1पतरुस 4:3 - धिमाल

³ लाम्‍फा नेलाइ बोजात्‍याको द्‍याङगेलाइ भाइपाङ मारेम्‍का चालामालाता चले घासुन्‍हा। कालाउ नेलाइ सारा हिघासुन्‍हा, जिउको लाल्‍साआन्‍सार चलेघासुन्‍हा, म्‍हातेङ हिगिल्‍घासुन्‍हा, मोजमाजा पाघासुन्‍हा, गोराको भतेर चालाइघासुन्‍हा रो आखेका दिरगेलाइहेङ पुजिसुघाना।

Dhimal NT

³ लाम्फा नेलाइ खाङधुरि मापाकालाइहेङ मन परिका काम पातेङ हेन्जाङ सोमोइ बार्बाद पासुन्हा। नेलाइको जिबन आनैतिक्ता, लान्सा, भोज, मधपान, मजमज्जा, कालाउ मुर्ति पुजाता बितिहि, जाइहेङ परमेस्वर मन्दा माताखे।

1पतरुस 4:3 Iomraidhean Croise

मर्कुस 7:22

दिअ्‌लि, आसाति, ठगेलि, छाराजेङलि, मिँतुपालि, बादनामि, ल्‍हाउलि रो मुर्ख काम पालि।

साल्न्हाका चात्या 17:30

इदोइभाअ्‍सिङ लाम्‍फा मागेसिङ पाका मारेम्‍का कामहेङ परमेस्‍वर माफ पाहि। कुलाउ एला परमेस्‍वर गोताङ थामेता झाराङ द्‍याङगेलाइहेङ ‘ताताइको कुकरमहेङ मानितेङ लाअ्‌सु’ दोअ्‌का हुकुम पिहि।

1 कोरिन्थि 12:2

नेलाइ दोङ गेसुखेना, प्रभुहेङ खान्‍धुर मापाकाखान्‍तेङ लाम्‍फा नेलाइ हिदिङ ना हिदिङ खाल्‍सो मामाधुइका दिरहेङ पुजितेङ बान्‍दालाइका हिघासुन्‍हा।

1 कोरिन्थि 6:11

नेलाइता हेअ्‌मि ए पहर इसिकाङ हिघासुन्‍हा। कालाउ परमेस्‍वर नेलाइको कुकरम झापिका हि रो पुनित पाका हि। एला प्रभु इसु ख्रिस्‍टको मिङता वाको हाङसासो नेलाइ परमेस्‍वरको आगाता धरमाति जेङका हिसुन्‍हा।

गलाति 5:19

कुकरमिको आनिबानिको कामगेलाइ इदोङ एइ: दुराचार पालि, अपुनित फोम पालि, सारा जेङलि,

गलाति 5:21

दाहा पालि, म्‍हालि, मोजमाजा पालि रो इसिकाङ बो काम पालि। इन्‍सिका काम पाका परमेस्‍वरको सारभिको हाकवाला जेङलि मानिनावा दोअ्‌तेङ का लाम्‍फा बुङ नेलाइहेङ चेतानि पिका हिघाखा रो एला बुङ चेतानि पिदोङखा।

1 थेस्लोनिकि 4:5

परमेस्‍वरहेङ मानाल्‍का द्‌याङगेलाइ पाका भाइपाङ नेलाइ बुङ दुराचार पाका कामता लाल्‍सा ताअ्‌तेङ माहिसु।

तितस 3:3

हाइदोनु केलाइ ताइमिङ बुङ ए पहर निरबुदि, हुकुममासाअ्‌का रो बिगारता वालाका हिघान्‍हाहि। केलाइ मारेम्‍का लाल्‍सासो रो गोताङ खालको भोगबिलासको बान्‍धाइगेलाइ हिघान्‍हाहि। केलाइ ताइको ज्‍यान आसाति रो डाहाता दोपाघान्‍हाखे। केलाइ आनादरि हिघान्‍हाहि रो एभेनेङहेङ आनादर पाघान्‍हाखे।

1पतरुस 1:14

कालाउ नेलाइ परमेस्‍वरको हुकुमसाअ्‌का चानचामिन्‍दि हिनाङसिङ मागेसिङ पाका मारेम्‍का कामगेलाइ एला मापासु।