1पतरुस 2:21 - धिमाल

²¹ हाइपानु याकोङ भाअ्‌सिङ परमेस्‍वर नेलाइहेङ काइका एइ। ख्रिस्‍ट बुङ नेलाइको भाअ्‌सिङ तु: भोगेहि रो नेलाइको भाअ्‌सिङ एलोङ नामुना जेङपिहि। कालाउ नेलाइ बुङ ख्रिस्‍टको तिङपाका दामाता तेलिगोयाङ।

Dhimal NT

²¹ परमेस्वर नेलाइहेङ काइका को कारन एनोङ कारन इदोइ हि कि नेलाइ वाको भाअ्सिङ कस्ट भोगिलि गोइस्वाना। ख्रिस्ट, जाइ नेलाइको भाअ्सिङ कस्ट भोगिहि। वा नेलाइको उधारन हि। ओदोङ भाअ्सिङ नेलाइ वाको पाका काम आनुकरन पालि गोइखे।

1पतरुस 2:21 Iomraidhean Croise

मत्‍ति 10:38

जाइ ताइको कुरुस तोल्‍हेतेङ कासेहेङ मापितायावा, वा काङको चात्‍या जेङलि लायकको माज्‍यावा।

मत्‍ति 11:29

काङको जुङगेले फासु रो कासो धिरसु, हाइदोनु का नोइका रो काङको कोन्‍धाङ नोम्‍का हि, कालाउ नेलाइ ताइको आत्‍माता माइसालि निङस्‍वाना।

मत्‍ति 16:24

कालाउ इसु ताइको चात्‍यागेलाइहेङ दोअ्‌हि, “जाइ कासेहेङ पिताइलि लाल्‍सा पाखे पानु, वा ताइमिहेङ इन्‍ताना मार्‍याको रो ताइको कुरुस फातेङ कासेहेङ पितायाको

लुका 24:26

हाइ आदर रो प्रताप निङकाखान्‍तेङ लाम्‍फा ख्रिस्‍ट तु: भोगेलि मागोइधाङ कुनु?”

युहन्‍ना 13:15

हाइपानु का नेलाइहेङ एलोङ नामुना तिङपातेङ जेसापा का नेलाइको भाअ्‌सिङ पाघा, नेलाइ बुङ एन्‍साङ पासु।

युहन्‍ना 16:33

का नेलाइहेङ इदोइ काथा इदोइ खातिरहोइ दोअ्‌का हिघा, काता नेलाइहेङ सुबिस्‍ता ज्‍याको। दुनियाता नेलाइहेङ जोखिम ज्‍यावा, कुलाउ हिमत पासु, का दुनियाहेङ जितिका हिघा।”

साल्न्हाका चात्या 14:22

एम्‍बालाइ चात्‍यागेलाइको आत्‍माहेङ बोल्‍याका बान्‍हाइतेङ ओबालाइहेङ खान्‍धुरता हितेङहिलि आर्ति पिहि। हेन्‍जाङ पिर सहितेङ केलाइ परमेस्‍वरको सारभिता दुल्‍लि गोयाङ दोअ्‌तेङ ओबालाइहेङ दोअ्‌हि।

साल्न्हाका चात्या 17:3

वा धरमकिताबसो दासि पितेङ एम्‍बालाइहेङ एसा गेपाहि, “ख्रिस्‍टहेङ तु: भोगेलि रो सिकासो सिन्‍हुलि गोइधाङ। इदोइ दोङ इसु, जाइको बारेता रेम्‍काबानाल का नेलाइहेङ हिङपाखा, वा दोङ ख्रिस्‍ट एइ।”

साल्न्हाका चात्या 9:16

हाइपानु काङको मिङको भाअ्‌सिङ वा हेथे पिर सहेलिगोयाङ, इङको का वासेहेङ तिम्‍पाङका।”

