1पतरुस 4:14 - धिमाल

¹⁴ नेलाइ ख्रिस्‍टता खान्‍धुर पालाउ द्‌याङगेलाइ नेलाइहेङ बादनामि पालाउ लेङचासु। हाइदोनु परमेस्‍वरको प्रतापि हाङसा नेलाइदोफा हिखे।

Dhimal NT

¹⁴ जेसापा ख्रिस्टको मिङता नेलाइ निन्दित जेङसुन्हा पानु नेलाइ धन्यको हिसुना। हाइपालिपानु महिमित परमेस्वरको आत्मा नेलाइ दोफा बासा हिका हि।

1पतरुस 4:14 Iomraidhean Croise

मत्‍ति 5:11

“सहसाम्‍पा निङका नेलाइ, जेलाउ द्‍याङगेलाइ काङको भाअ्‌सिङ नेलाइहेङ निन्‍दा पावा, सान्‍तायावा रो ढाटाइतेङ नेलाइको खिलापता गोताङ खालको मारेम्‍का काथा दोअ्‌तावा।

मत्‍ति 5:16

एन्‍सा दोङ गेसाको जोल्‍का भाइपाङ नेलाइको जोल्‍का बुङ द्‍याङगेलाइको आगाता चिल्‍काको रो एम्‍बालाइ नेलाइको रेम्‍का काम तिनाको, कालाउ सादेलता हिका नेलाइको आबाहेङ बाखिनाको।

लुका 6:22

“का द्‌याङको चानर्‍हुता खान्‍धुर पानाङसिङ द्‌याङगेलाइ नेलाइहेङ हेला पानु, समाजसो ओल्‍हेपानु, फतुर लागाइनु रो लेदेरपानु ते नेलाइहेङ परमेस्‍वर आसिस प्‍यावा।

युहन्‍ना 15:21

कुलाउ एम्‍बालाइ इदोइ गोताङ काथा काङको मिङको भाअ्‌सिङ नेलाइहेङ पावा, हाइदोनु एम्‍बालाइ कासेहेङ दिङगिलकाहेङ मानाल्‍खे।

युहन्‍ना 8:48

यहुदि आगुवागेलाइ इसुहेङ दोअ्‌हि, “केलाइको दोअ्‌का मुनासिप एइ, ना सामरि हिना रो नासेहेङ मासान खोअ्‌काहि।”

युहन्‍ना 9:28

एम्‍बालाइ इङकोहेङ चेरतेङ दोअ्‌हि, “ना कि वाको चात्‍या एइ, कुलाउ केलाइ ते मोसाको चात्‍या एइ।

युहन्‍ना 9:34

एम्‍बालाइ इङकोहेङ दोअ्‌हि, “ना कुकरमता जोन्‍मेका हिघान्‍हा, हाइ एला ना केलाइहेङ धिरपालि भोखेना?” कालाउ एम्‍बालाइ इङकोहेङ कचहरिसाअ्‌सो बाहार ओल्‍हेपागिल्‍हि।

साल्न्हाका चात्या 13:45

हेन्‍जा द्‍याङगेलाइ जोम्‍का तिङतेङ यहुदिगेलाइ चेर ताम्‍पाहि रो पावलको दोअ्‌का काथा पोपितेङ वाको बादनामि पाहि।

साल्न्हाका चात्या 18:6

कुलाउ जेलाउ ओबालाइ बिरोध पातेङ पावलको आपजस पालि तेङहि, कोलाउ वा ताइको धाबा थितेङ ओबालाइहेङ दोअ्‌हि, “नेलाइको हिति नेलाइकोङ कापालता पर्‍याको, कासेहेङ बादनामि माल्‍वाको। एला ओसो का पारचार पालि बोजात्‍यागेलाइकोता हानाङका।”

साल्न्हाका चात्या 28:22

कुलाउ केलाइ नाङको ठहरगेलाइ हिङलि भोन्‍हाखे हाइदोनु नाङको मन्‍डलिको खिलापता जेसोको सोङ काथा जेङका चाहिँ केलाइ गेका हिनाहि।”

साल्न्हाका चात्या 5:41

कोलाउ इसुको मिङता दुत्‍कार सहिका जेङन्‍हाहि दोअ्‌का काथाता लेङचातेङ एम्‍बालाइ बाराकचहरिसो ओल्‍हेतेङ हानेहि।

गलाति 1:24

एसापा एम्‍बालाइ का फेरेन्‍हाका खातिर परमेस्‍वरहेङ बाखिन्‍हि।

याकुब 1:12

जाइ तु: पिर सहेलि दोखे इङको द्‌याङ सहसाम्‍पा निङका हिखे। जाइ जाँचता थिर हिखे रो परमेस्‍वरहेङ माया पाखे इङको वा कबोल पाका ज्‍यानको ताज निनावा।

याकुब 5:11

केलाइ सहितेङ हिकालाइहेङ सहसाम्‍पा निङका दोअ्‌न्‍हाखे। नेलाइ अय्‍युबको सहेकाको बारेता हिङकाङ हिसुन्‍हा रो प्रभु हेसापा वासेहेङ दायाहि इङको नेलाइ तिङकाङ हिसुन्‍हा। कालाउ प्रभु हेथे दाया रो मायाहोइ पोङघाका हि।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 3:14

नेलाइहेङ तु: पिका हासुङदोफा माथिसु रो सोक बुङ मापासु। रेम्‍का काम पालाउ तु: भोगेलिगोइलाउ बुङ परमेस्‍वर नेलाइहेङ सहसाम्‍पा प्‍यावा।

1पतरुस 3:16

कालाउ एसापा दोअ्‌पिलाउ नोइतेङ, मान पातेङ दोअ्‌सु रो ताइको मन साफा ताअ्‌सु। एन्‍सा जेङनु नेलाइ ख्रिस्‍टहेङ पिताइलाउ पाका रेम्‍का चालचलनहेङ तिङतेङ नेलाइको खिलापता धुइतेङ बादनाम पाकालाइ ताइमिङ लेदेरावा।

1पतरुस 4:16

कालाउ हासुङ ख्रिस्‍टियान जेङनाङसिङ तु: भोगेखे पानु वा मालेदेराको, भुरुङ इङकोङ मिङता वा परमेस्‍वरहेङ प्रताप प्‍याको।

२ पत्‍रुस 2:2

हेन्‍जाङ द्‌याङगेलाइ एम्‍बालाइको लेदेरपाका मारेम्‍का दामा पितायावा। कालाउ एम्‍बालाइको कामहोइ पातेङ सतको दामाको बुङ बादनामि ज्‍यावा।