1पतरुस 5:10 - धिमाल

¹⁰ हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

Dhimal NT

¹⁰ परमेस्वर, जाइ पुर्न रुपता आनुग्रहकारि हि केलाइको ख्रिस्ट येसु दोफाको सम्बन्धको कारन ताइको आनान्त महिमाता केलाइहेङ हकदार जेङलि काइका हि। नेलाइ कोम्हा सोमोइ थेकापा कस्ट भोगितेङ परमेस्वर नेलाइहेङ आसल बानाइयाङ कालाउकि नेलाइता हिदोइ बुङ गल्ति माज्याको कालाउ वा नेलाइको ह्रदयहेङ बल्लियाका बानाइयाङ कालाउ इस्थिर जेङलिको भाअ्सिङ वाकोता खाङधुरि पाका बानाइयाङ।

1पतरुस 5:10 Iomraidhean Croise

लुका 22:32

कालाउ नाङको खान्‍धुर मारामाको दोअ्‌तेङ का पुकार पाका हिघा। आरोङ काङकोता घुरिकान्‍हुअ्‌सो ना ताइको दादाओनेगेलाइहेङ बुङ खान्‍धुरता बोल्‍याका जेङलि साघाइ।”

1 कोरिन्थि 1:10

दादाओने बाइओनेगेलाइ, केलाइको प्रभु इसु ख्रिस्‍टको मिङता का नेलाइहेङ दोअ्‌खा नेलाइ झाराङ मिलितेङ हिसु रो नेलाइको माझाता खेङन्‍हाका काथा माज्‍याको। कालाउ नेलाइ एलोङदोङ मन रो एलोङदोङ बिचारको जेङसु।

1 कोरिन्थि 1:9

परमेस्‍वर इदोइ काथा पावा, हाइदोनु वा खान्‍धुरलाएक हि। वा दोङ ताइको चान केलाइको प्रभु इसु ख्रिस्‍टदोफा मिलापता हिलि नेलाइहेङ काइहि।

फिलिप्पि 4:13

ख्रिस्‍टको पिका सरबङहोइ दोङ इदोइ गोताङ काथा पालि द्‌वाङका।

कलस्सि 2:7

जेसापा सिङ भोनोता जारि जोतेङ बोल्‍याका जेङखे, नेलाइ बुङ खान्‍धुरता बोल्‍याका जेङतेङ हानेसु। कालाउ नेलाइहेङ धिरपाका आन्‍सार खान्‍धुरता बोल्‍याका जेङसु रो परमेस्‍वरहेङ दिनाङ च्‍याबास चार्‍हाइसु।

1 थेस्लोनिकि 2:12

केलाइ नेलाइहेङ आर्ति पिन्‍हाहि, बल पिन्‍हाहि रो बिम्‍ति पान्‍हाहि। एन्‍साङ नेलाइको ज्‍यान परमेस्‍वरहेङ मोन्‍दाताका ज्‍याको। हाइपानु वा नेलाइहेङ परमेस्‍वरको सारभि रो प्रतापता काइका हि।

2 थेस्लोनिकि 2:14

याकोङ भाअ्‌सिङ केलाइको हिङपाका रेम्‍काबानालसो परमेस्‍वर नेलाइहेङ काइहि। एन्‍साङ पातेङ नेलाइ केलाइको प्रभु इसु ख्रिस्‍टको प्रताप निङलि दोस्‍वाना।

2 थेस्लोनिकि 2:17

वा दोङ गोताङ रेम्‍का काथागेलाइ पालि रो दोअ्‌लिको भाअ्‌सिङ हाउसा रो सरबङ प्‍याको।

2 थेस्लोनिकि 3:3

कालाउ प्रभु खान्‍धुरलाएक हिनाङसिङ दोङ वा नेलाइहेङ बोल्‍याका बान्‍हायावा, कालाउ दियाबलससो बान्‍चेपावा।

1तिमोथि 6:12

ना खान्‍धुर पाका काथाता रेम्‍फा चले रो असिम ज्‍यानहेङ रिम्‍तेङताअ्, याकोङ भाअ्‌सिङ परमेस्‍वर नासेहेङ काइका हिघाहि। कालाउ ना बुङ हेन्‍जाङ द्‌याङगेलाइको आगाता ताइको खान्‍धुरको दासि पिका हिघान्‍हा।

2 तिमोथि 1:9

परमेस्‍वर दोङ केलाइहेङ सिन्‍हुपातेङ ताइकोङ द्‍याङ जेङलि काइहि। केलाइको पाका कामहोइ माको, कालाउ वाको ताइकोङ बिचार रो निगाहाहोइ केलाइहेङ ताइको बान्‍हाइलि काइहि। सिरजाइ खान्‍तेङ लाम्‍फा दोङ केलाइहेङ ख्रिस्‍ट इसु इदोइ निगाहा पिका।

2 तिमोथि 2:10

इदोइभाअ्‌सिङ परमेस्‍वरको साल्‍का वाको द्‌याङगेलाइको भाअ्‌सिङ ख्रिस्‍ट इसुसो निङका छुटकारा रो हेअ्‌लाउ बुङ माओताका प्रताप निङलि द्‍वाको दोअ्‌तेङ का इदोइ तु: भोगेदोङखा।

1पतरुस 1:15

कालाउ नेलाइहेङ काइका परमेस्‍वर पुनित हिका भाइपाङ नेलाइ बुङ गोताङ काथाता पुनित जेङसु।

1पतरुस 4:10

परमेस्‍वरको निगाहाता झाराङ खाल खाल्‍को बर निङका हि। ताइमिको निङका बरहेङ एमि भेनेङको भालाइको भाअ्‌सिङ चालाइसु।

1पतरुस 4:11

एदि हासुङ धुइका बर निङकाहि पानु, इङको परमेस्‍वर धुइका भाइपाङ धुयाको। एदि हासुङ चाकर पालि भोखे पानु, इङको परमेस्‍वरको पुनित हाङसाको सरबङसो चाकर पाको। एसापा नेलाइको पाका गोताङ कामगेलाइता इसु ख्रिस्‍टसो परमेस्‍वरको दोङ मिङ झाउका जेङका ह्‍याको। वाता दोङ गोताङ प्रताप रो सरबङ दिनाङ हितेङ ह्‍याको। आमेन।

२ पत्‍रुस 1:3

पुनित ज्‍यान सिन्‍हुलिको भाअ्‌सिङ गोइका गोताङ काथा केलाइ परमेस्‍वरको सरबङसो दोङ निङका हिन्‍हाहि। हाइदोनु ताइको प्रताप रो भालाइसो काइका परमेस्‍वरहेङ केलाइ नाल्‍का हिन्‍हाहि।

१ युहन्‍ना 2:25

वा केलाइहेङ कबोल पाका असिम ज्‍यान इदोङ दोङ एइ।