1 थेस्लोनिकि 1:3 - धिमाल

³ केलाइको परमेस्‍वर आबाको आगाता नेलाइको खान्‍धुरसो पाका काम रो मायाहोइ पाका मिनेत कालाउ केलाइको प्रभु इसु ख्रिस्‍टता ताअ्‌का आसता तु: साहेका केलाइ दिनाङ फोमपातेङ हिन्‍हाखे।

Dhimal NT

³ जेलाउ केलाइ आबा परमेस्वर दोफा प्रार्थाना पानाखे, केलाइ प्रभु येसु ख्रिस्ट नेलाइको खाङधुरिसो पाका काम, नेलाइ खान्धुराइगेलाइहेङ पाका प्रेम कालाउ साघाइ कालाउ नेलाइको थाङका परिस्रोम, कालाउ नेलाइ प्रभु येसु ख्रिस्ट आरोङ ल्वाङ दोअ्का आसता धर्य पातेङ लागातार फोम पानाखे।

1 थेस्लोनिकि 1:3 Iomraidhean Croise

युहन्‍ना 14:15

“नेलाइ कासेहेङ इन्‍ताना पासुन्‍हा पानु काङको हुकुमगेलाइ साअ्‌स्‍वाना।

युहन्‍ना 15:10

एदि काङको हुकुमगेलाइ साअ्‌सुन्‍हा पानु नेलाइ काङको इन्‍तानाता हिस्‍वाना। जेसापा का काङको आबाको हुकुमगेलाइ साअ्का हिघा रो वाको इन्‍तानाता ह्‍याङका।

साल्न्हाका चात्या 10:31

रो दोअ्‌हि ‘कर्नेलियस, परमेस्‍वरको आगाता नाङको पुकारको हिङन्‍हाका हि रो नाङको मान्‍थुकालाइहेङ पिकाको फोम जेङका हि।

साल्न्हाका चात्या 3:19

इदोइखातिर ताताइको कुकरम मानेसु रो परमेस्‍वरकोता घुरिसु रो नेलाइको कुकरम माअ्‌ताको। एसापा परमप्रभुसो आत्‍माता सुबिस्‍ता सरबङ निङस्‍वाना।

1 कोरिन्थि 13:13

एला खान्‍धुर, आस रो माया जेलाउ बुङ ह्‍यावा। कालाउ इदोइ सुमलोङता झाराङखान्‍तेङ बाराका माया दोङ एइ।

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

गलाति 1:4

केलाइको परमेस्‍वर आबाको लाल्‍साआन्‍सार इदोइ एलाको दुरजन दुनियासो केलाइहेङ छुटकारा पिलि प्रभु इसु ख्रिस्‍ट ताइमिङहेङ केलाइको कुकरमको भाअ्‌सिङ ताइको ज्‍यान भोक पिहि।

गलाति 5:13

दादाओने बाइओनेगेलाइ, नेलाइहेङ ते परमेस्‍वर यहुदि चालचलनसो फुका जेङलिको भाअ्‌सिङ साल्‍का एइ। कालाउ इङको फुकाहेङ कुकरमि आनिबानिको भाअ्‌सिङ माचालाइसु। भुरुङ नेलाइ एमि भेनेङहेङ माया पातेङ साघाइसु।

गलाति 5:6

हाइदोनु खाताना पालाउ बुङ मापालाउ बुङ ख्रिस्‍ट इसुता हाइदोङ फारा माजेङखे। कालाउ मुल काथा ते केलाइको खान्‍धुरको खातिर बोमिगेलाइहेङ माया पान्‍हाखे।

गलाति 6:9

केलाइ झाराङ भालाइको काम पालि हेअ्‌लाउ मालाअ्‌ताइने। हाइदोनु इदोइताङ लागितेङहिन्‍हाहि पानु परमेस्‍वरको पहरता केलाइ इनाम निनाङ।

1 थेस्लोनिकि 3:6

कालाउ एला तिमोथि एलाङखिनिङ नेलाइहेङ दुसुतेङ थुकालि लोकाहि। नेलाइता आरोङ बुङ माया रो खान्‍धुर हि दोअ्‌तेङ वा रेम्‍काबानाल चुमाहि। केलाइ भाइपाङ नेलाइ बुङ केलाइहेङ दुसुका बाराका लाल्‍सा ताअ्‌तेङ फोमपातेङ हिघासुन्‍हा।

2 थेस्लोनिकि 1:11

इदोइभाअ्‌सिङ केलाइ नेलाइ झाराङको भाअ्‌सिङ दिनाङ पुकार बुङ पान्‍हाखे। केलाइको परमेस्‍वर नेलाइहेङ वाको काइकाको लाएक बान्‍हायाको, गोताङ रेम्‍का धेय रो खान्‍धुरको कामहेङ वाको सरबङसो पोङघा पालि साहेता पाको।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

1तिमोथि 1:14

केलाइको प्रभुको निगाहा का हेन्‍जाङ निङका हिघा। ख्रिस्‍ट इसुता निङका खान्‍धुरि रो दाया प्रभु दोङ कासेहेङ पिहि।

1तिमोथि 2:3

एसा पालि रेम्‍का काथा रो केलाइहेङ छुटकारा पिका परमेस्‍वर बुङ इदोङ मोन्‍दाताखे।

1पतरुस 3:4

कालाउ नेलाइको रेम्‍काचाहिँ मन लिअ्‌ताङ ह्‍याको, जेदोङ हेअ्‌लाउ बुङ माचुअ्‌का, नोइका रो सिपापा हाङसाको रेम्‍का एइ। कालाउ इङको चाहिँ परमेस्‍वरको आगाता हेन्‍जाङ मोलको हि।

१ युहन्‍ना 3:18

काङको दायाका जामालाइ, केलाइ कथन रो नुइहोइ खिनिङ माया मापाइने। कालाउ काम रो सतहोइ माया पाइने।

१ युहन्‍ना 3:21

दायाकालाइ, केलाइको कोन्‍धाङ केलाइहेङ कसुर मापिखे पानु केलाइ ताइमिहेङ परमेस्‍वरको आगा हानेलि हिमत लोखे।

१ युहन्‍ना 3:3

ख्रिस्‍ट पुनित हि रो वार्‍हुता आस ताअ्‌का झाराङ ताइमिहेङ पुनित ताअ्‌ताको।

१ युहन्‍ना 5:3

हाइदोनु परमेस्‍वरको हुकुम साअ्‌लि दोङ वासेहेङ माया पालि एइ। कालाउ परमेस्‍वरको हुकुमगेलाइ साअ्‌लि केलाइको भाअ्‌सिङ हेन्‍जा मुसकिल मान्‍थु।