1पतरुस 2:20 - धिमाल

²⁰ नेलाइ आखेका काम पालाउ दार भोगेलि हिदिङ बाराका काथा माको, कालाउ रेम्‍का काम पातेङ बुङ तु: भोगेसुन्‍हा पानु परमेस्‍वर नेलाइहेङ सहसाम्‍पा प्‍यावा।

Dhimal NT

²⁰ कालाउ जेसापा नेलाइ गलत काम पातेङ दानाइ निन्चास्वाना पानु, नेलाइको साजाइता धैर्य हिलि हिदोइ बुङ बाखानाइको कारन मान्थु। नेलाइ रेम्का कामको भाअ्सिङ दुख भोगिस्वाना पानु, कालाउ नेलाइ धैर्य जेङस्वाना पानु कालाउ परमेस्वर लेङचाखे।

1पतरुस 2:20 Iomraidhean Croise

मत्‍ति 26:67

कालाउ एम्‍बालाइ इसुको र्‍हाइता थोअ्‌तेङ वासेहेङ भुकिन्‍दिहि रो आधेमि चाउरेतेङ एसा दोअ्‌हि,

मत्‍ति 5:47

नेलाइ ताइगेलाइहेङ खिनिङ आदरभाउ पासुन्‍हा पानु बोमिगेलाइ खान्‍तेङ हेन्‍जा हाइ पासुन्‍हा कुनु? हाइ बोजात्‍यागेलाइ बुङ एन्‍साङ मापाखे कुनु?

मर्कुस 14:65

कालाउ आधेमि इसुहेङ थोअ्‌लि तेङहि रो वाको नुइ थुम्‍तेङ चाउरेतेङ दोअ्‌हि, “आगाधुइका धुइ।” इङकोन्‍हुअ्‌सो पालेगेलाइ वासेहेङ ताइको जिम्‍माता र्‍हुहि रो दान्‍हाइकाताङ चुमपुहि।

लुका 6:32

“नेलाइहेङ माया पाकालाइहेङ खिनिङ माया पासुन्‍हा पानु, नेलाइ हाइ निङसुन्‍हा? हाइदोनु कुकरमिगेलाइ बुङ ताइमिहेङ माया पाकालाइहेङ एन्‍साङ पाखे।

1 कोरिन्थि 4:11

एला बुङ केलाइ चालि आम्‍लि मानिङतेङ म्‍हितुम्‍हितुपाङ हिगिलन्‍हाखे। केलाइदोफा होङका धाबा खेन्‍तारा बुङ मान्‍थु। केलाइ द्‌याङगेलाइसो दान्‍हाइ निङचाका हिन्‍हाहि रो केलाइदोफा हिका साअ्‌ बुङ मान्‍थु।

गलाति 4:18

एला का नेलाइदोफा हिलाउ खिनिङ माको, कालाउ नेलाइदोफा का माहिलाउ बुङ एम्‍बालाइ नेलाइको भाअ्‌सिङ रेम्‍का काम पालि हाउसेनु झन रेम्‍काङ एइ।

फिलिप्पि 4:18

का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

1पतरुस 2:19

कालाउ नेलाइ भोगिलिङ मागोइका तु: बुङ परमेस्‍वरको लाल्‍सा दोङ हि दोअ्‌तेङ फोमपातेङ सहेसुन्‍हा पानु वा नेलाइहेङ सहसाम्‍पा प्‍यावा।

1पतरुस 3:14

नेलाइहेङ तु: पिका हासुङदोफा माथिसु रो सोक बुङ मापासु। रेम्‍का काम पालाउ तु: भोगेलिगोइलाउ बुङ परमेस्‍वर नेलाइहेङ सहसाम्‍पा प्‍यावा।

1पतरुस 3:17

मारेम्‍का काम पातेङ तु: भोगेका खान्‍तेङ ते भुरुङ रेम्‍का काम पातेङ परमेस्‍वरको लाल्‍साआन्‍सार तु: भोगेलि दोङ रेम्‍का जेनावा।