1पतरुस 2:23 - धिमाल

²³ हासुङ वासेहेङ बादनाम पालाउ बुङ वा हासुङदोफाङ नुइ मालागेहि। हेथे तु: भोगेलि गोइलाउ बुङ वा हासुहेङ बुङ धामास मापिहि। कालाउ वा उचित निया पाका परमेस्‍वरता दोङ भर ताअ्‌हि।

Dhimal NT

²³ जेलाउ द्‍याङगेलाइ येसुहेङ आपामान पाहि, वा ओबालाइको आपामान मापाहि। जेलाउ द्‍याङगेलाइ वासेहेङ कस्ट पिहि, वा इङको बदलाता इम्बालाइहेङ चोट थुका पापाका कोसिस हेलाउ बुङ मापाहि। भरु वा साघाइलिको भाअ्सिङ परमेस्वरता भोरोसा ताअ्हि। वासेहेङ थाहा हिघाहि कि परमेस्वर जेलाउ बुङ द्‍याङगेलाइको न्याय उचित तरिकाहोइ पाखे।

1पतरुस 2:23 Iomraidhean Croise

लुका 23:41

केलाइ ते मारेम्‍का काम पानाङसिङ इदि डाँड भोगेदोङन्‍हाखे। कालाउ खाङ, वा ते हिदि बुङ मारेम्‍का काम पानाङ दोङ मान्‍थुघाहि।”

लुका 23:46

कालाउ बारा गालापातेङ इसु र्‍हिकाइतेङ दोअ्‌हि, “आबा, का काङको आत्‍माहेङ नाङकोङ खुर्ता पिखा!” इदोइ दोअ्‌तेङ वा सास लाअ्‌हि।

लुका 23:9

वा इसुहेङ हेन्‍जाङ काथा हिअ्‌हि कालाउ इसु हिदिङ बुङ जाबाफ मापिहि।

साल्न्हाका चात्या 17:31

हाइदोनु दुनियाको झाराङ द्‍याङगेलाइको न्‍याय पाका दिना वा तोकिपिलि दोकाहि रो इङको दिना वा ताइमिङ साल्‍का द्‍याङसो न्‍यायदोसा निसाफ पावा। वासेहेङ सिकासो सिन्‍हुपातेङ परमेस्‍वर झाराङ द्‍याङगेलाइहेङ याको दासि पिका हि।”

साल्न्हाका चात्या 4:29

एला ओइ प्रभु, एम्‍बालाइको दप्‍किर्‍हुता नजर पा। नाङको बान्‍धाइगेलाइहेङ आट पितेङ नाङको कथन धुइलि पि।

साल्न्हाका चात्या 7:59

जेलाउ एम्‍बालाइ स्‍तिफनसहेङ उन्‍ठुइ तोतेङ हिघाखे, कोलाउ वा पुकार पाहि, “ओइ प्रभु इसु, काङको हङसहेङ र्‍हुपि।”

साल्न्हाका चात्या 9:1

साउल प्रभुको चात्‍यागेलाइको खिलापता एला बुङ धम्‍कि रो सेअ्‌का धुनता मुल धामिकोता हानेहि।

2 थेस्लोनिकि 1:5

परमेस्‍वर झाराङ द्‌याङगेलाइहेङ उचितसो निया पाखे दोअ्‌तेङ इदोइ काथागेलाइहोइ दासि पिखे। कुलाउ इदोइ गोताङ थोक सहेका परमेस्‍वरको सारभिको लायक जेङका द्‌याङगेलाइ दोअ्‌तेङ नेलाइहेङ वा दोअ्‌खे, हाइदोनु वाको सारभिको भाअ्‌सिङ दोङ नेलाइ तु: भोगिदोङसुखेना।

2 तिमोथि 1:12

इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

1पतरुस 3:9

एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

1पतरुस 4:19

इदोइखातिर परमेस्‍वरको लाल्‍साआन्‍सार तु: भोगेकालाइ रेम्‍का काम पाको रो एम्‍बालाइ सिरजाइ पाका परमेस्‍वरता भर ताअ्‌ताको। हाइपानु वा ताइको पाका कबोल जेलाउ बुङ पोङघा पावा।