1पतरुस 2:24 - धिमाल

²⁴ केलाइ कुकरमको भाअ्‌सिङ सितेङ धरमातिको भाअ्‌सिङ बानच्‍याइने दोअ्‌तेङ ख्रिस्‍ट ताइमिङ केलाइको कुकरम फातेङ कुरुसता सिहि। एन्‍साङ पातेङ वाकोङ पेचारासो नेलाइ एल्‍का हिसुन्‍हा।

Dhimal NT

²⁴ जेलाउ ख्रिस्ट सिहि, वा क्रुस्टता केलाइको पापको भाअ्सिङ ताइको जिउता दन्ड भोगिहि। वा इसिका पाहि कालाउकि केलाइ पाप पालि लाअ्तेङ धर्मि जेङजेङ जिबन जियाइलि तेङलि द्वाइने। कालाउ वा सहिका चोटगेलाइ पाहासो केलाइ एल्का हिनाहि।

1पतरुस 2:24 Iomraidhean Croise

मत्‍ति 27:26

कालाउ पिलातस एम्‍बालाइको भाअ्‌सिङ बारब्‍बाहेङ लाअ्‌पिहि, कालाउ बुङ इसुहेङ छरि लागाइतेङ कुरुसता टाङगाइलि सिपालाइहेङ जिम्‍मा पिहि।

मत्‍ति 5:20

का नेलाइहेङ दोअ्‌खा, नेलाइको धरममास्‍टर रो फरिसिगेलाइको पाका धरम काम खान्‍तेङ नेलाइको काम रेम्‍का माजेङनु नेलाइ हिदिङ बुङ रितसो सादेलको सारभिता दुल्‍लि मानिङस्‍वाना।

मत्‍ति 8:17

एसापा यसैया आगाधुइकाको धुइका बचन पोङघालि इदोइ जेङका हिघाहि: “वा ताइमिङ केलाइको निमसरिगेलाइ फुहि रो केलाइको रोगगेलाइ एल्‍पाहि।”

मर्कुस 15:15

हाइदोनु पिलातस द्‍याङगेलाइहेङ लेङचापालि भोघाखे। इदोङभाअ्‌सिङ वा बारब्‍बाहेङ दोङ लाअ्‌पिहि। इसुहेङ चाहिँ वा छरि लागाइतेङ कुरुसता टाङगाइलि जिम्‍मा लागाइहि।

लुका 4:18

प्रभु परमेस्‍वर ताइको हाङसा काङकोर्‍हुता हुपिका हि, गरिबगेलाइहेङ रेम्‍काबानाल हिम्‍पालि वा कासेहेङ अभिसेक पातेङ दिङगिल्‍का हि। कैदिगेलाइहेङ लाअ्‌पालि, कान्‍हागेलाइहेङ तिङका बान्‍हाइलि, आन्‍याएता परिकालाइहेङ ल्‍होपालि

युहन्‍ना 1:29

जुम्‍निदिना युहन्‍ना इसुहेङ ताइमिभारि लोतेङहिका तिङतेङ दोअ्‌हि, “खाङसु, दुनियाको द्‍याङगेलाइको कुकरम तोल्‍हेतेङचुम्‍पुका परमेस्‍वरको भेरा!

युहन्‍ना 19:1

कोलाउ पिलातस इसुहेङ चुम्‍पुतेङ छरि म्‍हेअ्‌लि हुकुम पिहि।

साल्न्हाका चात्या 10:35

कुलाउ द्‍याङ जेदोङ जात्‍याको हिलाउ बुङ जाइ वासेहेङ थिखे रो उचित काम पाखे, परमेस्‍वर इन्‍सिकालाइहेङ मोन्‍दा ताखे।

साल्न्हाका चात्या 10:39

“कालाउ वा यहुदिगेलाइको पुरता रो यरुसलेमता पाका गोताङ काथाको केलाइ दासि एइ। वासेहेङ एम्‍बालाइ क्रुसता टाङगाइतेङ सेअ्‌हि।

