1पतरुस 3:11 - धिमाल

¹¹ इङको मारेम्‍का काम पालि लाअ्‌तेङ रेम्‍का काम पाको, इङको सान्‍तिहेङ भोकाको रो इङकोहेङ पितायाको।

Dhimal NT

¹¹ वा खाराका काम पालि लाअ्लि गोयाङ। भरु वा जेदोङ आसल हि इङको काम पालि गोइखे। आरु दोफा सान्तिता हिलिको भाअ्सिङ थाङका परिस्रोम पासु।

1पतरुस 3:11 Iomraidhean Croise

मत्‍ति 5:45

एसा पासुन्‍हा पानु नेलाइ सादेलता हिका परमेस्‍वर आबा भाइपाङ जेङस्‍वाना। हाइदोनु परमेस्‍वर आसाति रो रेम्‍का न्‍हेमिहेङ साने पिखे रो धरम रो निठुरि न्‍हेमिहेङ वाइ लोपापिखे।

मत्‍ति 5:9

मिलाप पापिकालाइ सहसाम्‍पा निङकालाइ ज्‍यावा, हाइदोनु एम्‍बालाइ परमेस्‍वरको चानचामिन्‍दि गेलाइ दोअ्‌न्‍हावा।

मत्‍ति 6:13

केलाइहेङ जाचता फासेपाका काथागेलाइसो दुरे ताअ्, कालाउ बुङ दुरजनसो बान्‍चेपा। [हाइदोनु सारभि, सरबङ रो प्रताप दिनाङको भाअ्‌सिङ नाङकोङ हि, आमेन।]

मर्कुस 14:7

हाइदोनु निरधनगेलाइ ते नेलाइदोफा जेलाउ ह्‍यावा कालाउ नेलाइ ओबालाइको जेलाउ बुङ भलो पालि दोअ्‌स्‍वाना। कालाउ बुङ का ते दिनाङ नेलाइदोसा माह्‍याङका।

लुका 1:79

कालाउ कितिकितिकाता हिका रो कालको नुइता परिलि तोमकालाइहेङ फाइसालामका प्‍यावा। कालाउ केलाइहेङ वा सुबिस्‍ताको दामाता हिगिल्‍पावा।”

लुका 6:35

“एन्‍सा माको, दुस्‍मनगेलाइहेङ माया पासु, झाराङहेङ भालाइ पासु रो रिन र्‍हेकालाइहेङ र्‍हुका आस मापासिङ रिन पिसु। एन्‍सा पासुन्‍हा पानु नेलाइ बारा इनाम निङस्‍वाना। कालाउ नेलाइ बाराका परमेस्‍वरको चान जेङस्‍वाना। हाइदोनु परमेस्‍वर ते बाइगुनि रो स्‍वार्थिहेङ बुङ दायाखे।

लुका 6:9

कालाउ इसु एम्‍बालाइहेङ दोअ्‌हि, “एला दोअ्‌सु, केलाइको नियम पुनित माइसाका दिनाता हाइपालि रेम्‍का जेनाङ दोअ्‌खे? रेम्‍का पालि ना मारेम्‍का पालि? सिन्‍हुपालि दोअ्‌खे ना नासापालि?”

युहन्‍ना 17:15

ना एम्‍बालाइहेङ दुनियासो चुम्‍पु दोअ्‌तेङ का पुकार मापाङका। कुलाउ एम्‍बालाइहेङ दियाबलससो हिफाजत ताअ्‍पि।

गलाति 5:22

कालाउ पुनित हाङसाको आधिनता हिगिल्‍कालाइको ज्‍यानता इदोइ काथागेलाइ हिखे : माया पालि, लेङचालि, बेराजा पालि, साहेलि दो:लि, दाया पालि रो भालाइ पालि, भर परेका जेङलि,

गलाति 6:10

इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

कलस्सि 3:15

कालाउ ख्रिस्‍टको सुबिस्‍ता नेलाइको कोन्‍धाङता सारभि पाको। परमेस्‍वर नेलाइहेङ एलोङदोङ जिउता बेराजापा हिसु दोअ्‌तेङ काइका एइ। इदोङ काथाको भाअ्‌सिङ दोङ नेलाइ वासेहेङ च्‍याबास चार्‍हाइसु।

1तिमोथि 6:18

भालाइ जेङका काम पालि, भालाइ पातेङ धनि जेङलि, खुला मनको जेङलि रो जेलाउ बुङ बोमिहेङ पिलि त्‍यार जेङलि दोअ्‌तेङ एम्‍बालाइहेङ दोअ्।

याकुब 4:17

इदोइखातिर जाइ भालाइ पालि गेतेङ बुङ एन्‍सा मापानु इङको कुकरम पाखे।

1पतरुस 3:12

हाइपानु परमप्रभु धरमाति द्‍याङगेलाइहेङ खाङखे रो एम्‍बालाइको पुकार हिङखे। कालाउ बुङ परमप्रभुको र्‍हाइ आसाति काम पाकालाइको खिलापता हिखे।”

३ युहन्‍ना 1:11

मोन्‍दाताका सानाइति, आखेकाहेङ मापिताइ, कालाउ भालाइहेङ पिताइ। जाइ भालाइ पाखे, इङको परमेस्‍वरको एइ। जाइ आखेका पाखे, इङको परमेस्‍वरहेङ नालकाङ मान्‍थुखे।