1 कोरिन्थि 11:1

का ख्रिस्‍टको पाकाभाइपाङ पाखा, नेलाइ बुङ काङको पाकाभाइपाङ पासु।

फिलिप्पि 2:5

नेलाइको इसिका मन ह्‍याको, जाइ ख्रिस्‍ट इसुता हिघाहि।

1 थेस्लोनिकि 3:3

कालाउ इदोइ तु:गेलाइसो हासुङ माहेङगालाइन्‍हाको। इसिका तु:गेलाइ सहेलि केलाइचाहिँ साल्‍तेङ दिङगिल्‍का दोअ्‌तेङ नेलाइ ताइमिङ रेम्‍फा गिका हिसुन्‍हा।

1 थेस्लोनिकि 4:2

हाइपानु केलाइ नेलाइहेङ प्रभु इसुसो निङका हिदिहिदि हुकुमगेलाइ पिका हिघान्‍हाहि, इङको गेसुखेना।

2 तिमोथि 3:12

ख्रिस्‍ट इसुको चाकर जेङतेङ ज्‍यान दोपालि भोकालाइहेङ सान्‍ताइका ते लोतेङसाङ ह्‍यावा।

1पतरुस 1:20

परमेस्‍वर दुनियाहेङ सिरजाइका खान्‍तेङ लाम्‍फा दोङ ख्रिस्‍टहेङ साल्‍का हिघाहि रो नेलाइको भाअ्‌सिङ न्‍हुअ् दिनाता वा देखाल जेङहि।

1पतरुस 2:24

केलाइ कुकरमको भाअ्‌सिङ सितेङ धरमातिको भाअ्‌सिङ बानच्‍याइने दोअ्‌तेङ ख्रिस्‍ट ताइमिङ केलाइको कुकरम फातेङ कुरुसता सिहि। एन्‍साङ पातेङ वाकोङ पेचारासो नेलाइ एल्‍का हिसुन्‍हा।

1पतरुस 3:18

हाइदोनु केलाइहेङ परमेस्‍वरकोता थुकापालिको भाअ्‌सिङ ख्रिस्‍ट धरमाति हिलाउबुङ अधरमातिगेलाइको कुकरमको भाअ्‌सिङ ए खे सिहि। वा जिउता सिहि कालाउ बुङ परमेस्‍वर वासेहेङ हाङसाको सरबङसो सिन्‍हुपाहि।

1पतरुस 3:9

एदि हासुङ नेलाइहेङ मारेम्‍का पाहि पानु इङकोहेङ मारेम्‍का मापासु। इङको नेलाइहेङ साराप पिलाउ बुङ नेलाइ इङकोहेङ साराप मापिसु, भुरुङ इङकोहेङ सहसाम्‍पा पिसु। हाइदोनु परमेस्‍वर याकोङ भाअ्‌सिङ नेलाइहेङ काइका एइ रो नेलाइ वासो सहसाम्‍पा निङलि दोसु।

1पतरुस 4:1

जेसापा ख्रिस्‍ट जिउता तु: सहेहि, एन्‍सा पातेङ नेलाइ बुङ तु: सहेलि त्‍यार जेङसु। हाइदोनु जाइ जिउता तु: भोगेखे इङको कुकरम पालि लाअ्‌का हिखे।

1पतरुस 4:13

कालाउ ख्रिस्‍टको तु:ता नेलाइ बुङ भागर्‍हुलि निङलाउ लेङचासु। वाको प्रताप देखाल जेङलाउ नेलाइ बुङ हेन्‍जाङ लेङचालि दोस्‍वाना।

१ युहन्‍ना 2:6

जाइ परमेस्‍वर दोफा हिघा दोअ्‌खे वा ख्रिस्‍टकोङ डेगआन्‍सार चलेलिगोइखे।

१ युहन्‍ना 3:16

माया हाइ एइ दोअ्‌तेङ केलाइ इताङसो गेन्‍हाखे, ख्रिस्‍ट केलाइको भाअ्‌सिङ ताइको ज्‍यान पिहि। केलाइ बुङ ताइको दादाओने बाइओनेगेलाइको भाअ्‌सिङ ताइको ज्‍यान पिलिगोयाङ।