1पतरुस 2:6 - धिमाल

⁶ हाइदोनु धरमकिताबता इसिका लेखेन्‍हाका हि: “खाङसु, का साल्‍का हेन्‍जाङ दामि उन्‍थुइ सियोनता ताअ्‌का हिघा। कालाउ वाता खान्‍धुर पाकालाइ हेअ्‌लाउ लेदेरता मापर्‍यावा।”

Dhimal NT

⁶ इदोइ धर्मसास्तरता परमेस्वर दोअ्का भाइकाङ हि, खाङसु! का सियोन सहरता कुन्हाको उन्ठुइ भाइकाङ हासुहेङ बुङ ताअ्दोङखा। वा खाम्बा योम्पालिको भाअ्सिङ चुनिका एमि मेनाङ जाङका उन्ठुइ भाइकाङ हि। जाइ वाको ह्रुता भोरोसा पाखे वा लेदेरलि मागोइयाङ।

1पतरुस 2:6 Iomraidhean Croise

मत्‍ति 12:18

“खाङसु, का साल्‍का काङको मोन्‍दाताका सेबक या दोङ हि। वासेहेङ का हेन्‍जाङ दायाखा रो वादोफा का हेन्‍जा लेङचाका हिघा, का ताइको हाङसा वासेहेङ प्‍याङका कालाउ वा जात्‍या जात्‍याको द्‍याङगेलाइहेङ नियाको पारचार पावा।

मर्कुस 12:10

हाइ नेलाइ धरमकिताबको इदोइ कथन पर्‍हेका मान्‍थुसुन्‍हा? ‘जेदोङ उन्‍ठुइहेङ साअ् बान्‍हाइकालाइ काम मालाग्‍याङ दोअ्‌तेङ थालगिल्‍हि, इङकोङचाहिँ कोन्‍हाको मुल उन्‍ठुइ जेङहि।

लुका 20:17

कालाउ इसु एम्‍बालाइभारि खाङतेङ दोअ्‌हि, “एन्‍सा जेङनु धरमकिताबता लेखेन्‍हाका इदोइ काथागेलाइको माने हाइ कुनु? ‘जेदोङ उन्‍ठुइहेङ डकर्मिगेलाइ काम मालाग्‍याङ दोअ्‌तेङ थालगिल्‍का हिघाहि; इङको उन्‍ठुइ दोङ साअ्‌को जग लागाइलाउ मुल उन्‍ठुइ जेङलि लोहि।’

लुका 23:35

द्‍याङगेलाइ जाअ्‌तेङ खाङतेङ हिघाखे। हाकिमगेलाइ वासेहेङ खिसि पातेङ दोअ्‌हि, “या बोमिहेङ सिन्‍हुपाहि, इदोइ परमेस्‍वरको ख्रिस्‍ट रो वाको साल्‍तेङ दिङगिल्‍का जन एइ पानु या ताइमिहेङ सिन्‍हुपाको।”

युहन्‍ना 7:38

जाइ कार्‍हुता खान्‍धुर पाखे, धरमकिताबको दोअ्‌कामाफिक ‘इङकोको कोन्‍धाङलिअ्‌तासो सिन्‍हुका चिको झोरागेलाइ झोतेङ ओल्‍ह्‍यावा।’”

साल्न्हाका चात्या 1:16

“दादाओने बाइओनेगेलाइ, धरमकिताबको कथन पोङघालि गोइघाङ, जेदोङ कथन इसुहेङ रिम्‍पाकालाइको आगुवा यहुदाको बारेता दाउदको नुइसो लाम्‍फासोङ पुनित हाङसा धुइका हिघाहि।

2 तिमोथि 3:16

इदोइ गोताङ धरमकिताब परमेस्‍वरसो लोका हिनाङ इदोइ धिरपालि, आरति पिलि, साच्‍याइलि रो धरमाति द्‌याङ जेङलिको भाअ्‌सिङ तालिम पिलि हेन्‍जाङ रेम्‍का हि।

1पतरुस 2:4

प्रभुकोता लोसु, जाइ सिन्‍हुका उन्‍थुइ हि। द्‌याङगेलाइ वासेहेङ काम मालागिका दोअ्‌तेङ थाल्‍हि, कालाउ बुङ परमेस्‍वर वासेहेङ सालन्‍हाका मोलहिका उन्‍थुइ तुल्‍याइहि।

1पतरुस 2:8

कालाउ, “एलोङ उन्‍थुइ जाइ द्‌याङगेलाइहेङ बोखेपाखे, एलोङ उथुइ जाइ नेलाइहेङ लोङपाखे।” हाइपानु एम्‍बालाइ कथन मासाअ्‌खे रो लोङखे। एम्‍बालाइको भाअ्‌सिङ परमेस्‍वर इसिकाङ जेङलि तोकेपिका हि।

२ पत्‍रुस 1:20

कालाउ आगाधुइकालाइसो धरमकिताबता लेखेन्‍हाका काथागेलाइचाहिँ ओबालाइको ताइकोङ बिचारहोइ लेखेन्‍हाका माको दोअ्‌तेङ नेलाइ गेलि गोइस्‍वाना।

२ पत्‍रुस 3:16

वाको गोताङ चिथिगेलाइता बुङ वा इदोइ काथागेलाइ बाखान पाका हि। इङकोता हिदिङहिदिङ काथागेलाइ गेलि मुसकिल हि। काथा माबुझिका रो खान्‍धुरता लुरमान्‍थुका द्‍याङगेलाइ इदोइ काथागेलाइहेङ बो धरम किताबगेलाइहेङ भाइपाङ उल्‍टापाल्‍ति पाखे रो ताइकोङ बिगार चुमाखे।