1पतरुस 4:10 - धिमाल

¹⁰ परमेस्‍वरको निगाहाता झाराङ खाल खाल्‍को बर निङका हि। ताइमिको निङका बरहेङ एमि भेनेङको भालाइको भाअ्‌सिङ चालाइसु।

Dhimal NT

¹⁰ झाराङ द्‍याङ परमेस्वरसो बरदान निङका हि कालाउ इम्बालाइ इङको बरदान आरुगेलाइहेङ साघाइलि प्रयोग पालि गोइखे। इम्बालाइ ताइको बरदानगेलाइ परमेस्वरको रेम्का बान्धाइतिगेलाइ जेसाङ रेम्फासो प्रयोग पालि गोइखे।

1पतरुस 4:10 Iomraidhean Croise

मत्‍ति 20:28

जेसापा का द्‍याङको चान सेवा निङलि माको, कालाउ बुङ बोमिको सेवा पालि रो हेन्‍जाङहेङ लाअ्‌पाकाको मोल चुकाइतेङ ताइको बायु पिलि लोघा।”

मत्‍ति 24:14

कालाउ सादेलको सारभिको इदोइ रेम्‍काबानाल दुनियाको गोताङ जात्‍यागेलाइता दासिको भाअ्‌सिङ हिम्‍पावा। इङकोन्‍हुअ्‌सो दोकादिना ल्‍वावा।

मत्‍ति 24:21

हाइपानु इङको पहर इसिका बारा आपत जेनावा, जाइ दुनियाको लाङसो एलाथिकापा जेङका मान्‍थु, ना आरोङ हेअ्‌लाउ जेनावा।

मत्‍ति 24:45

“खान्‍धुरि रो आकिलहिका कामत्‍या हासु एइ, जाइहेङ इङकोको गिर्‍हि ताइको जाहानको कामत्‍यालाइहेङ मुनासिपमुनासिप पहरता चालि प्‍याको दोअ्‌तेङ खाटाइका हिखे।

मत्‍ति 25:17

एन्‍सा दोङ न्‍हे टाका निङका बुङ बो न्‍हे टाका काम्‍हाइहि।

मत्‍ति 25:44

“कालाउ एम्‍बालाइ बुङ एसा दोअ्‌तावा, ‘प्रभु, हेअ्‌लाउ केलाइ नासेहेङ म्‍हितुपाङहिका, चि आम्‍लिकिअ्‌का, बोमुलुकको, नाङघाङहिका, मासाअ्‌धेका, थुनाताहिका तिङन्‍हाहि रो वास्‍ताङ मापान्‍हाहि?’

मर्कुस 10:45

हाइपानु का द्‍याङको चान सेवा निङलि माको, कालाउ बुङ सेवा पालि रो हेन्‍जाङहेङ लाअ्‍पालि भाअ्‌सिङ ताइको बायु पिलि लोका एइ।”

लुका 12:42

प्रभु दोअ्‌हि, “आकिलहिका रो कामता साअ्‌लिदोका खाजान्‍चिचाहिँ हिसिका द्‌याङ वाला? गिर्‍हि ताइको साअ्‌को गोताङ कामकाजको जिमा पिकान्‍हुसो वा बो कामत्‍यागेलाइहेङ उचित पहरता चाका इन्‍तिजाम पापिखे।

लुका 19:13

वा हानिका खान्‍तेङ लाम्‍फा ताइको तेमि कामत्‍यागेलाइहेङ काइतेङ झाराङहेङ एलोङ एलोङपा सोनाको टाका पितेङ एम्‍बालाइहेङ दोअ्‌हि, ‘का घुरितेङ मालोपाधाउ इदोइ टाकासो पाइकार पातेङ हेन्‍जा नाफा ल्‍होपासु।’

लुका 8:3

हेरोद राजाको खाजान्‍चि खुजासको बेअ् योअन्‍ना, सुसन्‍ना रो आरोङ बुङ हेन्‍जाङ बेबालाइ हिघाखे। जाइ इसु रो वाको चात्‍यागेलाइहेङ टाका काउरि पितेङ साघाइघाखे।

1 कोरिन्थि 15:10

का जाइ हिघा, ख्रिस्‍टको निगाहासोङ हिका हिघा रो वा कासिहेङ पाका निगाहा बिथाको माजेङहि। का बो साल्‍तेङ दिङगिल्‍कालाइ खान्‍तेङ हेन्‍जा भेम्‍ति ह्‍याअ्‌पाघा। कौलाउबुङ का ताइमिङ माको, कादोफाङ हितेङहिका परमेस्‍वरको निगाहा निङतेङ दोङ इदोइ पाघा।

1 कोरिन्थि 3:10

परमेस्‍वर कासेहेङ पिका निगाहा आन्‍सार साअ् धामलि गेका कारिगर भाइपाङ का साअ्‌को जक योमपाघा रो बोचाहिँ इदोइर्‍हुता साअ्‌ धामतेङ हानावा। कालाउ जाइ साअ्‌ धामदोङखे इङको रेम्‍फा बिचार पातेङ साअ्‌ धामाको।

1 कोरिन्थि 4:7

हासु नेलाइहेङ बोखान्‍तेङ बाराका बान्‍हाइहि? हाइ नेलाइदोफा हिका गोताङ काथा परमेस्‍वर दोङ पिका माको कुनु? कालाउ नेलाइदोफा हिका गोताङ थोक परमेस्‍वरसो निङहि पानु इङकोचाहिँ बर दोङ माको भाइपा पातेङ हाइपालि तुजुक पासुखेना?

2 तिमोथि 1:18

ख्रिस्‍ट लोका दिनाता प्रभुसो इङको निगाहा निङलि द्‍वाको। एफिससता हिलाउ इङको कासेहेङ हेथे काथाता साघाइका हिघाखे इङको बुङ ना गेखेना।

तितस 1:7

हाइदोनु मन्‍डलिको आगुवा परमेस्‍वरको कामको जिमा र्‍हुका हिखे। इदोइभाअ्‌सिङ इङको हिदिङ दुस मान्‍थुका द्‌याङ हिलिगोयाङ। इङको ताइमिङ पाका, मारफाङ चेरताम्‍पाका, म्‍हाका, चेरसुका रो मारेम्‍का काम पातेङ टाका कामाइका हिलिमागोयाङ।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

1पतरुस 5:12

काङको खान्‍धुरि ओने सिलासको मदतसो इदोइ पोतोका चिथि नेलाइहेङ लेखेका हिघा। का इदोइ चिथिता परमेस्‍वरको जातिङको निगाहाको दासि पिलि रो नेलाइको हाउसाला बार्‍हेपापिलि भाअ्‌सिङ लेखेका एइ। कालाउ नेलाइ इदोइ निगाहाता बोल्‍याका जेङलि दोसु।