1पतरुस 3:2 - धिमाल

² हाइदोनु नेलाइ परमेस्‍वरहेङ मान पाका रो पुनित जेङतेङ हिका एम्‍बालाइ ताइकोङ मिहोइ तिनावा।

1पतरुस 3:2 Iomraidhean Croise

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 3:20

कालाउ केलाइ सादेलता हिका द्‌याङगेलाइ एइ। केलाइको प्रभु इसु ख्रिस्‍ट सादेलसो ल्‍वावा दोअ्‌तेङ वाको दामा खाङतेङ हिन्‍हाहि। वा दोङ केलाइहेङ छुटकारा प्‍यावा।

कलस्सि 3:22

बान्‍धाइगेलाइ, नेलाइ ताइको मालिकगेलाइको दोअ्‌का गोताङ काथागेलाइ मानेसु। मालिकहेङ लेङचापालिको भाअ्‌सिङ खिनिङ माको, कालाउ प्रभुदोफा थितेङ सोझा मनसो काम पासु।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1पतरुस 1:15

कालाउ नेलाइहेङ काइका परमेस्‍वर पुनित हिका भाइपाङ नेलाइ बुङ गोताङ काथाता पुनित जेङसु।

1पतरुस 2:12

बोजात्‍यागेलाइको माझाता नेलाइको आनिबानि रेम्‍का ह्‍याको। एम्‍बालाइ नेलाइहेङ मारेम्‍का दोअ्‌तेङ दुसिलाउ नेलाइको रेम्‍का कामगेलाइ तिनाको। कालाउ परमेस्‍वर निया पालि लोलाउ वासेहेङ बाखिनाको।

1पतरुस 3:1

बेअ्‌गेलाइ, नेलाइ ताइको केअ्‌को आधिनता हिसु। एन्‍सा जेङनु परमेस्‍वरको कथनता खान्‍धुर मापाका नेलाइको केअ्‌गेलाइ बुङ ताइको बेअ्‌गेलाइको बेभारसो नेलाइ हाइदोङ मादोअ्‌लाउ बुङ एम्‍बालाइ परमेस्‍वरको कथनता खान्‍धुर पावा।

1पतरुस 3:3

नेलाइ पुसुङ काइतेङ, सोनाको गाहाना रो जाङका धाबा लागाइतेङ रेम्‍लि माभोसु।

२ पत्‍रुस 3:11

इदोइ गोताङ काथागेलाइ एसापा गाल्‍यावा दोअ्‌का गेतेङ पुनितता रो परमेस्‍वरहेङ लेङचापाका ज्‍यानता नेलाइ हिसिका खाल्‍को द्‍याङ हिलि गोयाङ दोअ्‌तेङ बिचार पासु।