1पतरुस 3:4 - धिमाल

⁴ कालाउ नेलाइको रेम्‍काचाहिँ मन लिअ्‌ताङ ह्‍याको, जेदोङ हेअ्‌लाउ बुङ माचुअ्‌का, नोइका रो सिपापा हाङसाको रेम्‍का एइ। कालाउ इङको चाहिँ परमेस्‍वरको आगाता हेन्‍जाङ मोलको हि।

Dhimal NT

⁴ नेलाइ ताइमिहेङ रेम्का गुनगेलाइहोइ कोइनाका बानाइलि गोइखे जेदोङ राम्खे, इङको मोनोइ कालाउ सान्ति ब्यभार दोङ हि, जेदोङ परमेस्वरको भाअ्सिङ ओसारापाङ जाङका हि।

1पतरुस 3:4 Iomraidhean Croise

मत्‍ति 11:29

काङको जुङगेले फासु रो कासो धिरसु, हाइदोनु का नोइका रो काङको कोन्‍धाङ नोम्‍का हि, कालाउ नेलाइ ताइको आत्‍माता माइसालि निङस्‍वाना।

मत्‍ति 21:5

“सियोनको द्‍याङगेलाइहेङ दोअ्‌सु, खाङसु, नेलाइको राजा नेलाइकोता लोदोङखे, वा नोइका जेङतेङ गाधाता, गाधाको चानर्‍हुता दोङ धोल्‍तेङ लोदोङखे।”

मत्‍ति 23:26

ओइ कान्‍हा फरिसिगेलाइ! लाम्‍फा थालि रो बातिको लिअ्‌तापाहा मान्‍झेसु, कालाउ बाहारपाहा बुङ मान्‍झेन्‍हावा।

मत्‍ति 5:5

नोइकालाइ सहसाम्‍पा निङकालाइ ज्‍यावा, हाइदोनु सुमिङता हिका गोताङ चिज एम्‍बालाइकोङ ज्‍यावा।

लुका 11:40

ओइ पुन्‍धुइ मान्‍थुका द्‌याङगेलाइ, हाइ नेलाइ मागेसुखेना? जाइ बाहारको भाग बान्‍हाइहि वादोङ लिअ्‌ताको भागबुङ बान्‍हाइका माको कुनु?

लुका 16:15

कालाउ इसु एम्‍बालाइहेङ दोअ्‌हि, “नेलाइ द्‌याङगेलाइको नजरता धरम तिङलि ते भोसुखेना कुलाउ परमेस्‍वर नेलाइको कोन्‍धाङ गेखे। द्‌याङको झाउका फोमपाका इन्‍सिका काथागेलाइहेङ परमेस्‍वर आखेका दोअ्‌तेङ मोन्‍दा माताखे।

गलाति 5:23

नोइका जेङलि रो ताइमिहेङ आधिनता ताअ्‌लि दोङ एइ। कालाउ इसिका काथागेलाइको खिलापता हिदिङ नियम दोङ मान्‍थु।

कलस्सि 3:12

इदोइखातिर परमेस्‍वर माया पातेङ नेलाइहेङ साल्‍हि रो पुनित जनगेलाइ बान्‍हाइहि। कालाउ नेलाइ तु:ता परेकालाउहेङ साघाइसु, दाया माया पासु, सोझाका जेङसु, नोइका रो धिर जेङसु।

कलस्सि 3:3

हाइदोनु नेलाइको लाम्‍फाको कुकरमि ज्‍यान सिलिदोका हि रो एला नेलाइको नावा ज्‍यान बुङ परमेस्‍वरता ख्रिस्‍टदोफाङ म्‍होअ्‌न्‍हातेङ हि।

1 थेस्लोनिकि 4:11

केलाइ लाम्‍फा नेलाइहेङ दोअ्‌काभाइपा सान्‍तिको जिन्‍दागि दोपालि मन लागाइसु। कालाउ नेलाइ ताइको जिबिका चालाइलिको भाअ्‌सिङ ताइमिङ काम पासु।

2 थेस्लोनिकि 3:12

केलाइ इन्‍सिकालाइहेङ प्रभु इसु ख्रिस्‍टको मिङता चेतानि पितेङ दोअ्‌दोङन्‍हाखे, “एम्‍बालाइ सिपापा ताइको काम पाको रो ताइको हेमुङ भेलपालि ताइमिङ कामायाको।”

1तिमोथि 2:2

कालाउ राजागेलाइ रो सारकारको द्‍याङगेलाइको भाअ्‌सिङ बुङ पुकार पासु। कोलाउ केलाइ दिनाङ सान्‍तिता हितेङ धरमाति रो मानको ज्‍यान सिन्‍हुलि द्‍वाइने।

2 तिमोथि 2:25

इङको बिरोधिगेलाइहेङ नोइका जेङतेङ साम्‍झाइलि दोका हिलिगोयाङ। एन्‍सा जेङहि पानु खिनिङ परमेस्‍वर बाइरिगेलाइको मन फेरेपिलि द्‌वावा रो एम्‍बालाइ सतहेङ नालावा।

तितस 3:2

एम्‍बालाइ हासुङको खिलाप मापाको, गालबाजिसो फारापा ह्‍याको, नोइका ज्‍याको रो झाराङ द्‍याङगेलाइदोफा रेम्‍का बेभार तिङपाको।

याकुब 1:21

इदोइभाअ्‌सिङ गोताङ इसिका मारेम्‍का आनिबानि रो दिगमिगजेङका बानिसो फारापा हिसु। नोइका जेङतेङ नेलाइको कोन्‍धाङता ताअ्‌का परमेस्‍वरको कथनको दोअ्‍का भाइपा पासु। हाइदोनु नेलाइहेङ जोगाइका ते इङकोङ एइ।

1पतरुस 1:23

परमेस्‍वरको सिन्‍हुका रो दिनाङ हितेङहिका कथनसो नेलाइ नावा जेङतेङ जोल्‍मिका हिसुन्‍हा। नेलाइ मुअ्‌का आबाको चानचामिन्‍दिगेलाइ माको, कालाउ मामुअ्‌का आबाको चानचामिन्‍दिगेलाइ जेङका हिसुन्‍हा।

1पतरुस 3:15

ख्रिस्‍टहेङ नेलाइ कोन्‍धाङसोङ प्रभु साअ्‌तेङ वासेहेङ मान पासु। नेलाइलिअ्‌ता हिका आसको बारेता हासुङ हिअ्‌हि पानु इङकोको बारेता दोअ्‍पिलि दिनाङ त्‍यार हिसु।