जा जेङलाउ बोमिदोफा भर परेलि मागोयावा।

1 थेस्लोनिकि 5:24

नेलाइहेङ काइका परमेस्‍वर खान्‍धुरलायक हि। वा दोङ नेलाइहेङ इदोइ गोताङ काथा पोङघा पाप्‍यावा।

2 थेस्लोनिकि 1:10

इदोइ काथा प्रभु इसु लोका दिनाता ज्‍यावा। इङको दिना परमेस्‍वर ताइको पुनित जनगेलाइसो मान निनावा। नेलाइ बुङ एम्‍बालाइदोफा हिस्‍वाना, हाइदोनु नेलाइ केलाइको पारचार पाका रेम्‍काबानालहेङ खान्‍धुर पासुन्‍हा।

2 तिमोथि 1:9

परमेस्‍वर दोङ केलाइहेङ सिन्‍हुपातेङ ताइकोङ द्‍याङ जेङलि काइहि। केलाइको पाका कामहोइ माको, कालाउ वाको ताइकोङ बिचार रो निगाहाहोइ केलाइहेङ ताइको बान्‍हाइलि काइहि। सिरजाइ खान्‍तेङ लाम्‍फा दोङ केलाइहेङ ख्रिस्‍ट इसु इदोइ निगाहा पिका।

1पतरुस 2:9

कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।

1पतरुस 3:9

एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

१ युहन्‍ना 2:6

जाइ परमेस्‍वर दोफा हिघा दोअ्‌खे वा ख्रिस्‍टकोङ डेगआन्‍सार चलेलिगोइखे।

३ युहन्‍ना 1:6

इदोइ दादाओने बाइओनेगेलाइ नाङको मायाको बारेता मन्‍डलिहेङ दोअ्‌हि। दायातेङ एम्‍बालाइहेङ हिगिल्‍काता साघाइ। एम्‍बालाइहेङ रेम्‍फा साघाइन्‍हा पानु परमेस्‍वर लेङचावा।