1पतरुस 4:8 - धिमाल

⁸ झाराङखान्‍तेङ बाराका काथाचाहिँ एमि भेनेङहेङ इन्‍ताना पासु, हाइदोनु इन्‍ताना दोङ हेन्‍जाङ कुकरमगेलाइहेङ थुम्‍खे।

Dhimal NT

⁸ झाराङ खान्तेङ मुलि काथा, एमिसो भेनेङहेङ लिताङसो प्रेम पासु। हाइपालिपानु जेसापा नेलाइ द्‍याङगेलाइहेङ प्रेम पासुन्हा, नेलाइ जेलाउ बुङ इम्बालाइको हिदोइ बुङ पाप पाका काम स्यामा पालि तियार जेङस्वाना।

1पतरुस 4:8 Iomraidhean Croise

1 कोरिन्थि 13:1

का द्‍याङगेलाइ रो सादेलचरगेलाइको राउता धुइलाउ बुङ बोमिहेङ माया मापाखा पानु, का धुइका काथाचाहिँ हाला पाका घालतिन रो झाइँ झाइँ पाका झ्‍याम्‍ता खिनिङ ज्‍याङका।

1 कोरिन्थि 13:4

माया पाका द्‌याङ हेन्‍जाङ काथागेलाइ सहेलि दोखे रो दायाका बुङ हिखे। वा चेर माताङपाखे, तुजुक मापाखे रो बारालि बुङ माभोखे।

कलस्सि 3:14

इदोइ र्‍हुताको गोताङ काथागेलाइ खान्‍तेङ मुल काथाचाहिँ नेलाइ एमि भेनेङहेङ इन्‍ताना पासु। इदोङ दाया माया दोङ केलाइ झाराङहेङ मिलापता चुमाखे।

1 थेस्लोनिकि 3:12

जेसापा केलाइ नेलाइहेङ दाया पान्‍हाखे एन्‍सा दोङ प्रभु नेलाइहेङ एमि भेनेङदोफा रो झाराङ द्‍याङदोफा हेन्‍जाङ दाया पाका बान्‍हायाको।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

1तिमोथि 1:5

केलाइको पिका बिद्‍याको मुल काथा दाया पालि इदोइचाहिँ चोखो मन, रेम्‍का बिचार रो जातिङको खान्‍धुरिसो लोखे।

याकुब 5:12

काङको दादाओने बाइओनेगेलाइ, झाराङ खान्‍तेङ बाराका काथाचाहिँ नेलाइ सादेलको, सुमिङको रो बो हिदिङ काथाता केरा माचासु। नेलाइ “एइ” नु “एइ” दोअ्‌सु “माको” नु “माको” दोअ्‌सु। कालाउ खिनिङ नेलाइ दुसि माजेङस्‍वाना।

याकुब 5:20

इङको ग्‍याको, जाइ एमि कुकरमिहेङ मारेम्‍का दामासो घुरिपातेङ चुमाहि पानु इङकोहेङ सिकासो बान्‍चिपावा रो इङकोको पाका गोताङ कुकरमगेलाइ परमेस्‍वर माफ पाप्‍यावा।

1पतरुस 1:22

एला नेलाइ सतहेङ साअ्‍तेङ ताइको मन चोखाइका हिसुन्‍हा, कालाउ ताइको दादाओने बाइओनेगेलाइहेङ ताइमिहेङ भाइपाङ इन्‍ताना पासु रो एमि भेनेङहेङ कोन्‍धाङसोङ मान पासु।

३ युहन्‍ना 1:2

मोन्‍दाताका सानाइति, का पुकार पाखा, नाङको खान्‍धुरि ज्‍यान रेम्‍फा हिका भाइपाङ गोताङ काथाता नाङको भाला ज्‍याको रो नाङको जिउ बुङ रेम्‍फा ह्‍याको दोअ्‌का का भोखा।