1पतरुस 4:11 - धिमाल

¹¹ एदि हासुङ धुइका बर निङकाहि पानु, इङको परमेस्‍वर धुइका भाइपाङ धुयाको। एदि हासुङ चाकर पालि भोखे पानु, इङको परमेस्‍वरको पुनित हाङसाको सरबङसो चाकर पाको। एसापा नेलाइको पाका गोताङ कामगेलाइता इसु ख्रिस्‍टसो परमेस्‍वरको दोङ मिङ झाउका जेङका ह्‍याको। वाता दोङ गोताङ प्रताप रो सरबङ दिनाङ हितेङ ह्‍याको। आमेन।

Dhimal NT

¹¹ उधारनको भाअ्सिङ, जेसापा नेलाइ दोफा प्राचार पाका बरदान हि पानु, नेलाइ परमेस्वरको बचन प्राचार पालि गोइखे। जेसापा नेलाइ दोफा आरु द्‍याङगेलाइहेङ साघाइका बरदान हि पानु, इङकोहेङ परमेस्वर नेलाइहेङ पिका तागतहोइ पासु। कालाउ येसु ख्रिस्ट पाहासो नेलाइहेङ परमेस्वर महिमाता चुमावा। गोताङ महिमा कालाउ सरबुङ जेलाउलाउ बुङ वाको दोङ हि! आमेन।

1पतरुस 4:11 Iomraidhean Croise

मत्‍ति 6:13

केलाइहेङ जाचता फासेपाका काथागेलाइसो दुरे ताअ्, कालाउ बुङ दुरजनसो बान्‍चेपा। [हाइदोनु सारभि, सरबङ रो प्रताप दिनाङको भाअ्‌सिङ नाङकोङ हि, आमेन।]

युहन्‍ना 13:31

जेलाउ यहुदा बाहार हानेहि कोलाउ इसु दोअ्‌हि, “एला का द्‍याङको चान प्रतापि जेङका हिघा रो परमेस्‍वर काता प्रतापि जेङका हि।

साल्न्हाका चात्या 7:38

इदोइ इङकोङ मोसा एइ, जाइ इस्राएलिगेलाइ सिनै आरदाङको उदादाङका थामेता जोम्‍लाउ एम्‍बालाइ दोफाङ हिघाखे। सादेलचर सिनै आरदाङता वाको दोफाङ धुइघाखे रो वा दोङ सादेलचरसो निङका सिन्‍हुका कथन इस्राएलिगेलाइहेङ हिङपाहि।

1 कोरिन्थि 10:31

इदोइखातिर का नेलाइहेङ दोअ्‌खा, नेलाइ चालाउ बुङ, आम्‍लाउ बुङ रो हाइदोङ पालाउ बुङ, गोताङ परमेस्‍वरको बाखिन्‍काको भाअ्‌सिङ पासु।

1 कोरिन्थि 12:4

पुनित हाङसाको बरगेलाइ हेन्‍जाङ खालको हि, कालाउ पुनित हाङसा एलोङदोङ हि।

1 कोरिन्थि 3:10

परमेस्‍वर कासेहेङ पिका निगाहा आन्‍सार साअ् धामलि गेका कारिगर भाइपाङ का साअ्‌को जक योमपाघा रो बोचाहिँ इदोइर्‍हुता साअ्‌ धामतेङ हानावा। कालाउ जाइ साअ्‌ धामदोङखे इङको रेम्‍फा बिचार पातेङ साअ्‌ धामाको।

1 कोरिन्थि 6:20

हाइदोनु परमेस्‍वर नेलाइहेङ दाम पितेङ चोल्‍का। इदोइखातिर नेलाइको जिउहोइ परमेस्‍वरहेङ मान पासु।

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

फिलिप्पि 2:11

कालाउ झाराङ परमेस्‍वर आबाको प्रतापको भाअ्‌सिङ इसु ख्रिस्‍टहेङ प्रभु दोअ्‌तेङ मन्‍जुर पावा।

कलस्सि 4:6

देसे सारहेङ ताका बान्‍हाइका भाइपाङ नेलाइ धुइलाउ तापा धुइसु। एन्‍सा पासुन्‍हा पानु नेलाइ झाराङहेङ रेम्‍फा जावाफ पिलि दोस्‍वाना।

1 थेस्लोनिकि 2:4

परमेस्‍वर केलाइहेङ खान्‍धुर पातेङ दोङ रेम्‍काबानाल हिम्‍पाका जिम्‍मा पिहि। इदोङखातिर केलाइ वाको लाल्‍साता धुइन्‍हाखे। केलाइ द्‍याङगेलाइहेङ माको कालाउ बुङ केलाइको मन जाचेका परमेस्‍वरहेङ लेङचा पालि भोन्‍हाखे।

1तिमोथि 1:17

जुग जुग थिकापा राज पाका राजा, हेअ्‌लाउ मासिका रो तिङलि बुङ मादोका एखिनिङ परमेस्‍वरहेङ दिनाङ मान रो प्रताप हितेङह्‍याको। आमेन।

1तिमोथि 6:16

वा हेअ्‌लाउ मासिका रो हासुङ थुकालि मादोका फाइसालाम्‍काता ह्‍यावा। वासेहेङ हासुङ बुङ एलाथिकापा तिङका मान्‍थु रो तिङलि बुङ माद्‍वावा। दिनाङ दोङ हितेङ हिका सरबङ रो मान वाताङ ह्‍याको। आमेन।

तितस 2:1

ना चाहिँ जातिङको बिद्‌याता हिका काथा धिरपा।

तितस 2:15

ना इदोइ बिद्‌यागेलाइ धिरपा रो खाबारासो एम्‍बालाइहेङ आरति पि कालाउ हाकाराइ। हासुङ बुङ नासेहेङ हेला पालि मानिनाको।

याकुब 1:19

मोन्‍दाताका दादाओने बाइओनेगेलाइ, नेलाइ इदोइ काथा गेतेङ हिसु: मन लागाइतेङ हिङका, हुस पातेङ धुइका रो मारफाङ माचेरताम्‍पाका जेङसु।

याकुब 1:26

एदि हासुङ ताइमि धरमाति हिघा दोअ्‌खे, कालाउ बुङ ताइको देतोङहेङ आधिनता माताअ्‌खे पानु वा ताइमिहेङ छल पाखे कालाउ वाको धरम करम बिथाको जेङखे।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 2:5

नेलाइ बुङ इसु ख्रिस्‍ट भाइपाङ सिन्‍हुका उन्‍थुइ जेङतेङ लोसु रो हाङसाको थान धाम्‍लिको भाअ्‌सिङ ताइमिङहेङ सोमपिसु। इन्‍ता नेलाइ इसु ख्रिस्‍टको सामान्‍दाहोइ पातेङ परमेस्‍वरहेङ मोन्‍दाताका हाङसाको भोक चार्‍हाइका पुनित धामिको काम पास्‍वाना।

1पतरुस 4:10

परमेस्‍वरको निगाहाता झाराङ खाल खाल्‍को बर निङका हि। ताइमिको निङका बरहेङ एमि भेनेङको भालाइको भाअ्‌सिङ चालाइसु।

1पतरुस 4:16

कालाउ हासुङ ख्रिस्‍टियान जेङनाङसिङ तु: भोगेखे पानु वा मालेदेराको, भुरुङ इङकोङ मिङता वा परमेस्‍वरहेङ प्रताप प्‍याको।

1पतरुस 5:11

परमेस्‍वर ताइको सरबङसो दिनादिनाङ राज पातेङ ह्‍याको। आमेन।