1पतरुस 3:7 - धिमाल

⁷ केअ्‌गेलाइ, नेलाइ ताइको बेअ्‌गेलाइहेङ मादोका फोमपातेङ मान पासु। हाइपानु एम्‍बालाइ बुङ नेलाइदोफा दोङ परमेस्‍वरको पिका ज्‍यान निनावा। एसापा नेलाइको पाका पुकारता हिदिङ खाल्‍को बाधा माल्‍वाको दोअ्‌तेङ एमि भेनेङदोफा रेम्‍का बेभार पासु।

Dhimal NT

⁷ एसापा दोङ नाअ् के गेलाइ ताइको बे गेलाइदोफा बिचारसिल जेङतेङ ब्यभार पासु। कालाउ नेलाइ इदोइ फोम ताअ्लि गोइखे कि इम्बालाइ नेलाइ खान्तेङ हुइका हि, ओदोङ भाअ्सिङ नेलाइ इम्बालाइको साम्मान पालि गोइखे। हाइपालिपानु नेलाइ न्हेमि दोङ परमेस्वरको आनुग्रह दोफाङ पिका बरदानता साझे होकदार हिसुना, जेदोङ आनान्त जिबन दोङ। एसा पासु कालाउकि जेलाउ नेलाइ वासेहेङ प्रार्थाना पास्वाना परमेस्वर हिङ प्याको।

1पतरुस 3:7 Iomraidhean Croise

मत्‍ति 18:19

आरोङ का नेलाइहेङ दोअ्‌ताङका, सुमिङता नेलाइता न्‍हेमि हिदिङ काथाता मिलितेङ र्‍हेनु, सादेलता हिका काङको परमेस्‍वर आबा नेलाइहेङ प्‍यावा।

1 कोरिन्थि 7:3

कालाउ केअ्‌ ताइ बेअ्‌हेङ ताइको खाबारा प्‍याको। बेबाल बुङ ताइ केअ्‌हेङ खाबारा प्‍याको। कालाउ न्‍हेमिङ एमि भेनेङको हारजा पोङघा पाको।

कलस्सि 3:19

केअ्‌गेलाइ, नेलाइ ताइ बेअ्‌गेलाइहेङ इन्‍ताना पासु रो मासान्‍ताइसु।

1 थेस्लोनिकि 4:4

पुनितता रो मानभाउदोसा ताइको जिउहेङ हेसापा बसता ताअ्‌लि द्‌वाङ इङको नेलाइ झाराङ गेसु।

तितस 3:7

एसापा वाको निगाहाहोइ केलाइ परमेस्‍वरको आगाता उचित ठर्‍हाइन्‍हालि द्‌वाको रो केलाइको आस ताअ्‌का केलाइ असिम ज्‍यानको बुङ हाक्‍वाला जेङलि द्‍वाको।

1पतरुस 3:1

बेअ्‌गेलाइ, नेलाइ ताइको केअ्‌को आधिनता हिसु। एन्‍सा जेङनु परमेस्‍वरको कथनता खान्‍धुर मापाका नेलाइको केअ्‌गेलाइ बुङ ताइको बेअ्‌गेलाइको बेभारसो नेलाइ हाइदोङ मादोअ्‌लाउ बुङ एम्‍बालाइ परमेस्‍वरको कथनता खान्‍धुर पावा।