1पतरुस 2:5 - धिमाल

⁵ नेलाइ बुङ इसु ख्रिस्‍ट भाइपाङ सिन्‍हुका उन्‍थुइ जेङतेङ लोसु रो हाङसाको थान धाम्‍लिको भाअ्‌सिङ ताइमिङहेङ सोमपिसु। इन्‍ता नेलाइ इसु ख्रिस्‍टको सामान्‍दाहोइ पातेङ परमेस्‍वरहेङ मोन्‍दाताका हाङसाको भोक चार्‍हाइका पुनित धामिको काम पास्‍वाना।

1पतरुस 2:5 Iomraidhean Croise

1 कोरिन्थि 3:16

नेलाइ परमेस्‍वरको थान रो वाको पुनित हाङसा दोङ नेलाइलिअ्‌ता बासा हिखे दोअ्‌तेङ हाइ नेलाइ मागेसुखेना?

1 कोरिन्थि 3:9

हाइपानु केलाइ झाराङ परमेस्‍वरको काम पाका खेताला हिन्‍हाहि रो नेलाइचाहिँ परमेस्‍वरको मिलिङ हिसुन्‍हा। कालाउ नेलाइचाहिँ परमेस्‍वरको साअ्‌ हिसुन्‍हा।

1 कोरिन्थि 6:19

हाइ नेलाइको जिउ पुनित हाङसाको थान दोअ्‌तेङ नेलाइ मागेसुखेना? परमेस्‍वरको पिका पुनित हाङसा दोङ नेलाइको जिउलिअ्‌ता ह्‍यावा। एन्‍साजेङलाउ नेलाइ वाकोङ रो नेलाइ ताइमिङचाहिँ ताइकोङ माको।

गलाति 6:10

इदोइखातिर माउका निङतेङसाङ केलाइ झाराङको भालाइ पातेङ हानाइने। खास पातेङ एम्‍बालाइ जाइ ख्रिस्‍ट इसुहेङ खान्‍धुर पाका हि।

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

फिलिप्पि 2:17

नेलाइको प्रभु इसुता पाका खान्‍धुर परमेस्‍वरहेङ चार्‍हाइका भोक भाइकाङ एइ। इङको भोकता काङको हिति होलाउ बुङ का लेङचाका हिघा। कालाउ का नेलाइ दोफादोफाङ लेङचाङका।

फिलिप्पि 4:18

का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

कलस्सि 3:17

नेलाइ जेदोङ दोअ्‌लाउ बुङ, जेदोङ पालाउ बुङ, गोताङ काथा प्रभु इसुकोङ मिङता पासु। कालाउ वासो दोङ परमेस्‍वर आबाहेङ च्‍याबास चार्‍हाइसु।

1तिमोथि 3:15

कालाउ का लोलि बेलोमघा पानु बुङ परमेस्‍वरको साअ्‌ता हेसापा काम पालि, इङको काथा इदोइ चिथिसो गेसु। परमेस्‍वरको साअ्‌चाहिँ सिन्‍हुका परमेस्‍वरको मन्‍डलि। इदोइ सतको खाम्‍भा रो जग बुङ।

1पतरुस 2:9

कालाउ बुङ नेलाइ ते परमेस्‍वर साल्‍का खालगेलाइ, राजाको धामिगेलाइ, पुनित जात्‍यागेलाइ, परमेस्‍वरको ताइकोङ राइतिगेलाइ एइ। वा नेलाइहेङ कितिकितिकासो वाको भारभुसाइका फासालाम्‍काता चुमाहि। कालाउ नेलाइ वाको भारभुसाइका कामगेलाइ पारचार पालि दोसु।

1पतरुस 4:11

एदि हासुङ धुइका बर निङकाहि पानु, इङको परमेस्‍वर धुइका भाइपाङ धुयाको। एदि हासुङ चाकर पालि भोखे पानु, इङको परमेस्‍वरको पुनित हाङसाको सरबङसो चाकर पाको। एसापा नेलाइको पाका गोताङ कामगेलाइता इसु ख्रिस्‍टसो परमेस्‍वरको दोङ मिङ झाउका जेङका ह्‍याको। वाता दोङ गोताङ प्रताप रो सरबङ दिनाङ हितेङ ह्‍याको। आमेन।

1पतरुस 4:17

हाइदोनु निया जेङका पहर जेङहोइ रो परमेस्‍वर लाम्‍फा ताइकोङ द्‌याङगेलाइको निया पावा। एदि निया केलाइसो दोङ थालनि जेङखे पानु परमेस्‍वरको रेम्‍काबानालहेङ खान्‍धुर मापाकालाइको झन हिसिका दासा ज्‍याङ वाला?