1पतरुस 5:6 - धिमाल

⁶ इदोइखातिर सरबङहिका परमेस्‍वरको आधिनता हितेङ नोइका जेङसु। कालाउ वा नेलाइहेङ उचित पहरता तोल्‍ह्‍यावा।

Dhimal NT

⁶ ओदोङ भाअ्सिङ परमेस्वरको आगाता मोनोइ जेङसु, जाइ सरबुङसाइका हि, कालाउकि वा चुनिका दिनाता नेलाइहेङ झाउका थामेता ह्रुता तोल्ह्यावाको।

1पतरुस 5:6 Iomraidhean Croise

मत्‍ति 23:12

जाइ ताइमिहेङ बारापावा, इङको झाराङखान्‍तेङ म्‍हुयावा रो जाइ ताइमिहेङ म्‍हुइपावा इङको झाराङखान्‍तेङ बारावा।

लुका 1:52

वा तुजुक राजागेलाइहेङ गादिसो हुल्‍पाका हि, कुलाउ नोइकालाइहेङ वा र्‍हुता तोल्‍हेका हि।

लुका 14:11

हाइदोनु जाइ ताइमिङ बारालि भोकालाइ झाराङ म्‍हुयावा रो जाइ ताइमिहेङ म्‍हुइपाकालाइचाहिँ झाराङ खान्‍तेङ बारा जेनावा।”

लुका 18:14

कालाउ इसु काथा दोपातेङ दोअ्‌हि, “का नेलाइहेङ दोअ्‌ताङका, इदोइ फरिसि खान्‍तेङ बुङ लेबि द्‌याङ परमेस्‍वरको नजरता धरम जेङतेङ ताइको साअ् घुरिहि। हाइदोनु जाइ ताइमिङहेङ बारा पालि खाङखे वा झाराङ खान्‍तेङ म्‍हुयावा। कालाउ जाइ ताइमिहेङ म्‍हुइ पालि खाङखे वा झाराङ खान्‍तेङ बारावा।”

1 कोरिन्थि 10:22

हाइ नेलाइ इङको इस्राएलको द्‌याङगेलाइभाइपाङ प्रभुहेङ चेरताम्‍पा पिसुखेना? हाइ नेलाइ वाको दार सहेलि द्‍वाङ दोअ्‌तेङ बिचार पासुखेना?

1तिमोथि 2:6

झाराङ द्‍याङगेलाइहेङ सिन्‍हुपालि वा भोक जेङहि। परमेस्‍वर झाराङ द्‌याङ सिन्‍हुका लाल्‍सापाखे दोअ्‌का काथाको दासि इदोइ दोङ।

तितस 1:3

कालाउ उचित पहरता दोङ वा इदोइ रेम्‍काबानाल देखाल पाहि। इदोङ रेम्‍काबानाल हिङपाका जिमा केलाइहेङ छुटकारा पिका परमेस्‍वरको हुकुम आन्‍सार कासेहेङ पिहि।

याकुब 4:10

कालाउ नेलाइ प्रभुको आगाता नोइका जेङसुन्‍हा पानु वा नेलाइहेङ तोल्‍हायावा।

याकुब 4:7

इदोइखातिर ताइमिहेङ परमेस्‍वरको आधिनता ताअ्‌सु। दियाबलसको खिलाप पासु रो इङको नेलाइसो खाअ्‌तावा।

याकुब 5:10

दादाओने बाइओनेगेलाइ, प्रभुको मिङता धिरपाका आगाधुइकालाइहेङ फोमपासु। एम्‍बालाइ हेथे तु: सहितेङ झाराङको भाअ्‌सिङ नामुना जेङका हि।