1पतरुस 3:12 - धिमाल

¹² हाइपानु परमप्रभु धरमाति द्‍याङगेलाइहेङ खाङखे रो एम्‍बालाइको पुकार हिङखे। कालाउ बुङ परमप्रभुको र्‍हाइ आसाति काम पाकालाइको खिलापता हिखे।”

Dhimal NT

¹² हाइपालिपानु प्रभु ठिक काम पाका द्‍याङगेलाइहेङ खाङखे, कालाउ वा इम्बालाइको प्रार्थाना हिङलिको भाअ्सिङ जेलाउ बुङ तियार हिखे। कालाउ परमेस्वर मारेम्का काम पाका द्‍याङगेलाइको बिरोधता काम पाखे।”

1पतरुस 3:12 Iomraidhean Croise

युहन्‍ना 9:31

केलाइ गेन्‍हाखे, परमेस्‍वर कुकरमिगेलाइको काथा माहिङखे, कुलाउ परमेस्‍वरहेङ थिका रो वाको लाल्‍सा साअ्‌का खामालको काथा परमेस्‍वर हिङखे।

याकुब 5:16

इदोइखातिर नेलाइ एमि भेनेङदोफा ताताइको कुकरम मानेसु। नेलाइ एल्‍लि एमि भेनेङको भाअ्‌सिङ पुकार पासु। हाइपानु धरमाति द्‍याङको पुकार सरबङ हिका जेङखे रो या बाराका काम पालि दोखे।