साल्न्हाका चात्या 13:29

“एसापा वाको बारेता लेखेका गोताङ काथा एम्‍बालाइ पोङघा पाकान्‍हुअ्‌सो वासेहेङ क्रुससो खुअ्‌पातेङ तोमता ताअ्‌हि।

साल्न्हाका चात्या 5:30

केलाइको आबाखाल्‍को परमेस्‍वर इसुहेङ सिकासो सिन्‍हुपाहि, जाइहेङ नेलाइ कुरुसता टाङगाइतेङ सेअ्‌का हिघासुन्‍हा।

1 कोरिन्थि 15:3

हाइदोनु काङको निङका रेम्‍काबानालको मुल काथा दोङ नेलाइहेङ सोङपिघा। जेदोङ मुल काथा, पुनित धरमकिताबआन्‍सार ख्रिस्‍ट केलाइको कुकरमको भाअ्‌सिङ सिहि।

गलाति 3:13

नियम केलाइता साराप चुमाहि कालाउ ख्रिस्‍ट इङको साराप ताइमिङ र्‍हुतेङ केलाइहेङ छुटकारा पिहि। हाइदोनु धरमकिताबता इसिका लेखेन्‍हाका हि “जाइ सिङता तोइन्‍हाखे इङको साराप निङचाका हिखे।”

फिलिप्पि 1:11

कालाउ इसु ख्रिस्‍टको सरबङसो नेलाइ दिनाङ परमेस्‍वरहेङ मोन्‍दाताका काम पासु। इदोङ रेम्‍का काम तिङतेङ द्‌याङगेलाइ परमेस्‍वरहेङ मान पातेङ वासेहेङ बाखिनावा।

कलस्सि 2:14

कालाउ परमेस्‍वर केलाइको खिलापता लेखेन्‍हाका गोताङ कानुनता दाबि पाका दुस चिथिगेलाइहेङ खारेज पाहि रो वा इङकोहेङ कुरुसता बालसरि काटि तातेङ मुअ्‌पापिहि।

कलस्सि 2:20

नेलाइ ख्रिस्‍ट इसुता खान्‍धुरि पातेङ वादोफाङ सितेङ इदोइ दुनियाको कुकरमि द्‍याङगेलाइ भाइका जेङतेङ हाइपालि बान्‍चितेङ हिसुखेना? कालाउ इदोइ दुनियाको नियमगेलाइको आगाता हाइपालि म्‍हुइलि भोसुखेना?

कलस्सि 3:3

हाइदोनु नेलाइको लाम्‍फाको कुकरमि ज्‍यान सिलिदोका हि रो एला नेलाइको नावा ज्‍यान बुङ परमेस्‍वरता ख्रिस्‍टदोफाङ म्‍होअ्‌न्‍हातेङ हि।

याकुब 5:16

इदोइखातिर नेलाइ एमि भेनेङदोफा ताताइको कुकरम मानेसु। नेलाइ एल्‍लि एमि भेनेङको भाअ्‌सिङ पुकार पासु। हाइपानु धरमाति द्‍याङको पुकार सरबङ हिका जेङखे रो या बाराका काम पालि दोखे।

१ युहन्‍ना 2:29

ख्रिस्‍ट धरमाति हि दोअ्‌का काथा नेलाइदोङ गेसुखेना। एन्‍सा जेङलाउ नेलाइ गेसु परमेस्‍वरको आगा उचित जेङका काम पाकालाइचाहिँ परमेस्‍वरको जाहान एइ।

१ युहन्‍ना 3:7

काङको दायाका जामालाइ, हिदिङ बुङ द्‍याङ नेलाइहेङ छलेलि मानिनाको। धरमाति काम पाका द्‌याङ दोङ ख्रिस्‍टभाइपाङ धरमाति ज्‍यावा।