1पतरुस 3:17 - धिमाल

¹⁷ मारेम्‍का काम पातेङ तु: भोगेका खान्‍तेङ ते भुरुङ रेम्‍का काम पातेङ परमेस्‍वरको लाल्‍साआन्‍सार तु: भोगेलि दोङ रेम्‍का जेनावा।

Dhimal NT

¹⁷ जेसापा केलाइको आसल कामको कारनहोइ केलाइ कस्ट भोगिनाखे कालाउ या केलाइको भाअ्सिङ परमेस्वरको इच्छा हि पानु, या आसल हि। इङको केलाइको मारेम्का कामको कारन कस्ट निङलि खान्तेङ उत्तम हि।

1पतरुस 3:17 Iomraidhean Croise

मत्‍ति 26:39

कालाउ इसु आसा ओसो हानितेङ भोनोता पोम्‍भेलेतेङ एसा दोअ्‌तेङ पुकार पालि तेङहि, “ओइ काङको आबा, जेङलि दोनु इदोइ तु:को बाति कासो लाअ्‌ताको। कालाउ बुङ काङको लाल्‍सा भाइपा माको, नाङको लाल्‍सा भाइपा ज्‍याको।”

मत्‍ति 26:42

इसु आरोङ हानितेङ पुकार पालि तेङहि, “काङको आबा, का इदोइ तु:को बाति माआम्‍सा माज्‍याङ पानु, नाङकोङ लाल्‍सा पाका भाइपाङ ज्‍याको।”

साल्न्हाका चात्या 18:21

ओबालाइदोफा बिदा जेङलाउ वा दोअ्‌हि, “परमेस्‍वरको लाल्‍सा हिनु का आरोङ नेलाइकोता घुरितेङ ल्‍वाङका।” कोलाउ वा चि जाहाजता धोल्‍तेङ एफिसससो हानेहि।

साल्न्हाका चात्या 21:14

पावलहेङ रोकेलि मादोलाउ केलाइ “प्रभुको लाल्‍सा पुरा ज्‍याको” दोअ्‌तेङ सिपापा हिन्‍हाहि।

1पतरुस 1:6

नेलाइ इदोइ गोताङ काथाता लेङचासु, कालाउ बुङ नेलाइ एला आतुइसा पहरको भाअ्‌सिङ भेभेनेङ खाल्‍को तु: भोगेलि गोइस्‍वाना।

1पतरुस 2:15

हाइपानु नेलाइ निरबुदिगेलाइ माबुझिसिङ धुइका काथागेलाइ एम्‍बालाइको रेम्‍का कामहोइ नुइगिअ्‍पिका परमेस्‍वर भोखे।

1पतरुस 2:20

नेलाइ आखेका काम पालाउ दार भोगेलि हिदिङ बाराका काथा माको, कालाउ रेम्‍का काम पातेङ बुङ तु: भोगेसुन्‍हा पानु परमेस्‍वर नेलाइहेङ सहसाम्‍पा प्‍यावा।

1पतरुस 3:14

नेलाइहेङ तु: पिका हासुङदोफा माथिसु रो सोक बुङ मापासु। रेम्‍का काम पालाउ तु: भोगेलिगोइलाउ बुङ परमेस्‍वर नेलाइहेङ सहसाम्‍पा प्‍यावा।

1पतरुस 4:15

कालाउ नेलाइता हासुङ बुङ द्‌याङ सेअ्‌का, खुका, मारेम्‍का काम पाका रो बोमिको कामता खुर ह्‍वाअ्‌कालाइ भाइपा तु: माभोगेसु।

1पतरुस 4:19

इदोइखातिर परमेस्‍वरको लाल्‍साआन्‍सार तु: भोगेकालाइ रेम्‍का काम पाको रो एम्‍बालाइ सिरजाइ पाका परमेस्‍वरता भर ताअ्‌ताको। हाइपानु वा ताइको पाका कबोल जेलाउ बुङ पोङघा पावा।